جىلقى تۇقىمدارى

100_4746قازاق جىلقىسى. اۋا رايىنىڭ قانداي جاعدايىنا بولسا دا توزىمدى, جەم-شوپ تالعامايدى, ۇنەمى دالادا, تەبىندە, جايىلىمدا وسىپ-جەتىلگەن. بۇل تۇلىكتىڭ باسى ۇلكەن, ساعالدىرىعى كەڭ, كوزدەرى كىشىلەۋ, موينى جۋانداۋ, تۇرقى ورتاشا, شوقتىعى بيىك ەمەس, كوكىرەگى كەڭ, قابىرعالارى ۇزىن جانە تىك كەلەدى, اياعىنىڭ سىڭىرلەرى شىعىڭقى, كورىنىپ تۇرادى. الدىڭعى اياقتارى تۇزۋ, ال ارتقى اياقتارى قايقىلاۋ, تۇياقتارى مىقتى, تەرىسى قالىڭ, جال-قۇيرىعى قويۋ, تۇسى ار تۇرلى بولادى.

08جابى. مۇنىڭ دەنەسى ىرى, شومبال, تۇرقى ۇزىن, اياقتارى قىسقا, وتە تەز قوزعالعىش, وڭالعىش, قىسقا توزىمدى, جۇمىسقا توزىمدى, كۇشتى, سالت مىنۋگە دە, جەگۋگە دە ىڭعايلى.

 

 

 

434_f91fb57c528cd28266bc492f81312692اداي جىلقىسى. قازاق جىلقىلارىنىڭ بىر تۇرى. سالت مىنىسكە قولايلى, باسى جەڭىلدەۋ, شوقتىعى شىعىڭقى, ساۋىرى ەتسىزدەۋ, يتارقالاۋ, اياقتارى جىڭىشكە, سىڭىرلى كەلەدى. اۋا رايىنا توزىمدى, ارى جۇيرىك.

 

 

 

 

1318159963_kushum-2كوشىم جىلقىسى. باسى ۇلكەن بولعانىمەن دورەكى ەمەس, موينىنىڭ ۇزىندىعى ورتاشا, شوقتىعى بيىك, ادەمى, كەۋدەسى كەڭ, توسى الشاق, قابىرعالارى شەڭبەرلى, ارقاسى تەگىس تە جازىق, بەلى تولىق, كەيدە قايقى بەل بولىپ كەلەدى. جۇمىسقا توزىمدى. بيەلەرى قۇلىنداعىش جانە سۇتتى.

 

366296قوستاناي جىلقىسى. بۇل جىلقى قوستاناي وبلىسىنىڭ «قوستاناي» مەن «مايكەل» جىلقى زاۆودتارىندا جانە وبلىستىڭ كولحوزدارىندا, سونىمەن قاتار, چەليابى وبلىسىنداعى «ترويتسك» جىلقى زاۆودىندا, جەرگىلىكتى قازاق جىلقىلارى تازا قاندى, سالت مىنەتىن دون جىلقىلارىمەن بۋدانداستىرىلعان. 1951 جىلى قوستاناي تۇقىمى بولىپ بەكىتىلدى. بۇل جەرگىلىكتى جەردىڭ اۋا رايى مەن ازىقتاندىرۋ جاعدايىنا جاقسى بەيىمدەلگەن. قوستاناي جىلقىسىنىڭ باسى ورتاشا, موينى تۇزۋ, ۇزىندىعى ورتاشا, شوقتىعى ەتتى, القىمى كەڭ, ارقاسى جالپاق, جاۋىرىنى مەن قابىرعالارى ۇزىن, اياقتارىنىڭ سىڭىرلەرى شىعىڭقى, شاشاسى شاعىن, توپايلارى ورتاشا, تۇياقتارى دوڭگەلەك, اسەم كەلەدى. وتە جۇردەك, كۇشتى جانە توزىمدى, سالت مىنۋگە دە, جەگۋگە دە قولايلى.

