اۋدارىسپاقتان كسرو چەمپيوندارىنا ىزدەۋ سالامىز

ALMATY-IPPODROMY

اۋدارىسپاقتان كسرو چەمپيونى اتانعان قازاق بالۋاندارى:

 1.تالاپحان بايقامىسوۆ – اسا اۋىر سالماقتا 1958-1964 جىلدار ارالىعىندا 7 دۇركىن كسرو چەمپيونى;

2.مۇساحان ەلگەزەروۆ – اۋىر سالماقتا 1966 جىلعا دەيىن 3 دۇركىن كسرو چەمپيونى; 

3.بورانباي قاسىمبەكوۆ – جەڭىل سالماقتا 1966 جىلعى كسرو چەمپيونى (رەسەي, ەسەنتۋكي);

4.ساتىمبەك ايتباەۆ – ورتا سالماقتا 1966 جىلعى كسرو چەمپيونى (رەسەي, ەسەنتۋكي);

5. مولجان شالعىنباەۆ – اۋىر سالماقتا 1966 جىلعى كسرو چەمپيونى (رەسەي, ەسەنتۋكي);

سونىمەن قاتار, جەڭىل سالماقتا س.تەرسەباەۆ, ا.وسپانوۆ, ش.سەيىتجانوۆ, ورتا سالماقتا ب.وتەباەۆ, ا.وسپانوۆ, ا.تولەەۆ, اۋىر سالماقتا ب.شاكيەۆ, ە.سارىمساقوۆ بىرنەشە دۇركىن كسرو چەمپيونى اتانعان. بىز كەزدەستىرگەن دەرەكتەرگە قاراعاندا بۇل بالۋانداردىڭ دەنى الماتى وڭىرىنىڭ تۇرعىندارى ەكەن.

الماتىداعى ۇلتتىق كىتاپحانا مۇراعاتىنان وسىنداي قۇندى دەرەكتەر تابىلدى. كەڭەس وداعى كەزىندە قازاقتىڭ ۇلتتىق سپورت تۇرلەرىنىڭ بىرشاماسى كەرەمەت ەلەۋلى بولماسا دا تىم قاعاجۋ قالماپتى. ۇلتتىق ويىنداردان سيرەك تە بولسا جارىستار ۇيىمداستىرىلىپ, قامقورلىق جاسالعان. سونىڭ بىرى – اۋدارىسپاق.

اۋدارىسپاقتىڭ وداق تۇسىنداعى رەسمي اتاۋى – سايىس. اۋدارىسپاق – ات سپورتى تۇرلەرى رەتىندە وداقتىق چەمپيوناتتاردىڭ باعدارلاماسىنا ەنگىزىلىپ, ەداۋىر جىل تۇراقتى وتكىزىلىپتى. كەزىندە اۋدارىسپاق سايىسى جەڭىل سالماق, ورتا سالماق جانە اۋىر سالماق بولىپ, ۇش سالماق دارەجەسىنە بولىنگەن. سول جارىستاردىڭ مالىمەتتەرىنە قاراساق, اۋدارىسپاق باسەكەسىندەگى جۇلدەنىڭ بارلىعى قازاق ازاماتتارىنىڭ قانجىعاسىنا بايلانىپتى.

1948 جىلدان جەڭىل سالماقتا س.تەرسەباەۆ, ا.وسپانوۆ, ش.سەيىتجانوۆ, ورتا سالماقتا ب.وتەباەۆ, ا.وسپانوۆ, ا.تولەەۆ, اۋىر سالماقتا م.ەلگەزەروۆ, ت.بايقامىسوۆ, ب.شاكيەۆ, ە.سارىمساقوۆ ەسىمدى بالۋاندار وداق بويىنشا قارسىلاس شاق كەلتىرمەي ۇتىپ تۇرعان ەكەن.

تاقىمى تەمىردەي سايىسكەرلەر اراسىندا اسىرەسە, مۇساحان ەلگەزەروۆ پەن تالاپحان بايقامىسوۆتىڭ اتاقتارى تىپتى دۇرىلدەپ تۇرىپتى. اتاپ ايتقاندا, اۋىر سالماقتاعى مۇساحان ەلگەزەروۆ قاتارىنان وداقتىڭ ۇش دۇركىن جەڭىمپازى اتانادى.

ال, الماتىنىڭ ىرگەسىندەگى قاستەك اۋىلىنىڭ (دەرەكتە وسىلاي جازىلعان.اۆت) اعا شوپانى, اسا اۋىر سالماقتاعى سايىسكەر تالاپحان بايقامىسوۆ 1958 جىلدان باستاپ 1964 جىلعا دەيىن تۇتىنىن ۇزبەستەن جەتى دۇركىن وداق جەڭىمپازى بولىپتى. سىرا, تالاپحان بالۋاننىڭ قايراتىنا شاق كەلەتىن جىگىت وداقتىڭ ون بەس رەسپۋبليكاسىنان تابىلماي قويسا كەرەك.

مۇراعات مالىمەتتەرىنە سۇيەنسەك, اۋدارىسپاقتىڭ سوڭعى باسەكەسى 1966 جىلى رەسەيدىڭ ەسەنتۋكي قالاسىندا ۇيىمداستىرىلعان وداقتىق جارىستا وتىپتى. ۇش سالماق دارەجەسى بويىنشا وتكەن وسى كوماندالىق باسەكەدە دە بورانباي قاسىمبەكوۆ, ساتىمبەك ايتباەۆ, مولجان شالعىنباەۆ ەسىمدى قازاق ازاماتتارى ون بەس رەسپۋبليكا اۋدارىسپاقشىلارى اراسىنان جەڭىمپاز اتانىپ, باس بايگەنى الىپ قايتىپتى.

بىزدىڭ وتىنىش, كەزىندە بۇتىن كەڭەس وداعىنىڭ مىقتىلارىن بىرنەشە جىل اتىنان اۋدارىپ تۇرعان وسى بالۋانداردىڭ ۇرپاقتارى بولسا نەمەسە بۇل بالۋاندار تۋرالى ناقتى دەرەكتەر بىلەتىن ادامدار بولسا مىنا تەلەفون نومىرىنە حابارلاسسا ەكەن (8 701 516 37 08 اۆت). جۋىردا جارىق كورەتىن ۇلتتىق سپورتتىڭ ۇزدىكتەرىنە ارنالعان ەنتسيكلوپەدييالىق انىقتامالىق ۇشىن بىزگە وسى چەمپيونداردىڭ فوتوسۋرەتتەرى مەن ديپلوم, مەدال سيياقتى دەرەكتى مالىمەتتەرى وتە قاجەت.

تولەگەن جاكىتاي

سۋرەتتە: الماتى يپپودرومىندا وتكەن ۇلتتىق سپورت ويىندارىنا قاتىسقان ازاماتتار (1962 ج).

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>