Argymaq.kz-تىڭ باس رەداكتورى 500 شاقىرىمدىق اتتى تۋرعا قاتىسادى

QazaqGeography

ەرتەڭ نۇر-سۇلتان قالاسىندا كوپكۇندىك «كيەلى قازاقستان» ەكسپەديتسيياسى باستالادى. بۇل جولعى شارانىڭ ەرەكشەلىگى – قاتىسۋشىلار تەك جەڭىل اۆتوكولىكپەن ەمەس, اتقا دا مىنىپ شىعادى. ەكسپەديتسييا قر مادەنيەت جانە سپورت مينيسترلىگىنە قاراستى تۋريزم يندۋستريياسى كوميتەتىنىڭ باستاۋىمەن جۇزەگە اسادى. ەكسپەديتسييانىڭ نەگىزگى ۇيىمداستىرۋشى – «Kazakh Tourism» ۇك, مارشرۋتتى جاساپ جانە ەكسپەديتسييانى وتكىزەتىن – «QazaqGeography» رقب.

كاسىبي ماماندار ون كۇن ىشىندە اقمولا, قاراعاندى, پاۆلودار وبلىستارى مەن بۇيراتاۋ, باياناۋىل ۇلتتىق پاركتەرىن جۇرىپ وتەدى. سالت اتتىلار تاۋلىگىنە 50-60 شاقىرىمدى ەڭسەرىپ, جاقىن ماڭداعى اۋىلداردا لاگەر قۇرماقشى.

«ەكسپەديتسيياسىنىڭ ماقساتى — اتقا مىنۋ مادەنيەتىن ناسيحاتتاپ, قازاقستاندا اتتى تۋريزمدى دامىتۋ. شارا بارىسىندا قاتىسۋشىلار جول بويىنداعى كيەلى مەكەندەردە توقتايدى. ەكسپەديتسييا ناتيجەسىندە اتتى تۋريزمدى بەلسەندى دامىتۋ ۇشىن قولدانۋعا بولاتىن باعىتتار انىقتالادى. ول جەرلەر ناقتى كوورديناتارالارمەن, ساپالى فوتو جانە بەينەماتەريالدارمەن قامتىلىپ, تولىق سيپاتتالادى. ارى قاراي بۇل اقپاراتتىڭ بارلىعى وتاندىق تۋركومپانييالارعا بەرىلەدى» – دەيدى ۇيىمداستىرۋشىلار.

ەكسپەديتسييانىڭ سوڭعى نۇكتەسى – باياناۋىل ۇلتتىق پاركىنىڭ اۋماعىندا ورنالاسقان جاسىباي كولىندە 29-ماۋسىمعا جوسپارلانعان.

«اتبەگىلىك قازاقستان تۋريزمىن جاڭا باعىتقا قاراي بۇرادى دەپ ەسەپتەيمىن. الماتى وبلىسىندا بىرنەشە كولساي كولدەرى, كەتمەنە, اسسى ايماقتارىنداعى باعىتتار تۋريستەر سۇرانىسىنا يە. دال وسىنداي مارشرۋتتاردى اقمولا, قاراعاندى, پاۆلودار وبلىستارىندا جۇزەگە اسىرۋ قولعا الىنىپ وتىر» دەيدى «Kazakh Tourism» ۇك» اق توراعاسىنىڭ ورىنباسارى سادۋاقاسوۆ قايرات.

اتالعان جوبا «رۋحاني جاڭعىرۋ» باعدارلاماسىن ىسكە اسىرۋعا ەلەۋلى ۇلەس قوساتىندىعىن اتاپ وتۋ قاجەت. سونداي-اق, ەلباسىنىڭ «ۇلى دالانىڭ جەتى قىرى» ماقالاسىندا ايتىلعان اتقا مىنۋ مادەنيەتىن جاڭعىرتۋعا دا ايتالىقتاي ىقپال ەتەرى سوزسىز.

«ەكسپەديتسيياسىنىڭ ماقساتى — اتتى تۋريزمدى دامىتۋدا جاڭا تۋريستىك باعىتتاردى جاساۋ جانە تۋعان جەرىمىزدى زەرتتەۋ. وعان قوسا, ەكسپەديتسييا تۋرالى ماتەريالدار قازاقستاننىڭ تۋريستىك دەستيناتسييا رەتىندە تانىلۋىنا جانە حالىقتى ىشكى تۋريزمگە تارتۋعا ىقپال ەتۋ. ەكسپەديتسييا ناتيجەسىندە ەلىمىزدىڭ تابيعي نىساندارى بويىنشا جاڭا تۋريستىك باعىتتار, ساپالى فوتو-جانە ۆيدەوبانكتەر قۇرىلادى. ولاردىڭ قازىرگى جاعدايى تۋرالى وزەكتى اقپارات الىنادى, يلليۋستراتسييالانعان جولنۇسقا جاسالاتىن بولادى», – دەيدى «QazaqGeography» رقب عىلىمي جانە ەكسپەديتسييا قىزمەتى بويىنشا دەپارتامەنتى ديرەكتورى نۇرجان العاشوۆ.

ەكسپەديتسييا قۇرامىندا 30-عا جۋىق ادام بولادى. ولاردىڭ 11-ى اتپەن جۇرەدى. ەكسپەديتسييا تولىقتاي جابدىقتالىپ, مەديتسينالىق جانە تەحنيكالىق جابدىقتارمەن قامتاماسىز ەتىلەدى.

ەكسپەديتسييانىڭ باعدارى: نۇر-سۇلتان قالاسى – پريرەچنوە اۋىلى – قاراعايلى ارحەولوگييالىق كەشەنى – سوكولينىە گورى (بۇيراتاۋ ۇتپ) – بالىقتى اۋىلى – العاباس اۋىلى – بەلودىموۆسكيي كوردون, قارااعاش (بۇيراتاۋ ۇتپ) – الكەي مارعۇلان ااۋىلى – قارابۇلاق اۋىلى – تەڭدىك اۋىلى – سەمىزبۇعا اۋىلى – شالقار اۋىلى –بۇحار جىراۋ كەسەنەسى – جاڭاتىلەك اۋىلى– ەگىندىبۇلاق اۋىلى – باياناۋىل – جاسىباي كولى (باياناۋىل ۇتپ).

ەستەرىڭىزگە سالا كەتەيىك, بۇل تۋر وتكەن جىلى دا بولعان بولاتىن. argymaq.kz پورتالى تۋر بارىسىنان اقپاراتتار تاراتقان. بيىلعى اتتى تۋرعا پورتالدىڭ باس رەداكتورى ەرجان جاۋباي باستان-اياق قاتىسادى. ياعني, وقىرماندار ەلىمىزدە ۇيىمداستىرىلعان ەرەكشە تۋردى سايتىمىزدان تۇراقتى وقىپ وتىراتىن بولادى.

1 پىكىر

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>