Argymaq.kz ең үздік қазақтілді сайт атанды

4600

Бүгін Астана қаласында ҚР Тұңғыш Президенті — Елбасы Қорының сыйлығына Үздік қазақтілді интернет сайт байқауының жеңімпаздарын марапаттау рәсімі өтті. Байқауды ҚР Тұңғыш Президенті — Елбасы қоры мен Мемлекеттік тілді дамыту қоры ұйымдастырды.

Байқау мақсаты – интернет жүйесіндегі үздік қазақтілді ресурстарды анықтау мен насихаттау және интернет ресурстардың саны мен сапасын жақсартуға үлес қосып жүрген отандық қазақтілді сайттарды қолдау.

Марапаттау рәсіміне ҚР Ақпарат және коммуникациялар министрлігінің, мәдениет қайраткерлері және белгілі журналистер қатысты.

ҚР Тұңғыш Президенті – Елбасы қоры атқарушы директорының кеңесшісі Әлия Қайшарова қазақ сайттарының жыл сайын көбейіп, дамып келе жатқанын айтты.

«Байқауға қатысқан қазақ сайттарының саны жылдан жылға көбейіп келеді. Биылдың өзінде республиканың түрлі аймақтарынан 30-ға жуық өтініштер жіберілді. Ал үш жылдың ішінде байқауға 100-ден астам өтініш түсті. 17 қазақтілді интернет сайт лауреат және ақшалай сыйлыққа ие болды», — деді.

Байқауға ғаламтор кеңістігіндегі тәжірибесі кемінде бір жылды құрайтын, мемлекеттік тілде ақпарат тарататын үкіметтік емес, тәуелсіз қоғамдық сайттар қатысты. Қазылар алқасы сайттарды мазмұны, қызмет бағыты, интерактивтілігі, қазақ тілі мен ұлттық құндылықтардың дәріптелуі, патриоттық тақырыптардың үздіксіз көтерілуі, көркемдік жағы, идея ерекшелігі, тартымдылығы секілді талаптар бойынша саралады.

Сонымен, жеңімпаздар 8 номинация бойынша анықталды.

«Өткір тіл» аталымы бойынша үздік интернет-сайт www.silteme.kz,

«Рухани азық» аталымы бойынша www.salseri.kz,

«Шынайы өмір» аталымы бойынша www.qazir.kz,

«Спорт тынысы» аталымы бойынша www.argymaq.kz,

«Білім бұлағы» аталымы бойынша www.эрудит.kz,

«Жастар әлемі» аталымы бойынша www.univerlife.kz,

«Аймақ айнасы» аталымы бойынша www.mediaon.kz,

«Балаларға базарлық» аталымы бойынша www.dapter.kz порталы жеңімпаз атанды.

Байқау жеңімпаздары ҚР Тұңғыш Президенті — Елбасы Қорының дипломдары мен ақшалай сыйлығына ие болды.

argymaq.kz

ПІКІР ЖАЗУ

Please Do the Math      
 

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Content is protected !!