الماتىلىق كوكپارشىلار ا.اسقاروۆ تۋرنيرىنە دايىندالىپ جاتىر (فوتو)

قازاننىڭ 29-ى مەن قاراشانىڭ 4-ى كۇندەرى شىمكەنت قالاسىندا كوكپاردان اسانباي اسقاروۆ اتىنداعى داستۇرلى حالىقارالىق تۋرنير وتەدى.

جىل سايىن وتەتىن دۇبىرلى دوداعا ەلىمىزدىڭ ار وڭىرىنەن عانا ەمەس, ات سپورتى دامىعان كورشىلەس مەملەكەتتىڭ مىقتى كوماندالارى دا كەلىپ باقتارىن سىنايدى.بۇل جارىستا الماتىنىڭ نامىسىن العاشقى رەت جاڭادان قۇرىلعان كوماندانىڭ جاس ارى تانىمال پالۋاندارى قورعايدى.

بيىل اشىلعان كلۋبتىڭ ساپىندا ار وبلىستان جينالعان, كوپتەگەن جەتىستىكتەرى بار ويىنشىلار ونەر كورسەتەدى. 12 تاجىريبەلى سپورتشىلار الداعى تۋرنيردەن اۋدارىسپاق جانە كوكپار سپورت تۇرلەرىنەن تەك بىرىنشى ورىندى كوزدەپ وتىرعاندارىن جاسىرمادى.

- بۇل جاقىندا وتەتىن تۋرنير, ارينە وڭاي بولمايدى. العا بىرىنشى ورىن الۋ دەگەن ماقسات قويىپ وتىرمىز. قازىر مىنە سوعان تىڭعىلىقتى دايىندالىپ جاتىرمىز. قالا اكىمدىگنە بارلىق جاعدايىمىزدى جاساپ جاتقانىنا العىس بىلدىرەمىز. تەك جەڭىسپەن ورالامىز دەگەن ويدامىز, – دەدى «الماتى» كلۋبىنىڭ ويىنشىسى, حالىقارالىق دارەجەدەگى سپورت شەبەرى قايىرجان سۇلەيمەنوۆ.

بيىلعى جىلى, «الماتى» كلۋبى كوپتەگەن جارىستارعا جانە چەمپيوناتتارعا قاتىسىپ جاقسى ناتيجەلەرىمەن كوزگە تۇستى. ەرەسەكتەر اراسىندا كوكپاردان وتكەن ەل چەمپيوناتىندا 16 كلۋبتىڭ اراسىندا الماتىلىقتار 4-شى ورىنعا يە بولسا, اۋدارىسپاق پالۋاندارى ەرلان تويىمبەتوۆ پەن مۇراتالى تەزەكباەۆ وسى چەمپيوناتتا كۇمىس جانە قولا جۇلدەگەرلەر اتاندى.

سونداي-اق, كوكپارددان جاستار اراسىنداعى 7-شى قازاقستان چەمپيوناتىندا الماتى قۇراماسى ۇشىنشى ورىندى جەڭىپ الدى. ال, وسى چەمپيوناتتا اۋدارىسپاق پالۋاندارى كۇنتۋعان سەيدۋللا, مەيىربەك ىلەباي جانە ايدوس بالاەۆ وز سالماق دارەجەلەرىندە بىرىنشى, ەكىنشى جانە ۇشىنشى ورىنداردان كورىندى. بيىلعى ماۋسىمدا, سونىمەن قاتار, جامبى اتۋدان 4-شى ەل چەمپيوناتى وتىپ, ناتيجەسىندە الماتىلىق سەرىك الىباەۆ قولا جۇلدەگەر اتاندى.

جالپى, بيىلعى ماۋسىم الماتى پالۋاندارى ۇشىن ساتتى وتىپ جاتىر. جاڭا قۇراماعا ۇيرەنىسىپ, ۇلكەن ماقسات قويعان ويىنشىلار قازىر تۇيمەبەك جۇماليەۆتىڭ باپكەرلىگىمەن الماتىنىڭ رەسپۋبليكالىق يپپودرومىندا وقۋ-جاتتىعۋ جيىندارىن وتكىزۋدە.

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>