 

buden-3_e72527بۋدەننىي جىلقىسى. بۇل ەلىمىزدەگى وسىرىلىپ شىعارىلعان جاڭا جىلقى تۇقىمدارىنىڭ ىشىندەگى ەڭ تاڭداۋلىلارىنىڭ بىرى. اتالمىش تۇقىمدى شىعارۋعا سوۆەت وداعىنىڭ مارشالى س.م.بۋدەننىي باسقارعان بىر توپ ماماندار مەن تاجىريبەلى ادامدار قاتىناستى. بۋدەننىي تۇقىمىن تازا قاندى, سالت مىنەتىن جىلقىنىڭ ايعىرى مەن دون تۇقىمىنىڭ بيەلەرىن شاعىلىستىرىپ شىعارعان. دەنەسى ىرى كەلەدى, باسى ۇزىن, قاعىلەز, موينى ۇزىن, ەتتى, شوقتىعى بيىك, ارقاسى تۇزۋ, جازىق, كەۋدەسى كەڭ, قابىرعاسى دوڭگەلەك, بەلى مىقتى.

 

 

1330004364_don3دون جىلقىسى. مۇنىڭ شىققان جەرى — دون وزەنىنىڭ ماڭايى. جەرگىلىكتى جەردىڭ اۋا رايىنا وتە توزىمدى كەلەدى. دون تۇقىمىنىڭ باسى اشاڭ, سال ۇزىنداۋ, ماڭدايى تومپاق, شورتان باستى كەلەدى, كوزدەرى ۇلكەن, شىعىڭقى, تومپاق, تاناۋلارى دەلديگەن, جۇقا قۇلاقتارى سەرەڭدەگەن, موينىنىڭ ۇزىندىعى ورتاشا, تۇزۋ, كەيدە ۇزىن, اشاڭ نەمەسە ەتتى, تولىق بولادى, كوكىرەگى كەڭ, قابىرعالارى ۇزىن, ارقاسى تەگىس, ساۋىرى ۇزىن جانە تىك, جاۋىرىنى قىسقا, تىك بىتكەن الدىڭعى اياقتارى تۇزۋ, ارالارى كەڭ, ارتقى اياقتارى قايقىلاۋ, تۇياقتارى بەرىك, دوڭگەلەك, ۇلكەن بولىپ كەلەدى. دون جىلقىسى سالت مىنۋگە قولايلى.

 

feabfb99e1b5احالتەكە. بۇل تۇقىم اراب جىلقىسىنان بۇرىن شىعارىلعان جانە ەڭ ەسكى تۇقىم بولىپ سانالادى. ول وسى كۇنگى تۇركىمەن جىلقىسىنىڭ ۇرپاعى. احالتەكە جىلقىسى تۇركىمەن رەسپۋبليكاسىنداعى جىلقىلاردىڭ نەگىزگى تۇرى. بىزدە سول تۇقىم جامبىل وبلىسىنداعى «لۋگوۆوي» جىلقى زاۆودىندا, رەسپۋبليكامىزدىڭ كەيبىر كولحوز-سوۆحوزدارىندا وسىرىلەدى. كۇي تالعاعىش, سىمباتتى, اسەم كەلەدى. باسى اشاڭ, موينى ۇزىن, تىك (كەيدە بۇعى مويىندىسى دا كەزدەسەدى), شوقتىعى بيىك, ارقاسى جۇمساق, جونى ۇزىن, تۇتاس ساۋىرلى, جىلىنشىكتەرى جىڭىشكە, توپايلارى دوڭگەلەك, تۇياقتارى بەرىك. ارتقى اياقتارى قايقىلاۋ, تەرىسى جۇقا, جالى جىبەكتەي جۇمساق بولادى. باسقا جىلقىداي ەمەس جايىلىمدا باققاندى ۇناتپايدى, قاتتى سۋىقتى كوتەرە المايدى, سۇيەكتەرى جۇقا جاراتىلعان. ال جازعى شول, شولەيت جەرلەرگە مىنىسكە وتە توزىمدى, جۇيرىك بولادى.

