قىمىز وندىرىسىنە مەملەكەتتىك قولداۋ قاجەت

qymyz

جامبىل وبلىسىنداعى جۋالى اۋدانى حالقىنىڭ 70%-عا جۋىعى قىمىز وندىرەدى. مۇنداعى ار وتباسى كەم دەگەندە 4-5 باس جىلقىدان باعادى. تۇرعىندار بۇل ىسكە ماشىقتانىپ العانى سونشا, كاسىبي ماماندانىپ العان. ال وسى اۋداننان جاسالاتىن ۇلتتىق سۋسىن وڭىردەگى برەندكە اينالعان.

«بىزدىڭ اۋىلىمىز جىلقى مالىن ۇستاۋعا وتە قولايلى. جايىلىمىمىز جايلى, ارى وتتى. كوپشىلىگىمىز قىلقۇيرىقتىنى باعۋدىڭ قىر-سىرىن ابدەن مەڭگەرىپ العانبىز. ەندى بىز جەكەلەپ ەمەس, بىرىگىپ, كووپەراتيۆ قۇرساق دەگەن جوسپارىمىز بار. قازىرگى كەزدە وسى باعىتتاعى جۇمىستاردى باستاپ كەتتىك», – دەدى جۋالى اۋدانىنىڭ تۇرعىنى مەرۋەرت كوپباەۆا.

جىلقىشىلار مال باسىن كوبەيتىپ, قىمىز وندىرۋدى كەڭەيتۋ ماقساتىندا كووپەراتسيياعا بىرىكتى. وعان بۇگىندە 28 ادام تىركەلگەن.

ورتاق ىسكە جۇمىلعانداردىڭ ىشىنەن باستاپقىدا بيە سۇتىن قابىلداپ, تسەح اشاتىن كاسىپكەر دە تابىلعان. جەڭىلدەتىلگەن نەسيە الۋ ۇشىن قاجەتتى قۇجاتتارىن دا ازىرلەگەن. الايدا, بار شارۋا وندىرىسكە قاجەتتى قوندىرعىلاردىڭ مەملەكەت تاراپىنان سۋبسيدييالانباۋىنا كەلىپ تىرەلگەن سىڭايلى.

كاسىپكەر قازىبەك الجاپپارۇلى قىمىز شىعاراتىن جابدىق 20 ميلليون تەڭگە تۇراتىنىن ايتادى. ونى الۋ ۇشىن سۋبسيدييا بولماسا, قىمىزدى وڭدەۋ, شىعارۋ جانە ساتۋ تيىمسىز بولادى ەكەن.

«قازىر سۇت, ەت باعىتىنداعى نەسيەلەر بەرىلىپ جاتىر. الايدا, قىمىز وندىرىسى ۇشىن بىلتىر نەسيە بولعان جوق. مۇنى جامبىل وبلىستىق اۋىل شارۋاشىلىعى باسقارماسىنىڭ ماماندارى قىمىز باعىتىندا وڭدەۋشى ونەركاسىپتىڭ جوقتىعىمەن تۇسىندىرەدى. بىز اكىمشىلىك تاراپىنان ۇسىنىس تاستادىق», – دەدى شاقپاق اتا اۋىلدىق وكرۋگىنىڭ اكىمى نۇرباقىت تىلەگەنوۆ.

اسقات رايقۇل, Baq.kz

1 پىكىر

  1. بىزدىڭ قاسيەتتى جىلقى جانۋارى قازاق ۇكىمەتىنە نە جاماندىق جاساعانىنا تۇسىنبەدىم. قارا مال, قوي-ەشكى, “اق قوي”, تاۋىققا دەيىن سۋبسيدييا بەرىلەدى ەكەن, ال تورت تۇلىكتىڭ تورەسىنە كەلگەندە كەگەجەمىز كەرى تارتادى. مۇنى قالاي تۇسىنۋگە بولادى سوندا. دۇنيە جۇزىندە وسى سۋبسيدييا الاتىن مالدىڭ ونىمىن بارلىعى شىعارادى, ال جىلقىعا بايلانىستى ونىم تۇرلەرىن شىعارۋشى ەلدەر ساۋساقپەن سانارلىق. جىلقى ونىمدەرى مىنا بىز ۇشىن “ۇلتتىق برەند”, سول سەبەپتى ەكسپورتتىق نارىققا شىعاراتىن اۋىل شارۋاشىلىق ونىمدەرىنىڭ باسىندا تۇرۋى كەرەك ەدى. نارىقتا باسەكەلەستىك ادال جۇرمەيتىنىن وسىداندا كورۋگە بولادى. ا/ش ونىمدەرىن قايتا وڭدەۋ قوندىرعىلارىنا, اسىلداندىرۋ جۇمىستارىنا بولىنەتىن قارجىلاي كومەكتەن جىلقى شارۋاشىلىقتارى قاعىلىپ وتىرعانى ادەيى جاسالىپ وتىرعان “ديۆەرسييا” سيياقتى. جىلقىمەن كوبىنەسە وزىمىزدىڭ قارا كوز باۋىرلارىمىز اينالىسسا, بۇل الالاۋ سوندا كىمدەرگە قارسى جاسالىپ جاتقانى…

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>