«ۇلى دالا رۋحى» فەستيۆالىندە 25 شاقىرىمدى «قاراتاۋ» باعىندىردى (فوتو)

Uly dala13

استانانىڭ 20 جىلدىعىنا وراي  قر مادەنيەت جانە سپورت مينيسترلىگى, ۇلتتىق سپورت قاۋىمداستىعى جانە ۇلتتىق جانە ات سپورتى ورتالىعىنىڭ ۇيىمداستىرۋىمەن ۇش ايعا سوزىلعان ەرەكشە فەستيۆال بۇگىن اياقتالدى.

14 وبلىس, ۇش قالانى قامتىعان دۇبىرلى دودانىڭ الامان بايگەسىندە اۋزىمەن قۇس تىستەگەن وڭشەڭ ساڭلاق سىنعا تۇستى. بيىل «التىن تۇلپار» الامان بايگەسى وتپەي, جۇيرىكتەر دە تابان قىزدىرىپ, جەر تانابىن قۋىرا الماي تىقىرشىپ جۇرگەن سەكىلدى. جارىس جولىنا 19 قىل قۇيرىق تىزىلدى.

“اپ” دەگەندە 8-شى نومەرلى جامبىل وبلىسى, قورداي اۋدانىنان كەلگەن اسپارحان ەسىمدى سايگۇلىك پەن 17-شى نومەرلى اتىراۋدان كەلگەن ناسىپ ەسىمدى جۇيرىكتىڭ اراسىندا اۋىزدىق تىستەسكەن باسەكە باستالىپ كەتتى.

استاناداعى «قازانات» اتشابارىنىڭ مۇمكىندىگىنە ساي, 25 شاقىرىمدى 14 اينالىم جاساۋ ارقىلى جۇرىپ وتۋ كەرەك بولاتىن. وسى ورايدا استاناعا بىر ۇلكەن الامان الاڭنىڭ كەرەك ەكەنىن ىشىڭىز سەزگەن شىعار, قۇرمەتتى وقىرمان.

سونىمەن نە كەرەك, العاشقى اينالىمدا ارتتا قالعان 17 اتتان سۋىرىلىپ شىققان قوس تۇلپار 500 مەتردەي العا كەتتى. دەگەنمەن نەسىپتىڭ نەسىبى بولمادى ما, اسپارحاننىڭ الاساپىرانىنا توتەپ بەرە المادى.

قازاناتقا جينالعان كوپشىلىكتىڭ دەلەبەسىن قوزدىرىپ, قيقۋىن اسپانعا كوتەرگەن اسپارحان اقىرعى اينالىمعا دەيىن ماڭىنا قارا ىلەستىرمەدى. اسپارحاننىڭ ارىنىنا توتەپ بەرىپ, اۋىزدىعىنا الاقانىن ويعىزعان شاباندوز جەكسەنبى الدييار دا اككى ەكەن, تىزگىندى بىر بوساتىپ, بىر تارتىپ وتىرىپ 13-شى اينالىمعا دا باردى.

بۇل ارالىقتا 19 اتتان نە بارى 5-اق جۇيرىك قالعان بولاتىن.

بۇل بەسەۋى: 11-نومەردەگى جۇماتاي اقجول تاقىمىنا باسقان الماتى وبلىسىنىڭ البانتورىسى; 10-نومەردەگى جەكسەنبى الدييار تىزگىندەگەن تاعى سول الماتىلىق قاراتاۋ; 8-نومەردەگى سايماساي دامير جالىنا جارماسقان قوردايلىق اسپارحان; 18-نومەردەگى رەت توقتامىس تاقىمداعان استانانىڭ العىرى – نۇرقاسقا جانە 4-نومەرلى توقجانوۆ ادىلجان مىنگەن الماتى وبلىسى قاراساي اۋدانىنىڭ نامىسىن كوتەرگەن ەدەلبەيس بولاتى.

