جاس كاسىپكەر وز اۋىلىندا اتقا مىنۋگە ۇيرەتەتىن ۇيىرمە اشتى

بۇگىندە جولامان ەسەتوۆپەن قازتالوۆتىقتار «كۇندە جۇزدەسەدى». نەگە دەيسىزدەر عوي؟ اۋدانىمىزدىڭ اۋىلدارىنداعى كوشەلەردە ىلىنىپ تۇرعان بارلىق باننەرلەر جولاماننىڭ قولىنان شىققان. سونىمەن قاتار تۇرلى بۋكلەتتەر دە جولاماننىڭ قولىمەن جاسالىپ جاتىر. وسىلاردى ەسكەرسەك, جولامان زامانداسىمىزبەن اۋدان تۇرعىندارى كۇندە جۇزدەسىپ تۇرعان جوق پا؟ ويتكەنى جولامان اۋدانىمىزداعى ەڭ العاشقى پوليگرافييا كاسىبىمەن اينالىسىپ وتىرعان بىردەن بىر جاس كاسىپكەر. وسىنداي ەڭبەگىنىڭ ناتيجەسىندە ول وسىدان 2 جىل بۇرىن وبلىستىق «ۇزدىك جاس كاسىپكەر» اتاعىن جەڭىپ العان.

ەندى جولامان تاعى بىر قىرىنان تانىلا بىلدى. جاستايىنان جىلقى مالىن قادىر تۇتقان ول سايگۇلىكتەر ۇستاپ, باپتاپ كۇتەدى. بايگە اتتارىن جاراتادى. جولاماننىڭ جۇيرىكتەرى الامان بايگەلەردە توپ جارىپ جۇر. وسىنداي كاسىبىن وزى عانا بىلىپ قويماي, جاسوسپىرىمدەرگە ۇيرەتۋدى قولعا الدى. باپتاۋىنداعى 7 سايگۇلىكپەن (اعىلشىن, قولتۋما تۇقىمدارى) مەكتەپ وقۋشىلارىنا اتقا مىنۋدى, جىلقىنى باعىپ-كۇتۋدى ۇيرەتۋ ۇشىن تەگىن ۇيىرمە اشتى. جىلقى دەسە قاندارى قوزاتىن قازاقتىڭ بالالارى ەمەس پە؟ ۇيىرمەگە ۇيىرىلىپ قارادومالاقتار كوپتەپ كەلە باستادى. ولاردىڭ ىشىندە بىرنەشە قىز بالا دا بار. بۇگىندە سول بالالار بوس ۋاقىتتارىندا جولاماننىڭ قاسىنان تابىلىپ جۇر. ولار اتقا مىنىپ ۇيرەنۋمەن قاتار بايگەگە شابۋ, تەڭگە الۋ, قىز قۋۋ, جامبى اتۋ قاتارلى ۇلتتىق ويىندارىن دا ۇيرەنەتىن بولادى. سونىمەن قاتار, جولامان ولارعا جىلقى تاريحى تۋرالى دارىس تە وقىپ بەرەدى.

بىز بارعاندا قارادومالاقتار اتقا مىنىپ-تۇسىپ, ماز بولىپ جۇر ەكەن. ولاردى اڭگىمەگە تارتىپ ەدىك, «اتقا مىنسەك بايگەگە شاپقىمىز كەلەدى», — دەيدى. مىنە, ولاردىڭ بويىندا ۇلتتىق رۋحتىڭ ويانعانى ەمەي نەمەنە؟! بىلايشا ايتقاندا, «قازاق تاريحىن ايتساق جىلقى تاريحىن ايتامىز, جىلقى تاريحىن ايتساق قازاق تاريحىن ايتامىز» دەگەن دانالىق سوز ويعا ورالادى.

«الداعى ۋاقىتتا تاي جارىسىن ۇيىمداستىرامىن. سونىمەن قاتار, تۇرلى ۇلتتىق ات سپورتى ويىندارىن دا وتكىزۋ جوسپارىمدا بار», -دەيدى جولامان ەسەتوۆ.

مىنە, وسىنداي ۇلتتىق قادىر-قاسيەتىمىزدى ۇلىقتايتىن, ونى جاسوسپىرىمدەرگە ۇيرەتىپ جۇرگەن ىسىن بايقاعان, اركەزدە دە جاڭاشىلدىق باستامالارعا قولداۋ كورسەتەتىن اۋدان اكىمى ابات ابايۇلى جولامانعا جاڭادان قۇرىلىپ جاتقان «ايبىن» سپورت كلۋبى ارقىلى ۇيىرمە اشۋعا قولداۋ كورسەتەتىنىن بىلدىردى.

سوندىقتان الداعى ۋاقىتتا اۋدانىمىزدا قاسيەتتى جانۋار جىلقى مالىن دارىپتەيتىن «جولامان مەكتەبى» قالىپتاسسىن دەگەن تىلەگىمىزدى جەتكىزەمىز.

ار سەنبى, جەكسەنبى كۇندەرى جولاماننىڭ سايگۇلىكتەرىنە مىنىپ, وتباسىلىق سەرۋەنگە شىعۋلارىڭىزعا بولادى.

مولدىر انۋاربەكقىزى, بقو, قازتالوۆ اۋدانى

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>