قىزىلوردالىق قارت باپكەر

Serikbai Y.

قىزىلوردالىق سەكسەننەن اسقان قارييا سەرىكباي ىرىساليەۆ جىلقى باعىپ, ات جاراتىپ جۇر.

1937 جىلى سىر وڭىرىندەگى قازىرگى جانقوجا باتىر اۋىلىندا دۇنيەگە كەلگەن سەرىكباي اتا كۇنىنە كەم دەگەندە بەس ساعات اتتىڭ ۇستىندە جۇرەدى.

«اكەم نۇرعازى جىلقىشى بولعان. 8 سىنىپتى تامامداپ, اكەمە قولعابىس ەتۋ ۇشىن مەن دە جىلقى باقتىم. سودان بەرى دامىل تاپپاي, تورت تۇلىكتى تۇلەتىپ كەلەمىز. قاراقۇمنىڭ تاتىمباي ۋچاسكەسى بىز ۇشىن قۇتتى قونىس بولدى. وندا بىزدەن باسقا ەشكىم جوق, جالعىز ۇي تىگىلگەن. بيىل تاتىمبايدا مال باعىپ وتىرعانىمىزعا 61 جىل بولدى», – دەيدى سەرىكباي اتا.

قارييا اتبەگىلىككە 65 جاسىندا ىنتا قويعان ەكەن.

«مەن اتتىڭ ۇستىندە وستىم. قازىر جاسىم سەكسەننەن اسسا دا, وسى كۇنى 5 ساعات بويى ات ۇستىندە جۇرەمىن. تاڭ اتقاننان اتقا قونىپ, مال جايعارىپ تاستايمىن. شۇكىر, تۇلپارىما وزىم مىنىپ, تۇسەمىن. جىلقىعا جاقىن جۇرسەڭ, دەنساۋلىققا دا پايدالى», – دەيدى قارييا.

كەلىنى ايگەرىم ىرىساليەۆانىڭ ايتۋىنشا, اتاسى 17 جاسىندا مادينا اپامىزعا ۇيلەنىپ, 8 قىز, 5 ۇل تاربيەلەپ وسىرگەن. وسىلاردان قازىر 43 نەمەرە, 18 شوبەرە سۇيىپ وتىر.

«ەنەمىز پەرزەنتتەرىن قاراقۇمنىڭ قويناۋىندا مال باعىپ جۇرىپ, جاپاندا جالعىز قالىپ, اكۋشەرسىز بوسانعان. تىپتى, پەرزەنتىنىڭ كىندىگىن وزى كەسىپ, وزى قۇنداقتاعان. ال اتامىز تىل ارداگەرى. قولىنا قۇرىق ۇستاپ, سايگۇلىگىن تاڭدايتىن اتامنىڭ جاستارعا ات جاراتۋدان بەرەر ونەگەسى مول. مەرەيتويلاردا, مەرەكەلەردە وتكىزىلگەن ات بايگەلەرىنە جۇيرىگىن قوسىپ, جۇلدەلى ورىندارعا يە بولىپ جۇر. وزى سەكسەننىڭ سەڭگىرىنەن اسسا دا, اتتان تۇسپەي, جىلقى قايىرىپ ەڭبەكتەنگەنى وسىپ كەلە جاتقان جاس ورەندەرىمىزگە ۇلگى تۇتارلىق, ماقتانارلىق», – دەيدى ايگەرىم.

بۇگىندە قارييانىڭ نەمەرەسى ارىستان اتا كاسىپتى جالعاپ, ورىستە مال ورگىزىپ, شارۋانىڭ شىرايىن كەلتىرىپ وتىر.

يبراش الي, Baq.kz 

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>