مىنىس جانە بايگە اتتارىن باپتاۋ ادىستەرى

at baptau

ات جاراتۋدىڭ ۇش فازاسى بار:

1) شارشاۋ;

2) قالپىنا كەلۋ;

3) جۇمىس قابىلەتى جوعارلاۋ فازاسى.

وسى ۇش فازانىڭ بىر-بىرىنەن ايىرماشىلىقتارى جەر مەن كوكتەي. ات جاراتۋ ۇشىن: بىلىكتى مالدارىگەرى, زووتەحنيك-سەلەكتسيونەر, جىلقىشى, باپكەر, شاباندوز, كۇزەتشى قاجەت.

بىرىنشى شارشاۋ فازاسى:

اتتىڭ ىش مايىن كەتىرۋ, بۇل وتە جاۋاپكەرشىلىك پەن شىدامدىلىقتى اسا قاجەت ەتەتىن ۋاقىت ارالىعى. اتتى جەتەكتەپ دەنەسىن ابدەن قىزدىرۋ قاجەت شامامەن 10-15 مينۋت, 45-50 مينۋت ۇزىن ارقان مەن شاباندوز بىر ورىندا تۇرىپ اياڭداتادى. ات تەرلەگەننەن كەيىن 10-15 مينۋت جەتەكتەپ جۇرىپ سۋىتۋ قاجەت. وسىدان كەيىن كولەڭكەدە 1,5-2 ساعات سۋىتاسىز, سۋىعانان كەيىن اتتى مونشاعا شومىلدىراسىز. وسىمەن بىرىنشى كۇننىڭ جاتتىقتىرۋ ۋاقىتى اياقتالادى. بۇل فازىدان وتۋ مەرزىمى اتتىڭ سەمىزدىگىنە بايلانىستى 3-5 كۇن ۋاقىتىڭىزدى الادى. ەڭ ماڭىزدىسى وسى بىرىنشى فازادا اتتىڭ ابدەن سۋىعاندىعىنا كوز جەتكىزۋ قاجەت. كەيبىر جاعىدايلاردا 1,5-2 ساعات ۋاقىت از بولۋى مۇمكىن.

ەكىنشى قالپىنا كەلۋ فازاسى:

شاباندوز 10-15 مينۋت مىنىپ جۇرىپ اتتىڭ دەنەسىن قىزدىرادى, 40-45 مينۋت اتتى اياڭداتىپ جۇرگىزەدى. باپكەر شاباندوزدىڭ جەلىپ نەمەسە شاۋىپ كەتپەۋىن قاتاڭ باقىلاۋدا ۇستاۋى كەرەك. 2-3-شى كۇندەرى 10-15 مينۋتتاي قىزدىرعانان كەيىن اياڭ مەن جەلىستى الما كەزەك اۋىستىرۋ ارقىلى 40-45 مينۋت ۋاقىت وتكەنەن كەيىن, اتتى 1,5-2 ساعات سۋىتۋ قاجەت. سۋىتقاننان كەيىن اتتى مونشاعا تۇسىرەسىز.

بىرىنشى جانە ەكىنشى فازادان وتۋى كەزىندە شوپتىڭ مولشەرى مالدارىگەر مەن باپكەردىڭ قاتاڭ باقىلاۋىندا بولادى. ەكىنشى فازانىڭ ۋاقىتى 25-27 كۇن ارالىعىندا وتەدى.

ۇشىنشى جۇمىس قابىلەتىن ارتاتىن فازا:

بۇل فازانىڭ العاشقى ەكى فازادان ايىرماشىلىعى – جاتتىعىۋدىڭ تارتىبى وزگەرمەيدى. 10-15 مينۋت قىزدىرۋ, 40-45 مينۋت اياڭ مەن جەلىستى الماستىرۋ, 10-15 مينۋت اتتان تۇسىپ جەتەكتەۋ, 1,5-2 ساعات سۋىتۋ, مونشاعا تۇسىرۋ.

جاتىعۋ مەرزىمى 30-كۇنىنە دەيىن 10 كۇن سايىن شاپتىرىپ اتتىڭ تىنىسى اشىلعانىنا كوز جەتكىزۋ; جاتتىعۋدىڭ 65-70 كۇندەرى اششى تەرىنىڭ جوقتىعىنا كوز جەتكىزۋ; اششى تەرى تولىقتاي الىنىپ, تىنىسى اشىلعاننان كەيىن بۇلشىق ەتتەرىن شىنىقتىرۋ ۋاقىتى باستالادى. جاتىعىۋدىڭ 80-85 كۇندەرى شوپتىڭ, سۇلىنىڭ مولشەرىن 60% ازايتىپ, بال مەن المانى, سابىزدى 10-15% كوبەيتەدى. اتتىڭ جۇرەك سوعىسىن, دەنە قىزۋىن تاڭەرتەڭ جاتىعۋدىڭ الدىندا, كەشكىسىن جاتتىعىۋدىڭ سوڭ 30-35 مينۋت وتكەن سوڭ مىندەتتى تۇردە تەكسەرىپ تۇرادى. جاتتىعىۋدىڭ جارىسقا شىعاتىن 90-شى كۇنى اتتى ۇيىقتاتپاي جەتەكتەپ جۇرگەن وتە ماڭىزدى.