 

f_13157205تازا قاندى, سالت مىنەتىن جىلقى. بۇل وتە جۇيرىك, اسىرەسە جاقىنعا شاپقاندا ۇشقىر كەلەدى. قازىر بىزدىڭ ەلدە ونى وسىرۋ ۇشىن كوپتەگەن جىلقى زاۆودتارى ۇيىمداستىرىلدى. تازا قاندى, سالت مىنەتىن جىلقىنى ۇنەمى يپپودرومعا سىنايدى. بۇلاردىڭ ايعىرلارى جەرگىلىكتى جىلقى تۇقىمىن جاقسارتۋ ۇشىن قولدانىلادى. ول وتە سىمباتتى, تۇلعاسى زور, اسەم دەنەلى, كوركەم تۇلعالى جىلقى. كۇتىمدى جاقسى كەرەك ەتەدى, جەم-شوپتى وتە تالعاپ جەيدى.

 

 

images.jpeg444جەلىستى جىلقىلار. وسىدان 150 جىل بۇرىن ۆورونەج وبلىسىنىڭ «حرەنوۆ» جىلقى زاۆودىندا اراب, دات, گوللاند تۇقىمدارىن وزارا بۋدانداستىرۋ ارقىلى شىعارىلعان. ورلوۆ جىلقىسىنىڭ باسى ۇلكەن, موينى ۇزىن, كوبىنەسە قاز مويىندى ادەمى بولادى, شوقتىعى بيىك, ارقاسى تەگىس جانە جالپاق, ساۋىرى تۇتاس, اياق سۇيەكتەرى جۋان كەلەدى. دەنەسى ىرى بولادى, مۇنىڭ جەرگىلىكتى جىلقىنىڭ بويىن وسىرۋدە زور ماڭىزى بار.

medium_28591bورىستىڭ جەلىستى جىلقىسى. بۇل ورلوۆ بيەلەرى مەن امەريكان جەلىستى ايعىرلارىن شاعىلىستىرۋدان الىنعان بۋدان, جەلگىر جىلقىلاردىڭ تۇقىمىن جاقسارتۋ ۇشىن وسىرىلىپ شىعارىلدى. مۇنداعى نەگىزگى ماقسات جىلقىنىڭ تۇلعاسىن ىرىلەندىرىپ, سىمباتتى, سوم دەنەلى جەلىستى جىلقى شىعارۋ ەدى. ورىستىڭ جەلىستى جىلقىسى ورلوۆ جىلقىسىنا قاراعاندا كىشىرەك, دەنەسى دە قىسقا, موينى بىركەلكى, شوقتىعى كوتەرىڭكى, اياقتارى ۇزىن, تۇلعاسى تىعىز, بۇلشىق ەتتەرى شىعىڭقى كەلەدى.
سوۆەتتىك تۇقىم. بۇل اۋىر جۇك تارتاتىن جىلقى تۇقىمى. دەنەسى ىرى, موينى ەتتى, شوقتىعى وتە بيىك ەمەس, ارقاسى مەن كەۋدەسى كەڭ, قابىرعاسى جۇمىر, اياقتارى جۋان كەلەدى.

 

 

tiazel1ورىستىڭ اۋىر جۇك تارتاتىن تۇقىمى. ەرتەدەن بەرى كەلە جاتقان جىلقى تۇقىمى. بويى اسا بيىك ەمەس, ورتاشا كەلگەن, ماڭدايى كەڭ, موينى جۋان, شوقتىعى بيىك ەمەس, ارقاسى ۇزىن, بەلى قايقىلاۋ, قابىرعاسى تىك.
جوعارىداعى ايتىلعان جىلقى تۇقىمدارى قازاقستاننىڭ كوپتەگەن وبلىستارى مەن اۋداندارىندا وسىرىلەدى.

 

 

koshpendi.kz

سۋرەتتەر عالامتوردان الىندى

 

5 پىكىر

  1. اتامنىڭ بالاسىمىن

    بۇدان باسقا دا جىلقى تۇقىمدارى بار شىعار؟

  2. بۇقاباي

    تورت تۇلىك مالدىڭ باسقا تۇرلەرىنە ارنالعان سايتتار بار ما؟

  3. ەرمەك

    بىزدىڭ اياگوزدە جىلقىمەن اينالىساتىندار وتە كوپ, سولار تۋرالى بەرۋگە بولا ما؟

  4. قۇتتىۇمبەت

    سىزدەر كوبىندە مونگولييانىڭ جىلقىلارى تۋرالى جازادى ەكەنسىزدەر

  5. سارىسۇمبە

    قىتاي قازاقتارىنىڭ جىلقىلارى تۋرالى وتە از ەكەن

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>