مۇحتارحان دىلدابەكوۆ “كوكپار” فەدەراتسيياسىنىڭ باسشىسى بولدى

Dildabekov

2018 جىلدىڭ 24 قازانىندا قر ۇلتتىق سپورت قاۋىمداستىعى قۇرامىنداعى رەسپۋبليكالىق «كوكپار» جانە «اۋدارىسپاق» فەدەراتسييالارىنىڭ باسشىلىق قۇرامىنا وزگەرىستەر ەندى. قۇرىلتايشىلاردىڭ جالپى جينالىسىنىڭ حاتتاماسىنا سايكەس, رەسپۋبليكالىق «كوكپار» فەدەراتسيياسىنىڭ پرەزيدەنتى بولىپ دىلدابەكوۆ مۇحتارحان قوبىلانبەكۇلى, ال رەسپۋبليكالىق «اۋدارىسپاق» فەدەراتسيياسىنىڭ پرەزيدەنتى بولىپ قوبىلاندين دانييار جاڭابايۇلى تاعايىندالدى.

داڭقتى بوكسشى مۇحتارحان دىلدابەكوۆ ەسىمى سپورتسۇيەر قاۋىمعا جاقسى تانىس. بىراق, ەكى وليمپيادا ويىندارىندا باق سىناعان, سيدنەي وليمپياداسىنىڭ كۇمىس جۇلدەگەرى, حىى ازييالىق ويىندارىنىڭ جەڭىمپازى, حىV ازييالىق ويىندارىنىڭ كۇمىس جۇلدەگەرى, الەم چەمپيوناتىنىڭ  كۇمىس  جۇلدەگەرى اتانعان اتاقتى بوكسشىنىڭ ۇلكەن سپورتقا دەيىن دودابۇزار كوكپارشى بولعانىن ەكىنىڭ بىرى بىلە بەرمەيدى.

تانىستىرىپ وتەلىك, مۇحتارحان دىلدابەكوۆ 1976 جىلى تۇركىستان وبلىسى ماقتارال اۋدانى, اباي اۋىلىندا دۇنيەگە كەلگەن. قازاقستان رەسپۋبليكاسىنىڭ ەڭبەك سىڭىرگەن سپورت شەبەرى.  بىلىمى جوعارى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى, ق.ا.ياساۋي اتىنداعى حالىقارالىق قازاق -تۇرىك ۋنيۆەرسيتەتىن تامامداعان. «پاراسات» وردەنىنىڭ يەگەرى,  وڭتۇستىك قازاقستان وبلىسىنىڭ قۇرمەتتى ازاماتى.

بوكس قولعابىن شەگەگە ىلگەن 2006 جىلدان مۇحتارحان دىلدابەكوۆ شىمكەنت قالاسىنىڭ №5 بوكستان وليمپيادا رەزەرۆىنىڭ ماماندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى, 2008 جىلدان وسى ۋاقىتقا دەيىن «وڭتۇستىك قازاقستان وبلىسىنىڭ بوكستان وليمپيادا رەزەرۆىن دايىندايتىن بالالار مەن جاسوسپىرىمدەردىڭ ماماندىرىلعان سپورت مەكتەبىنىڭ» ديرەكتورى قىزمەتتەرىن اتقارىپ كەلدى.

الايدا, ات جالىن تارتىپ مىنگەننەن كوكپارقۇمار بولعان مۇحتارحان دىلدابەكوۆ وسى جىلدار ارالىعىندا وڭتۇستىك وڭىردە جيى ۇيىمداستىرىلاتىن جاپپاي كوكپاردىڭ دوداسىنان دا الىس كەتكەن ەمەس. سوندىقتان بولار, اتاقتى بوكسشىنىڭ كوكپارشىلىعى تۋرالى كەزىندە بۇقارالىق اقپارات قۇرالدارىندا كولەمدى ماقالالار مەن سۇحباتتار  از جارييالانعان جوق.

مىنە, بوكس جانكۇيەرلەرى مەن كوكپار جانكۇيەرلەرىنە اتى ماشھۇر بولىپ كەلگەن مۇحتارحان دىلدابەكوۆ ەندى رەسپۋبليكالىق كوكپار فەدەراتسيياسىنىڭ پرەزيدەنتى بولىپ تاعايىندالدى. جۇدىرىعى گۇرزىدەي مۇحتارحان دىلدابەكوۆ شارشى الاڭدا ۇزاق جىل اتوي سالىپ, قازاق ۇلتىنىڭ مەرەيىن وسىردى. ەندى ەلىمىزدىڭ كوكپار تىزگىنىن قولعا العان مۇحتارحانعا ۇلتتىق ونەرىمىزدىڭ بەدەلىن ارتتىرىپ, كوماندالىق كوكپار ويىنىن الەمدىك دەڭگەيگە كوتەرەدى دەگەن سەنىم ارتىلىپ وتىر.  بۇعان دەيىن وزى قادام باسقان سالاسىندا تاباندىلىق تانىتىپ كەلگەن مۇحتارحان دىلدابەكوۆ ەل سەنىمىنىڭ ۇدەسىنەن شىعا بىلگەن ازاماتتىڭ بىرى.

ال, رەسپۋبليكالىق «اۋدارىسپاق» فەدەراتسيياسىنىڭ پرەزيدەنتى بولىپ تاعايىندالعان قوبىلاندين دانييار جاڭابايۇلى جايلى ماعلۇمات تومەندەگىدەي.

دانييار قوبىلاندين 1984 جىلى الماتى قالاسىندا دۇنيەگە كەلگەن.  بىلىمى جوعارى. ل. گۋميلەۆ اتىنداعى ەۋرازييا ۇلتتىق ۋنيۆەرسيتەتىنىڭ, قر پرەزيدەنتى جانىنداعى مەملەكەتتىك باسقارۋ اكادەميياسىنىڭ تۇلەگى. ەڭبەك جولىن اقتوبە وبلىسى پروكۋراتۋراسىنان باستاعان. قر كولىكتىك باقىلاۋ كوميتەتىندە, قر پرەزيدەنت اكىمشىلىگىندە, الماتى قالاسى اكىمدىگىندە قىزمەت ەتكەن. قازىرگى كەزدە جەكە كاسىپكەر.

تولەگەن جاكىتاي, ethnosport.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>