قىمىز وندىرىسىنىڭ كلاستەرلىك جۇيەسىن قۇرۋ – مەملەكەتتىك ماڭىزدى شارا (فوتو)

دۇنيەجۇزىلىك ساۋدا ۇيىمىنداعى بارلىق 161 مەملەكەت ۇشىن ناعىز سىنعا تۇسەتىن نارىق زامانى باستالدى. وسى اتى اتالعان ۇيىمداعى مەملەكەتتەر قىسقا مەرزىمنىڭ ىشىندە باسەكەگە توتەپ بەرەتىن تەحنولوگييالاردى تەزدەتىپ يگەرۋگە بارلىق مۇمكىندىكتەرىن تيىمدى پايدالانۋدا.

الەمدىك نارىقتىق ەكونوميكاداعى ەڭ ماڭىزدى شارا كەز-كەلگەن وندىرىستىڭ كلاستەرلىك جۇيەسىن قۇرۋ. ال كلاستەرلىك جۇيە, بۇل ۇزاق مەرزىمدى جانە قاۋىمداستىق جۇيە. بۇل جۇيەنىڭ باستى ەرەكشەلىگى, بىرىنشىدەن, بىرنەشە ايماقتار مەن مەملەكەتتەر بىرلەسىپ بىر وندىرىستى الەمدىك ستاندارتقا ساي دامىتا الادى. ەكىنشىدەن, وسى قاۋىمداستىقتاعى بارلىق تاۋار وندىرۋشىلەر وندىرىستەن تۇسەتىن پايدانى تەڭ بولىسەدى. ۇشىنشىدەن, كلاستەرلىك جۇيەدە ەكونوميكالىق, ۇلتارالىق, الەۋمەتتىك, قۇقىقتىق زاڭدىلىقتار ەكولوگييالىق تۇراقتىلىقپەن بىر ارنادا توعىسادى.

ەكولوگييالىق تۇراقتىلىق بار جەردە تابيعاتتىڭ تەپە-تەڭدىگى ەش ۋاقىتتا بۇزىلمايدى. سوندىقتان دا بەلگىلى بىر وندىرىستىڭ كلاستەرلىك جۇيەسىن قۇرۋ مەملەكەتتىك شارا بولىپ سانالادى. سەبەبى, دۇنيەجۇزىلىك ساۋدا ۇيىمىنىڭ (دسۇ) نەگىزگى ماقساتتارى, ادامداردىڭ ەكولوگييالىق مادەنيەتتىلىگىن وسى زامانعا ساي قالىپتاستىرۋ جانە عىلىمي جەتىستىكتەرگە نەگىزدەلگەن تەحنولوگييالاردى وندىرىسكە ەنگىزۋ.

الەمدىك نارىقتىڭ زاڭى بويىنشا ۇيىمداعى بارلىق مەملەكەتتەر وزدەرىنىڭ وزىق تەحنولوگيياسىن ۇسىنۋ ارقىلى مەملەكەتىنىڭ مۇددەسىن دە, ۇلتتىق قۇندىلىقتارىن دا ساقتاپ قالۋعا ايانىپ قالماسى انىق.

دسۇ-نىڭ ەڭ باستى تالابى ۇسىنىلعان تەحنولوگييالار تابيعاتتىڭ تەپە-تەڭدىگىن ساقتاي الاتىن جانە وندىرىلگەن ونىمدەر ەكولوگييالىق تازا, ەكونوميكالىق جاعىنان وتە تيىمدى بولۋ شارتىمەن ەرەكشەلەنەدى. دسۇ-داعى مەملەكەتتەردەن قالىس قالماس ۇشىن بىزدە وزىمىزدىڭ اتا كاسىبىمىز, ۇلتتىق تەحنولوگييامىز قىمىز بەن شۇبات وندىرۋ ونەركاسىبىمىزدى ۇسىنامىز.

بىزدىڭ تەحنولوگييا, ەكولوگييالىق تۇراقتىلىقتى قالىپتاستىرۋعا دا, ادامداردى ەكولوگييالىق مادەنيەتتىلىككە تاربيەلەۋگە دە جانە ازىق-تۇلىكتى قامتاماسىز ەتۋگە دە وز ۇلەسىن قوسا الاتىن مال شارۋاشىلىعىنداعى ەڭ وزىق زاماناۋي تەحنولوگييا. بۇل تەحنولوگييامىزدىڭ باستى ەرەكشەلىكتەرى:

-                شەتەلدىڭ ماماندارىن دا, يمپورتتىق تەحنولوگييانى دا, ىشكى تاۋارلاردى دا قاجەت ەتپەيتىن تەحنولوگييا;

-                قىمىز بەن شۇبات وندىرۋ ونەركاسىبى تەك تابيعاتقا جانە بىلىكتى ماماندارعا تاۋەلدى;

-                ەكولوگييالىق تازا تاعام وندىرۋمەن ەكونوميكالىق تيىمدىلىگى جاعىنان وسى تەحنولوگيياعا تەڭ كەلەتىن بىردە-بىر مال شارۋاشىلىعىندا تەحنولوگييا جوق;

