سۋىن قۇلىن اڭىزى

suyn zhylqysy

ەل ىشىندە «سۋىن كوكتىڭ ۇيىرى» تۋرالى اڭىز جۇرەدى ەكەن, جىلىنا بىر مارتە تەڭىزدەن بىر ۇيىر قۇيرىق-جالى توگىلگەن, قازمويىن, سۇلىكتەي سۇلۋ بىرىڭعاي كوك جىلقى جۇزىپ شىعىپ, جىلقى جايىلىمىنىڭ باسىنداعى استاۋلاردان تۇششى سۋ ىشىپ كەتەدى ەكەن. تاڭعى تالماۋ ۇيقىنىڭ تۇسىندا جەلدەي ەسىپ كەلىپ, تەز سۋ ىشىپ, دىبىسىن بىلدىرمەي كەتىپ وتىراتىن بولسا كەرەك. سوندىقتان, ناقتى كورگەن ادامدار دا سيرەك ەكەن. 

بۇل جايت قۇلاعىنا تيگەن قوناقاي باتىر جىگىتتەرىن جىل بويى كۇزەتكە قويىپ, «سۋىن كوكتىڭ» ۇيىرىن كۇتىپتى.
قوناقاي باتىردىڭ زور ساداعى بار ەكەن. قاپ تاۋلارىندا وسەتىن سامشيت اعاشىنان ىستەلگەن ساداقتى باتىردىڭ وزىنەن باسقا ەشكىم تارتا المايتىن بولىپتى. وزى قۇشىرلانا تارتسا, جەبەسى قارا تاستى قاق جارادى ەكەن.
حوش دەلىك, سونىمەن كۇندەردىڭ بىر كۇنىندە قوناقايدىڭ وزى كۇزەتكە وتىرىپتى. تاڭ الدىندا قالعىپ كەتسە, تۇسىندە اناسى «كوزىڭدى اششى, بالام» دەيدى ەكەن. ويانا كەتسە, ناۋا تولى سۋدان بىر ۇيىر قاراكوك جىلقى سۋ ىشىپ تۇر ەكەن. شەتىنەن سۋرەتتەي ادەمى, قۇشاق كەۋدە, بۋرا سان, موينى قازدىڭ موينىنداي, كوزدەرى شوقتاي جايناعان, جىلقى بىتكەننىڭ سۇلۋ جاراتىلعان تۇرى ەكەن. تاڭ-تاماشا بولسا دا, سابىرىن جوعالتپاعان باتىر ارقانىن ىڭعايلاپ, ىلىككەن بىرىن الىپ قالۋدى ويلايدى. وزدەرىنەن باسقا تاعى بىر جاننىڭ بارىن بىردەن سەزگەن ۇيىر, ۇركىپ, جەلدەي ەسە جونەلەدى. جاندارمەن لاقتىرىلعان بۇعالىق, جەتپەي جولدا قالادى. قوناقاي ەڭ بولماسا بىرىن جارالاپ الىپ قالۋدى ويلاپ, ساداعىن تارتادى. وسى كەزدە ۇيىردىڭ بەرگى قاپتالىن قالقالاپ, قورعاشتاي بەرگەن قۇيرىق-جالى تىزەسىنە توگىلگەن كوك ايعىردى بايقايدى باتىر. ايعىردىڭ باسىندا التىن جۇگەنى جارقىراپ جۇر ەكەن. مۇنشاما سۇلۋلىقتى جارالاۋعا قيماعان باتىر, جۇگەندى كوزدەپ, جەبەسىن جىبەرەدى. التىن جۇگەن جەلكەسىنەن ۇزىلىپ, جەرگە تۇسەدى. باتىر جۇگەندى الىپ, تاماشالاپ قاراپ تۇرعاندا, قىر اسىپ كەتكەن جىلقى قايتا ورالىپ, كوك ايعىر وقىرانىپ, باتىرعا جاقىندايدى. بۇل تاماشاعا تاڭ قالعان باتىرعا استىڭعى ەرنى قىبىرلاپ, ۇستىڭگى ەرنى جىبىرلاپ, كوك ايعىر سويلەي جونەلەدى:

– ەي, باتىر, بىز سۋ پاتشاسى سۇلەيمەننىڭ جىلقىسىمىز, انا قولىڭداعى التىن جۇگەن بىزدىڭ سۋ استى پاتشالىعىنا كىرەتىن بەلگىمىز, ەگەر ول بىزدە بولماسا, بىز پاتشالىعىمىزعا وتە المايمىز, قايىرىمدىلىق تانىتىپ, جۇگەندى قايتارىڭىز,- دەپتى.
سوندا باتىر:
- مەن ەل قورعاپ جۇرگەن اداممىن. ەلىمنىڭ تىنىشتىعى ەڭ قىمبات قازىنا, سەنىڭ جۇگەنىڭنىڭ كەرەگى جوق, بىراق بىزگە جاقسى ات كەرەك, جۇيرىك جىلقى كەرەك,- دەپتى.
سوندا سۋىن كوك ايعىر:
- بىز جىلدار بويىنا تەڭىز استىندا تىرشىلىك كەشەمىز, جىلىنا بىر مارتە سەن قازعان قۇدىقتان تۇششى سۋ ىشىپ, سەرگىپ قالامىز. ولاي بولسا, بىزدى بوسات, ەسەسىنە بىز ساعان جىل سايىن سۋ ىشۋگە كەلگەندە بىر جىلقى اكەلىپ وتىرايىق, – دەپتى.
وسىلايشا كەلىسىمگە كەلىپ, قوناقاي باتىر التىن جۇگەندى قايتارىپ, سۋىن كوك وز ۇيىرىنەن بىر جىلقىنى باتىرعا قالدىرىپ كەتىپتى. 
سۋىن كوكتىڭ جىلقىسى جەل جەتپەس جۇيرىك ەكەن, سول توڭىرەكتەگى بارلىق بايگەنى جەڭىپ الىپ, الدىنا قارا سالماي شابادى ەكەن. ەكپىنىنىڭ قاتتىلىعى سونداي, الدىنان بىرنەشە جەردەن ارقان كەرىپ, توقتاتادى ەكەن.
قوناقاي باتىر دا ۋاعدادا تۇرىپ, جىل سايىن سۋ ىشۋگە كەلگەن سۋىن كوكتىڭ ۇيىرىنە جان بالاسىن جاقىنداتپاي, قورعاپ جۇرىپتى. سۋىن كوك تە بىر جىلقىدان قالدىرىپ وتىراتىن بولىپتى. وسىلايشا, قوناقايدىڭ جىلقىسىندا كوك الانىڭ ۇيىرى پايدا بولىپ, كوبەيە باستاپتى. بىرتە-بىرتە جىلقىسىنداعى سۋىن كوكتىڭ ۇيىرى بىر تابىن جىلقىعا اينالىپتى.

A.Elshibaevaايگۇل ەلشىباەۆانىڭ الەۋمەتتىك جەلىدەگى پاراقشاسىنان

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>