اتتى تۋر. ەكىنشى كۇن. جاۋشوقىنىڭ بوكتەرىندە

Attatur1

22 ماۋسىم. اتتى تۋردىڭ ەكىنشى كۇنى. ايعىرجال وزەنىنىڭ سۇعىمىنان باستالدى.

دالا قوسىنداعى ۇيقى تەز قانادى. كەشە كەش جاتساق تا, بارلىعىمىز ەرتە ويانىپپىز. ساعات تاڭعى 7-دە اس ىشىپ, اتتاردى ەرتتەپ, جولعا دايىن تۇردىق.

IMG_1843.jpg

بۇگىنگى ساپاردا بىزگە «Kazakh Tourism» ۇك» اق بولىم ديرەكتورى ورىنباسار شايمۋحانبەتوۆ قوسىلدى. سونىمەن 11 ادام ات باسىن وڭتۇستىك-شىعىسقا باعىتتادىق.

IMG_1844.jpg

ايتپاقشا, بىز 10 ادام اتقا مىنگەندە, 2 قوسار ات الىپ جۇرگەنبىز. بەرىك اقىلبەكوۆتىڭ مىنگەنى «بۋرىل» ەسىمدى جورعا ايعىر.

IMG_1853.jpg

ەڭ جاس قاتىسۋشىمىز – الار اقىلبەكوۆ «الاش» ەسىمدى الا اتقا مىنىپ, قۇنانشۇباردى جەتەككە الدى.

IMG_1847.jpg

ال دميتريي رۋگيس وزى «Nikon» اتاپ العان كۇرەڭگە مىنسە, دۋگلاس «دەمي» ەسىمدى بەدەۋگە مىنگەن.

IMG_1851.jpg

اركىم وزى مىنگەن اتىنا ەسىم قويىپ الۋ بىزدىڭ قۇرامدا قالىپتى جاعداي. سەرىك بالۋان – شالقاسقاعا, جاسۇلان انشى – قوڭىرىنا, ەرجان اتبەگى – پرينتسكە, اتشى بالا رايد – قاراتقا, ال وپەراتور ەرلان – بەسقاسقاعا اياق ارتتى. بىزدىڭ مىنگەنىمىز – سۇلۋسارى جورعا. قۇنانشۇبار مەن اقجال سارىنى جەتەككە العانبىز. ورىنباسار شايمۋحانبەتوۆ سول اقجال سارىعا مىندى.

G0012156.jpg

بارلىعىمىز اتقا قونىپ, ايعىرجال وزەنىن جاعالادىق. وتكەل تابۋ قيىن. وزەننىڭ ەكى جاعاسى قوپا-قامىس, باتپاقتى سور.

ulusary

بولماعان سوڭ كەشە كەشكە ات سۋارعان جايلاقتاۋ جەرىنەن سۇلۋسارىنى سالىپ كوردىك. ارعى جاعاعا جەتكەندە تاڭبالىقتان باتپاققا باتىپ قالدىق. جاعادا تۇرعان ساپارلاستار كەرى قايت دەپ ايعايلادى, وزەننەن وتە المادىق.

WhatsApp Image 2019-07-01 at 14.52.10.jpeg

اقىرى وزەندى جاعالاپ شىعىسقا قاراي, وزەن اعىسىنا قارسى جۇرىپ كەتتىك. بىز تۇنەگەن ورىننان 10-12 شاقىرىمنان كەيىن وزەن وتكەلىنە كەز بولدىق.

ساعات تىلى كۇندىزگى 14-تى كورسەتكەندە ايعىرجال وزەنىنىڭ جاعاسىندا تۇسكى اس ىشۋگە ات باسىن ىرىكتىك. ايعىرجال دەپ اتى ايعايلاپ تۇرسا دا, بۇل تۇستا وزەن موماقان عانا بۇلاققا اينالادى ەكەن.

ايتپاقشى, وسى جەرگە جەتكەنشە دۋگلاس اجەپتاۋىر شارشاپ قالدى. اعىلشىن تىلىنەن باسقا تىلدە سويلەمەيتىن قوناعىمىز ۇشىن دەميدىڭ جۇرىسى تىنىشسىز بولعان تۇرى بار. دەسە دە كەشكى قونالقىعا – جاۋشوقى تابيعي قورىقتاعى ەتنواۋىلعا جەتۋىنە تۋرا كەلدى. ول ۇشىن دۋگلاس پەن دەمي الى دە 27 شاقىرىم جولدى ارتقا تاستاۋ كەرەك.

WhatsApp Image 2019-07-01 at 14.52.12.jpeg

ايعىرجالدىڭ جاعاسىنداعى تۇسكى اس وتە جاقسى بولدى. اتتاردى دا سۋارىپ, جايىلتىپ, بىر سەرگىپ قالدىق.

WhatsApp Image 2019-07-01 at 14.52.14.jpeg

«وتكەن جىلى كۇنىنە 90-100 شاقىرىمنان جۇرگەن ەدىك. بيىلعى جۇرىسىمىز اسا اۋىر ەمەس. ات امان بولسا 45-50 شاقىرىم جول دەگەن نە تايىرى. دەمالىپ وتىرىپ بارامىز. بيىل اۆتوەكسپەديتسييا دا بىرگە جۇرىپ, كەشكى استىڭ, تۇسكى استىڭ ماسەلەسى دە وڭىنان شەشىلدى عوي. بۇرىنعى جىلدارى وز تاماعىمىزدى وزىمىز ارتىپ جۇرگەن ەدىك. بيىل سانىمىز دا كوبەيىپ قالدى. وتكەن جىلى ماجارستاننان كەلگەن مادييارلار بىرگە جۇرىپ ەدى, بيىل اقش-تان كەلگەن دۋگلاس ۇزەڭگىلەس بولىپ كەلەدى» – دەيدى 2006 جىلى قازاق كۇرەسىنەن ەل چەمپيونى اتانعان سەرىك ەسجانوۆ.

WhatsApp Image 2019-07-01 at 14.52.13 (1).jpeg

جاۋشوقىداعى ەتنواۋىلعا جەتكەنشە دميتريي رۋگيستىڭ ورنىنا اۆتوەكسپەديتسيياداعى تۋروپەراتور ابدى مۇراتوۆ بىزبەن بىرگە جۇردى.

پاۆلودار وڭىرىنىڭ ەڭ كورىكتى مەكەندەرىنىڭ بىرى – جاۋشوقى القابى سۋلى-نۋلى وڭىر. بىز ات باسىن تىرەگەندە سەنبى-جەكسەنبى كۇنگى دەمالىستى پايدالانىپ, وسىندا كەلىپ دەمالىپ جاتقان جۇرتتىڭ قاراسى مول ەكەن.

WhatsApp Image 2019-07-01 at 14.52.13.jpeg

كەشەگىدەي شاتىر تىگىپ, كەشكى استىڭ قامىن جاساپ اۋىرە بولعان جوقپىز. ناعىز «سالۋلى توسەك, سالقىن ۇيگە» تاپ بولدىق.

الدا وسى ساپاردىڭ ەڭ ۇزاق باعدارى – 60 شاقىرىمعا سوزىلاتىن جاۋشوقى-العاباس اراسى كۇتىپ تۇر ەدى بىزدى.

قۇرمەتتى وقىرمان, 21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

العاشقى كۇننىڭ قورىتىندىسىن مىنا جەردەن وقىڭىزدار.

ەرجان جاۋباي, argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>