-                وسى ەكى سالانىڭ ونىمى سىرتقى نارىققا شىعارۋمەن ادامدارعا قىزمەت كورسەتۋ (تۋريزم) ارقىلى رەسپۋبليكامىزدىڭ ۆاليۋتالىق قورىن ارتتىرۋعا وز ۇلەسىن قوسا الادى;

-                بيە سۇتىنەن بوبەكتەردىڭ تابيعي تازا تاعامىن وندىرۋدى جولعا قويامىز;

-                تۋبديسپانسەرلەر مەن شيپاجايلاردى شيپالى قىمىزبەن قامتاماسىز ەتەمىز;

-                قازاقستانداعى بارلىق وبلىستار مەن اۋدان ورتالىقتارىنان ادامداردى ساۋىقتىرۋ كەشەندەرىن جانە ۇلتتىق ات سپورتى تۇرلەرىن اشا الامىز;

-                ەلباسىمىز ن.ا. نازارباەۆتىڭ مونوقالالاردى دامىتۋ ستراتەگيياسىن قولداۋ ماقساتىندا, وزىمىزدىڭ وتانداستارىمىزدى جوعارىداعى اتالعان قىزمەتتەرگە ورنالاستىرۋ ارقىلى تۇراقتى جۇمىس ورىندارىن اشامىز.

وسى وتاندىق وندىرىستى شىن مانىندە قولداۋ ۇشىن, بىزگە قىمىز بەن شۇباتتىڭ كلاستەرلىك جۇيەسىن قولدايتىن ارنايى زاڭ قاجەت. ايتپەسە وزىمىزدىڭ ۇلتتىق قۇندىلىقتاردى الەمدەگى وركەنيەتتى ەلدەردىڭ الدىندا قورعاي الماي قالۋىمىز ابدەن مۇمكىن.

بۇنداي قاتەلىكتەرىمىز ۇشىن بۇگىنگى دە كەلەر ۇرپاقتارىمىز دا بىزدى كەشىرمەيدى. دۇنيەجۇزىندەگى بارلىق ۇلتتار وزدەرىنىڭ ۇلتتىق برەندىن الەمدىك نارىققا شىعارۋ ۇشىن قاجەتتى قارجىمەن دە, زاڭمەن دە قولداۋدى ناقتى جولعا قويعان.

ال بىزدىڭ ۇلتتىق برەندىمىز قىمىز, شۇبات, جال-جايا, قازى-قارتامىزدى بىزدىڭ بابالارىمىز وسىدان 55-60 عاسىر بۇرىن شىعارىپ قويعان. سوندىقتان دا, بىز بابالارىمىزدىڭ اماناتىن, ۇلتىمىزدىڭ بولاشاعىن بارلىق مۇمكىندىكتەردى پايدالانا وتىرىپ كوزىمىزدىڭ قاراشىعىنداي ساقتاپ قالۋعا مىندەتتىمىز.

سۋرەتتەردە قىمىز وندىرۋدىڭ وندىرىستىك باعىتتاعى يننوۆاتسييالىق تەحنولوگيياسىنىڭ كورىنىسى.

1.120 ساۋىن بيەگە ارنالعان قوندىرعى

2.بيەلەردى ساۋۋ پروتسەسسى

3.قىمىز جاساۋ قوندىرعىسى

4.قىمىز قۇيىلعان ىدىستى جابۋعا ارنالعان قوندىرعى

5.بيە ساۋاتىن ددا-2م اپپارات

6.ىدىس جۋۋعا ارنالعان قوندىرعى

7.ىدىستاردى قولمەن جاباتىن جارتىلاي اۆتوماتتاندىرىلعان, تاۋلىگىنە 1000 ىدىستى جابۋعا مۇمكىندىگى بار قۇرال

8.دايىن ونىم قىمىز

پايدالانىلعان ادەبيەتتەر تىزىمى:

  1. مەتوديچەسكيە ۋكازانييا – وپرەدەلەنيە ەكولوگيچەسكوگو سوستويانييا وبەكتوۆ اگروپرومىشلەننوگو كومپلەكسا. الماتى, 1996
  2. تەزيسى دوكلادوۆ ۆسەسويۋزنوگو ناۋچنوگو سوۆەششانييا – سوۆرەمەننوە سوستويانيە ي پەرسپەكتيۆى رازۆيتييا ناۋچنىح يسسلەدوۆانيي پو كونەۆودستۆۋ. ۆنييك – 1989
  3. بيوتەحنولوگييا. تەورييا ي پراكتيكا №2, استانا – 2009گ.

altai-zeinnullinزەينۋللين التاي سابيتوۆيچ

ا.ش.ع.ك., «ەكولوگييا جانە تىرشىلىك قاۋىپسىزدىگى»

 كافەدراسىنىڭ اعا وقىتۋشىسى قازيتجۋ

 ساۋكەنوۆا مولدير ماكسيموۆنا

«ەكولوگييا جانە تىرشىلىك قاۋىپسىزدىگى»

كافەدراسىنىڭ اعا وقىتۋشىسى قازيتجۋ

 نۋرگاليەۆا بالسەركە مۋراتوۆنا

«ەكولوگييا جانە تىرشىلىك قاۋىپسىزدىگى»

 كافەدراسىنىڭ اعا وقىتۋشىسى, ماگيستر قازيتجۋ

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>