 مىنىس اتتارىن اۋىستىرماڭىز

 mongolia4

تورت تۇلىك مالدى باعاتىن اتتاردىڭ ەرەكشەلىكتەرى: ۇساق مالدى باعاتىن اتتار مەن ۇنەمى شاۋىپ جۇرۋگە بولمايدى. مالدى ورىسكە قۋالاماي جايمەن ايداپ شىعاسىز, مالدىڭ باراتىن جەرىنە دەيىن باياۋ, وزدەرىنىڭ ەركىن جۇرىسىمەن ايداپ باراسىز. قوي باعاتىن اتتاردى, ىرى قارا مالعا, ىرى قارا مالدى قايىراتىن اتتارمەن جىلقى باعۋعا مۇدەم بولمايدى.

بىر سوزبەن ايتقاندا, اتتاردى اۋىستىرۋعا بولمايدى. مىسالى سىز جەڭىل ماشينامەن جۇك تاسىپ, ال جۇك ماشيناسىمەن قوناققا بارمايسىز عوي. ەگەردە وسى تابيعي ۇستانىمعا بەرىك بولساڭىز ەڭبەگىڭىز جەمىستى جانە كوپتەگەن قيىندىقتاردىڭ الدىن الاسىز.

سول سەكىلدى, دەنساۋلىق ۇشىن سەرۋەندەيتىن اتتار مەن جۇك تاسيتىن اتتاردى دا وز ماقساتىنا قاراي پايدالانعان وتە ورىندى بولادى.

 بايگى اتتارىن دايارلاۋ

 barys

ۇشقىر بايگە 1,5-3,5 مىڭ مەتىرگە دەيىنگى قاشىقتىق. تاي جارىس, قۇنان جارىس, دونەن جارىس. بۇلار – بايگى اتتارىنىڭ جاس ەرەكشەلىكتەرىنە قاراي سىناۋ جانە دايىنداۋ مەكتەبى.

الامان بايگە جىل مەرزىمىنە قاراي 21-دەن 31 كم ارالىعىنداعى قاشىقتىقتا وتكىزىلەدى. جارىسقا قوساتىن اتتاردىڭ جاسى بەس جاستان تومەن بوماۋى قاجەت.

ۇزاق قاشىقتىقتا – 80-160 كم سىنالاتىن جانە تاۋلىكتىك جارىسقا شاباتىن اتتاردىڭ جاستارى جەتى جاستان كەم بولماۋى مىندەتتى.

جورعا, جەلىس, كوكپار, تەڭگە ىلۋ, اۋدارىسپاق, جامبى اتۋ, قىز-قۋۋ, اتتارىن دايىنداۋ وتە شىدامدىلىق پەن جاۋاپكەرشىلىكتى تالاپ ەتەتىن مەكتەپ.

جىلقى شارۋاشىلىعىنىڭ بارلىق سالاسىندا كەزدەيسوق ادامداردىڭ بولماۋىن قاتاڭ باقىلاۋدا ۇستاۋعا مىندەتتىسىز. جىلقى سالاسىندا جۇمىس ىستەگىسى كەلەتىندەر قازاقتىڭ تىلىن, سالت-داستۇرىن, اۋىز جانە جازبا ادەبيەتىن جەتىك مەڭگەرگەن; سابىرلىلىق, شىدامدىلىق, قاناعات پەن شۇكىرشىلىكتى تۋ ەتىپ ۇستايتىندار عانا وز قابىلەتىن كورسەتۋگە مۇمكىندىكتەرى بار. باسقا جول جوق. جىلقى شارۋاشىلىعى – دالا مەكتەبى. ال بىز دالامىزدى الى تولىق زەرتتەپ بولعان جوقپىز.

جىلقى بيولوكاتسيالىق سەزىمتالدىعىنىڭ ارقاسىندا ۋاقىت پەن كەڭىستىكتى ەش بىر قاتەلىكسىز سەزىنەدى جانە اجىراتادى. بابالارىمىز جىلقىنىڭ وسىنداي قاسيەتتەرىن وتە جوعارى باعالاعان. ال بايگى اتتارىن جاراتاتىندار مەن قىمىز جاساۋدىڭ قىر-سىرىن جەتىك مەڭگەرگەن ادامداردى, ەكولوگييالىق مادەنيەتتىلىكتىڭ بيىك شىڭىنا شىقان, تەكتى ادامدار دەپ ساناعان. سول سەبەپتەن باپكەرلەر مەن شاباندوزداردىڭ جاتتىعۋ كەستەسىندەگى ۋاقىتقا اسا مۇقيياتتىلىقپەن قاراۋعا مىندەتتى. بىر مينۋت تۇگىل, بىر سەكۋنتقا دا كەشىگۋگە بولمايدى.

ال ساۋىن بيەلەردى اشۋلاندىرۋعا بولمايدى. قىمىز فەرماسىندا جۇمىس ىستەيتىن جۇمىسشىلاردىڭ مادەنيەتتىلىگى مەن كاسىپتىك شەبەرلىكتەرى بىر ارنادا بولعان جاعدايدا عانا, شيپالى قىمىزدى وندىرىۋگە مۇمكىندىك بولادى. شيپالى قىمىزدى جاساۋ ۇشىن, بيە سۇتىن قۇنداقتاعى سابيدەي ماپەلەپ, بايگى اتىنداي باپتاۋ قاجەت. بۇل – تابيعات زاڭى.

altai-zeinnullinالتاي زەينۋللين,

ا.ش.ع.ك., «ەكولوگييا جانە تىرشىلىك قاۋىپسىزدىگى»

 كافەدراسىنىڭ اعا وقىتۋشىسى قازيتجۋ.

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>