15-قازان كۇنى اتىراۋدا رەپۋبليكالىق جاپپاي كوكپار وتەدى

atyrau-2017

ۇلتتىق سپورت جارىستارىن وز وڭىرىندە ۇيىمداستىرۋمەن عانا شەكتەلمەي, رەسپۋبليكالىق دەڭگەيدە وتكىزۋدە اتىراۋ وبلىسى بەلسەندىلىك تانىتۋدا. جىل باسىندا «قانسونار-2017» رەسپۋبليكالىق بۇركىتشىلەر باسەكەسىن وتكىزگەن اتىراۋلىقتار مامىر ايىندا باس جۇلدەگە اۆتوكولىك تىگىپ كوكپار مەن الامان بايگەنى رەسپۋبليكا كولەمىندە ۇيىمداستىرا بىلدى.
ەندى مىنە, سول اتىراۋ تاعى دا قازاقستاننىڭ بارلىق وڭىرىنە ساۋىن ايتىپ وتىر. كوكپارشىلارىمىز ۇزەڭگىگە اياق سالا بەرسىن! 15 قازان كۇنى اتىراۋدىڭ ىرگەسىندەگى المالى اۋىلىندا تۇڭعىش رەت جاپپاي كوكپاردان «دارابوز-2017″ رەسپۋبليكالىق تۋرنيرى وتەدى. جۇلدە قورى 15 ميلليون تەڭگە! ۇيىمداستىرۋشىلارى اتىراۋ وبلىسى اكىمدىگى مەن اتىراۋ وبلىستىق ۇلتتىق سپورت تۇرلەرى فەدەراتسيياسى.

«اعايىن, اق جايىقتىڭ جاعاسىنا جينالايىق! كۇزدىڭ قاق ورتاسىندا, ياعني, 15 قازان كۇنى اتىراۋدىڭ ىرگەسىندەگى المالى اۋىلىندا تۇڭعىش رەت جاپپاي كوكپاردان «دارابوز-2017″ رەسپۋبليكالىق تۋرنيرى وتەدى. مىڭنان تۇلپار, جۇزدەن جۇيرىك شىققان شاباندوز جارىستىڭ باس جۇلدەسى مەن «التىن قامشىنىڭ» يەگەرى اتانادى. التاي مەن اتىراۋدىڭ اراسىن جايلاعان دۇيىم جۇرت, اتقا قون! دەلەبەنى قوزدىراتىن دۇبىرلى دودادان قۇر قالما! رۋحاني جاڭعىرۋدىڭ جاڭعىرىعى اتىراۋ جاقتان ەستىلەدى. ەندەشە, اسىعايىق حالايىق!»

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>