اتتى تۋر. العاشقى كۇن

Attatur

21 ماۋسىم. 4 جىلدان بەرى داستۇرلى تۇردە وتىپ كەلە جاتقان نۇر-سۇلتان-باياناۋىل اتتى تۋرى باستاۋ الدى. بۇعان دەيىن اۋەسقويلار اراسىندا عانا وتىپ كەلگەن تۋردى بيىل قر مادنەيەت جانە سپورت مينيسترلىگى قولداپ وتىر.

«Kazakh Tourism» ۇك» اق ۇيىمداستىرعان اتتى تۋرعا «QazaqGeography» رقب-دا باستى سەرىكتەس بولدى.

IMG_1812.jpg

«كيەلى قازاقستان» دەپ اتالاتىن بۇل ساپاردىڭ جەتەكشىسى بەرىك اقىلبەكوۆ.

 «وسىدان 5 جىل بۇرىن اۋەسقويلار كلۋبى قۇرىلدى. بىز جينالىپ قازاقستاننىڭ كورىكتى جەرلەرىنە ساياحات جاسايمىز. ەلدىڭ تابيعاتى ارقيلى, اربىر ايماقتىڭ وزىنە تان قايتالانباس سۇلۋلىعى بار. بىز نەگىزىنەن سارىارقانى ارالايمىز. اتتى شەرۋ الدىمەن بۇيراتاۋ مەملەكەتتىك ۇلتتىق ساياباعىنا بارادى. ودان كەيىن باياناۋىلعا ايالداپ, ەڭسەرەتىن سوڭعى نۇكتە جاسىباي كولىندە تۇيىقتالادى», – دەيدى ول.

بۇگىنگى ساپار اقمولا وبلىسىنىڭ اۋماعىندا وتەدى. ناقتىراق ايتساق «بالقاراعاي» دەمالىس ورنىنان باستالعان ساپار تىشقانكولدى جاعالاپ, قوستومار, بۇلاقساي وڭىرلەرىن باسىپ وتىپ, كەڭالقاپتا (ۆەرەنكا) تۇنەمەگە جەتۋىمىز كەرەك.

IMG_1828.jpg

اتتانار الدىندا زايروللا دۇيسەنبەكوۆ قاتىسۋشىلارعا اق باتاسىن بەرىپ, اق جول تىلەدى.

WhatsApp Image 2019-07-01 at 11.09.29.jpeg

ال اتتى تۋرعا قاتىسۋشىلار اتىنان بەرىك اقىلبەكوۆ اقساقالدىڭ يىعىنا شاپان جاۋىپ, ىزگى تىلەگىنە العىس ايتتى.

WhatsApp Image 2019-07-01 at 11.09.28.jpeg

بىز اتقا قونعاندا كۇن تۇسكە تاياپ قالعان ەدى. سىدىرتا اياڭمەن بۇگىندىككە 45 شاقىرىم جولدى باسىپ وتۋگە بەل بۋدىق.

كوشباسشى – بەرىك اقىلبەكوۆ;

جولباسشى – ەرجان جاۋباي;

ەكسپەديتسييا قوناعى – دۋگلاس لارسون (اقش, چيكاگو);

ەڭ جاس مۇشە – الار اقىلبەكوۆ.

ەكسپەديتسييا مۇشەلەرى – سەرىك ەسجانوۆ بالۋان, جاسۇلان ابەلدينوۆ انشى, تاريحشى, دميتريي رۋگيس فوتوگراف, ەرلان قۇسايىنوۆ ۆيدەووپەراتور, رايد حەينوياد اتشى (16 جاستا) جانە ەرجان كاكىمباەۆ اتبەگى.

WhatsApp Image 2019-07-01 at 11.09.30.jpeg

سونىمەن, «كيەلى قازاقستان» ەكسپەديتسيياسىنىڭ اتتى تۋرىندا اتقا مىنگەن 10 جىگىت ات ماڭدايىن شىعىسقا باعىتتاپ, ۇزەڭگىگە اياق ارتتى.

كۇن ىستىق, دەگەنمەن تىڭ ات ۇشىن 45 شاقىرىم دەگەن «اي» دەيتىن جەر عوي. كەڭالقاپقا جەتەم دەگەنشە اجەپتاۋىر ابىرجيتىن تۇرىمىز بار. «ەر ازىعى مەن بورى ازىعى جولدا» دەگەندەي, بىزدى دە قۇداي تەگىن جاراتپاعان ەكەن. تۇنەمەلگە 20 شاقىرىمداي قالعاندا الدىمىزدان جىلقىشىنىڭ قارا قوسى كەزدەستى. العاشقى كۇن بولعان سوڭ با, شارشاڭقىرىپ كەلە جاتقان كەيبىرىمىز, اكەمىزدىڭ ۇيىن كورگەندەي بولدىق.

WhatsApp Image 2019-07-01 at 11.09.31.jpeg

وسى قوستان سۋ ىشىپ, بىر-بىر جارماق مالتانى ۇرتىمىزعا باستىق تا, جول باعىتىن تۇزەپ الىپ, جىلجىپ كەتتىك.

WhatsApp Image 2019-07-01 at 11.09.32.jpeg

كەشكى ساعات 18-دە ايعىرجال وزەنىنىڭ بىر سۇعىمىنداعى قونالقاعا دا جەتتىك. بىزدەن بۇرىن كەلگەن اۆتوەكسپەديتسييا مۇشەلەرى شاتىر تىگىپ, اس دايىنداپ قويىپتى. تۇسكى اس پەن كەشكى استى بىرگە ىشتىك.

WhatsApp Image 2019-07-01 at 11.09.33 (1).jpeg

اتتاردى جايعاستىرىپ, دالا قوسىندا جاسۇلاننىڭ انىن تىڭداپ, كوڭىل سەرگىتىپ, ەرتەڭگى ساپاردىڭ قالاي بولارىن اقىلداستىق.

WhatsApp Image 2019-07-01 at 11.09.33.jpeg

21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە وقىرماندارىمنان كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

ەستەرىڭىزدە بولسا, بۇعان دەيىن پورتال باسشىسى ەرجان جاۋبايدىڭ ەلوردادان جاسىبايعا دەيىنگى 500 شاقىرىمدىق اتتى تۋرعا قاتىساتىنى تۋرالى حابارلاعان بولاتىنبىز.

ەرجان جاۋباي, argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>