سوڭعى اينالىمنىڭ سوڭعى 300 مەترى قالعاندا اسپارحاننىڭ ادىمى قىسقارا باستادى. ارينە, بۇل جۇيرىكتى دە تۇسىنۋگە بولادى. 14 اينالىم بويى الدىنا قارا سالماي وتىرۋ وڭاي ما. دەگەنمەن ورامدى جۇيرىك ورتادا جۇرەدى دەگەندەي, قاراتاۋدىڭ قارقىنى قارلى شىڭنان قار كوشكىنى دومالاعانداي بولدى. «الدىنا ات سالماعان كوكتۇيعىنعا, بىر بالە كوكشەتاۋدان كەلگەن ەكەن» دەگەندەي, الدىنا ات سالماي كەلە جاتقان اسپارحاننىڭ الدىنا, قاراتاۋ قارعىپ-قارعىپ شىعىپ كەتتى.

بايگە بويى اسپارحاننىڭ الىمىنا ايىزدارى قانىپ وتىرعان كورەرمەننىڭ قاراتاۋدىڭ قارقىنىنا سۇيسىنبەسكە اددى قالمادى.

تۋرا ەلدىڭ الدىندا جىلعادان اققان جىلىمداي جىلىستاعان قاراتاۋ مارە سىزىعىن سوڭعى ساتتە بىرىنشى بولىپ قيىپ وتىپ كەتە باردى.

الاماندا الاپات جۇرىس تانىتقان اسپارحان امالسىز ەكىنشى ورىندى مىسە تۇتتى. اۋەلى الى دە جەر ۇزاقتاۋ بولسا ۇشىنشى ورىنداعى نۇرقاسقاعا جول بەرىپ قويۋى دا مۇمكىن ەدى. ال تورتىنشى كەلگەن البانتورى مەن بەسىنشى ورىندى داۋسىز العان ەدەلبەيس ەكەۋى قۇيرىق تىستەسە وتتى.

سونىمەن الامان بايگەگە تىگىلگەن 5 جۇلدەنى بولىسىپ العان جۇيرىكتەر مىنالار:

ى ورىن – قاراتاۋ, تازا قاندى 4 جاسار قاراكەر ايعىر. الماتى وبلىسى قاراتال اۋدانى. شاباندوزى – جەكسەنبى الدييار, ات يەسى – جەكسەنبيەۆ باقىتجان, سمايلوۆ جەڭىس, باپكەرى – نۇرجىگىت تايۋىلديەۆ. (4 ملن 500 مىڭ تەڭگە)

ىى ورىن – اسپارحان, ارابى تۇقىمدى تورت جاسار جيرەنقاسقا ايعىر. جامبىل وبلىسى قورداي اۋدانىنان. شاباندوزى – سايماساي دامير, ات يەسى – وسەرباەۆ مۇرات, باپكەرى – مۇحامەدوۆ ەلدوس. (1 ملن 500 مىڭ تەڭگە)

ىىى ورىن – نۇرقاسقا, اعىلشىن تۇقىمدى بەس جاسار كۇرەڭقاسقا ايعىر. استانا قالاسى. شاباندوزى – رەت توقتامىس, ات يەسى – تولەگەنوۆ نۇرالى, باپكەرى – قازبەكوۆ ماقانعالي. (750 مىڭ تەڭگە)

IV ورىن – البانتورى, اعىلشىن تۇقىمدى بەس جاسار تورى ايعىر. الماتى وبلىسى تالعار اۋدانى. شاباندوزى – اقجول جۇماتاي, ات يەسى – بۇلعىنوۆ مەرحات, باپكەرى – نوعاەۆ باقىتجان. (500 مىڭ تەڭگە)

V ورىن – ەدەلبەيس, تازا قاندى تورت جاسار قارا ايعىر. الاتى وبلىسى قاراساي اۋدانى قاسكەلەڭ قالاسى. شاباندوزى – توقجانوۆ ادىلجان, ات يەسى – جۇرقاباەۆ تالعات, باپكەرى – وماروۆ سابىرجان. (200 مىڭ تەڭگە)

argymaq.kz

(فوتو: سپورت جانە دەنە شىنىقتىرۋ ىستەرى كوميتەتى)

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>