استانادان اتتانعان سالت اتتىلار باياناۋىلعا جەتتى (فوتو)

f6508f282b9b92381f670be701a

وتكەن اپتادا ەلىمىزدىڭ استاناسىنانباستاۋ العان «استانا – ۇلى دالا ەلورداسى» اتتى كوپكۇندىك سالت اتپەن جۇرىپ وتۋ ەكسپەديتسيياسى جالعاسۋدا.

 ەكسپەديتسيياشىلار قازىرگى كۇنى اقمولا وبلىسىن باسىپ وتىپ پاۆلودار وبلىسىنا قاراستى باياناۋىل اۋدانىنا جەتكەن.

12 ماۋسىم كۇنى استانادان شىققان جىگىتتەر سارىارقانىڭ سارى دالاسىمەن جۇرىپ وتىرىپ اقمولا وبلىسىنا قاراستى ارشالى, ەرەيمەنتاۋ  اۋداندارىن كەسىپ وتتى. 14 ماۋسىم كۇنى توپ وزدەرىنىڭ 600 شاقىرىمدىق جول ساپارىندا كورسەتىلگەن ۇش ۇلتتىق پاركتىڭ بىرىنشىسى بۇيراتاۋ ۇلتتىق پاركىنە جەتكەن.

15 ماۋسىم كۇنى پاۆلودار وبلىسىنىڭ اۋماعىنا اياق باسىپ الكەي مارعۇلان اۋىلىنا تابان تىرەدى. وندا شەرۋشىلەردى اۋىل تۇرعىندارى سالتاناتپەن قارسى الىپ, اكادەميك الكەي حاقانۇلىنىڭ مۇراجايىمەن تانىستىرىپ, ارتىنان شاعىن كونتسەرت ۇيىمداستىرعان.

بەرىك اقىلبەكتىڭ ايتۋىنشا, توپ باياناۋىل ۇلتتىق پاركى جولىندا ورنالاسقان ماشھۇر جۇسىپ كوپەەۆ كەسەنەسىنە دە ات باسىن بۇرعان. اۋليە باسىنا زييارات ەتىپ, مۋزەيمەن تانىسقان.

«قازىر بىز باعىتىمىزداعى ەكىنشى مەجەلى ۇلتتىق پارك باياناۋىلدامىز. جول ساپارىمىز ويداعىداي وتۋدە. جولاي كەزدەسكەن اۋىلداردا بىزدى وتە جاقسى قارسى الۋدا. ساپار بارىسىندا دالادا تۇنەيمىز دەپ پالاتكالار الىپ ەدىك, ازىرگە ولارعا تۇنەپ ۇلگەرمەدىك. اتتارىمىز شالدىقپاسىن دەپ كۇنىنە 60-70 شاقىرىم جۇرەمىز», – دەدى توپ جەتەكشىسى بەرىك اقىلبەك.

توپ جەتەكشىسى بەرىك اقىلبەكتىڭ ايتۋى بويىنشا, شەرۋشىلەر قازىر باياناۋىل ۇلتتىق پاركىنىڭ اۋماعىنا جاتاتىن قاسيەتتى ورىندارمەن تانىسۋدا.

ەسەترىڭىزگە سالا كەتەيىك, 12 ماۋسىم كۇنى «استانا – ۇلى دالا ەلورداسى» اتتى كوپكۇندىك سالت اتپەن جۇرىپ وتۋ حالىقارالىق ەكسپەديتسيياسى استانادان باستاۋ العان. 10 ادامنان قۇرالعان توپ بۇيراتاۋ, باياناۋىل ۇلتتىق پاركتەرىن باسىپ وتىپ قارقارالى اۋدانىنا اتباسىن تىرەيدى, تۋردىڭ جالپى ۇزىندىعى جوبامەن – 600 شاقىرىم.

astana.gov.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>