تاۋەلسىزدىك كۇنىنە وراي شوگەننەن ەل بىرىنشىلىگى وتتى (فوتو)

isk_shogen2

الماتى وبلىسى, تالعار اۋدانىنىڭ «Almaty Horse and Polo Club» ات سپورتى كەشەنىندە قازاقستان رەسپۋبليكاسىنىڭ تاۋەلسىزدىك كۇنىنە وراي شوگەننەن رەسپۋبليكالىق تۋرنيرى وتتى. 17-19 جەلتوقسان كۇندەرى   «اۋليەاتا» شوگەن كلۋبى, «Astana Polo Club»,  «Almaty Polo Club», «Almaty Horse & Polo Club» جانە وسى تۋرنيردە بىرىنشى رەت ونەر كورسەتكەن «Tu’lpar Polo Club» كوماندالارى جارىس جۇلدەسىن ساراپقا سالدى.

ار كوماندا اينالمالى جۇيە بويىنشا بىر-بىرىمەن 3 چاكەردەن ويناپ شىقتى:

17 جەلتوقسان:

العاشقى ويىندا «Almaty Polo Club» كومانداسى Tulpar Polo Club  6:2 ەسەبىمەن جەڭدى. «Astana Polo Club» تارتىستى كەزدەسۋدە «Almaty Horse & Polo Club» كومانداسىنان 3:1 ناتيجەسىمەن باسىم تۇستى. «Almaty Polo Club» پەن «اۋليەاتا» شوگەن كلۋبى اراسىندا اسەرلى ويىن وتتى. «Almaty Polo Club»  3:2 ەسەبىمەن «اۋليەاتا» شوگەن كلۋبىن باسىپ وزدى. ال, سوڭعى ماتچتا استانالىق «Astana Polo Club» Tulpar Polo Club   قۇراماسىن 2:0 ەسەبىمەن جەڭىسكە جەتتى.

18 جەلتوقسان:

ىرىكتەۋ ويىندارىنىڭ ەكىنشى كۇنى دوداعا بىرىنشى بولىپ Almaty Horse & Polo Club پەن Almaty Polo Club قۇرامالارى تارتىسقا تۇستى. ەسەپ 0:5 ناتيجەسىمەن Almaty Polo Club جەڭىسكە جەتتى. Astana Polo Club پەن اۋليەاتا شوگەن كلۋبى ەكىنشى ويىندا كەزدەسىپ, 3: 2 Astana Polo Club پايداسىنا شەشىلدى. Tulpar Polo Club پەن Almaty Horse & Polo Club قۇرامالار اراسىنداعى تارتىس 2:1 ەسەپپەن اياقتالدى.

19 جەلتوقسان:

اقتىق ويىندا «اۋليەاتا» شوگەن كلۋبى Almaty horse & Polo Club كومانداسىمەن كەزدەستى. «اۋليەاتا» كلۋبىنىڭ ويىنشىسى نۇرداۋلەت مومىنوۆ دۇبىرلى دودادا 3 گول سالىپ شەبەر ويىنىمەن تانتى ەتتى. قىزۋ ويىندا «اۋليەاتا» شوگەن كلۋبىنىڭ ويىنشىلارى مەن قاتار پولو-پوني دە وز ۇلەسىن قوسىپ, قارسىلاس كومانداعا «پوني-گول» سالدى. جالپى ەسەپتە 6:1 ۇپايىمەن «اۋليەاتا» شوگەن كلۋبى جەڭدى.

قىزۋ تارتىستا Almaty Polo Club قارسىلاسى Astana Polo Club -تى 3:2 ەسەبىمەن باسىپ وزدى. ەسەپ 3 چاككەرگە دەيىن 2:2 ۇپايىمەن تەڭەسىپ تۇردى. قوسىمشا تاعى بىر چاككەردىڭ سوڭعى مينۋتتارىندا كەمەل مامەدوۆ  قارسىلاس شوگەنشىلەر قاقپاسىنىڭ كىلتىن تاۋىپ, شەشۋشى گول سوقتى.

«اۋليەاتا» شوگەن كلۋبى ۇشىنشى ويىنىندا Tulpar Polo Club-پەن كەزدەسىپ, 6:1 ەسەبىمەن وز قارسىلاسىنان باسىم تۇستى.

وسىلايشا, كوماندالار كەلەسى ورىندارعا يە بولدى:

1 ورىن  –Almaty Polo Club

2 ورىن– Astana Polo Club

3 ورىن  - «اۋليەاتا» شوگەن كلۋبى

قازاقستان شوگەن فەدەراتسيياسىنىڭ ۇيىمداستىرۋىمەن وتكەن تۋرنيردىڭ باس سەرىكتەسى – «سامۇرىق قازىنا» ۇلتتىق ال-اۋقات قورى. ال الەۋمەتتىك سەرىكتەس – «Samruk-Kazyna Trust» الەۋمەتتىك جوبالاردى دامىتۋ قورى.

قازاقستان شوگەن فەدەراتسيياسى 2012 جىلى قۇرىلدى. 2014 جىلى حالىقارالىق فەدەراتسيياعا مۇشە بولدى. 2015 جىلدىڭ قىركۇيەك ايىنان بەرى قازاقستان قۇراماسى جانە بىرنەشە وتاندىق كلۋب شەتەلدە, سونىڭ ىشىندە اتالمىش سپورت تۇرىندە كوش باستاپ تۇرعان ارگەنتينا ەلىندە تۇراقتى تۇردە جاتتىعۋ جيىندارىن وتكىزىپ, حالىقارالىق تۋرنيرلەردە جۇلدە الۋدا.

شوگەن سپورتىن قازاقستاندا كەڭىنەن دامىتۋ ماقساتىندا 2017 جىلى فەدەراتسييا بالالارعا تەگىن شوگەن سەكتسيياسىن اشتى. «اقبۇلاق» سپورتتىق ساۋىقتىرۋ كەشەنى ايماعىنداعى ات سپورتى كەشەنىندە وتكىزىلەتىن جاتتىعۋلارعا 9-15 جاس ارالىعىنداعى جاسوسپىرىمدەر قاتىسا الادى. شوگەننىڭ قىر-سىرىن ەلىمىزدىڭ بىلىكتى باپكەرلەرى ۇيرەتەدى.

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>