اتتى تۋر. ۇشىنشى كۇن. ەدىگە بي ات سۋارعان وزەن

Attatur2

23 ماۋسىم, جەكسەنبى. بىزدىڭ ساپاردىڭ ۇشىنشى كۇنى باستالدى. تاۋدىڭ تاڭعى اۋاسى جانىمىزدى سەرگىتىپ, كەشەگىدەن دە ەرتە وياندىق.

«بۇل جەر تەگىننەن تەگىن جاۋشوقى اتالماعان. بابالارىمىزدىڭ تۇلپارىنىڭ تۇياعى ۇلان دالانى دۇبىرلەتىپ تۇرعان سول بىر زاماندا بۇل جەر القاپقا قاراۋلى قارايتىن, قاراۋىلشوقى بولعان ەكەن. سودان بولار, قانداي زاتقا, جەر-سۋعا اتاۋ قويۋدا قاتەلەسپەگەن بابالارىمىز بۇل جەردى جاۋشوقى» اتاپ كەتكەن ەكەن» – دەيدى قاراعايلى ۇلتتىق تابيعي پاركىنىڭ ماماندارى.

IMG_1875.jpg

بۇگىن دميترييدىڭ ورنىنا National Geographic Qazaqstan جۋرنالىنىڭ جۋرناليسى داۋرەن سادۋاقاسوۆ بىزدىڭ قاتارىمىزعا قوسىلدى. ال جاۋشوقىدان العاباسقا دەيىن بىزدى ەلتاي ەسىمدى ورمانشى باستاپ جۇردى.

IMG_1868.jpg

جاۋشوقى, ورتاشوقى, ەدىگە, ەلتاي قاتارلى وڭىرلەردىڭ القابىن باسىپ وتەتىن ساپار سىلەتى وزەنىن ورلەي جۇرەدى.

اقمولا, قاراعاندى, پاۆلودار سەكىلدى ۇش وبلىستىڭ تۇيىسكەن تۇسىندا ورنالاسقان وسى بىر تاۋ اڭعارىن بابالارىمىز بەكەر بۇيراتاۋ اتاماسا كەرەك. الىستان قاراساڭىز يەن جەزىقتا بۇيرالانىپ جاتقان تاۋ سىلەمىن بىر كورگەننەن-اق وزىڭىز دە بۇيراتاۋ دەيتىنىڭىز كامىل.

IMG_1864.jpg

ەدىگەنىڭ جازىعىندا بىز نۇر-سۇلتان-ەرەيمەنتاۋ اۆتوگرەيدەرىن كەسىپ وتىپ, ەدىگە وزەنىنەن ات سۋاردىق.

WhatsApp Image 2019-07-01 at 17.02.55 (1).jpeg

كەزىندە «ەدىگە اۋىلى» اتانىپ, بەرتىن ايگىلى ەلتاي ەرنازاروۆتىڭ قۇرمەتىنە «ەلتاي اۋىلى» اتانعان بۇل اۋىلدىڭ شەتىندە ەدىگە بيدىڭ كەسەنەسى تۇر.

IMG_1872.jpg

ەدىگە بيگە قۇران باعىشتاپ, وسى جەردە تۇسكى اس ىشتىك. ەدىگە-ەلتاي اۋىلىنىڭ تۇرعىنى, زەينەتكەر ماناپ ادىرەشوۆ بىزگە ەدىگە بي تۋرالى ايتىپ بەردى.

WhatsApp Image 2019-07-01 at 17.02.54 (1).jpeg

«ەدىگە 17-18-عاسىرلارداعى دالا اقىلگويى بولعان ادام. 14 جاسىندا بيلىككە ارالاسىپ, ەردىڭ قۇنىن ەكى اۋىز سوزبەن شەشكەن بي بولعان ەكەن. بۇل كىسى تۋرالى تولىقتاي زەرتتەگەن ادام – ماشھۇر-جۇسىپ كوپەەۆ. سول كىسىنىڭ جازۋىنا قاراعاندا ەدىگە جاي عانا بي ەمەس, جاي عانا اقىلگوي ەمەس, كورىپكەل, اۋليە بولعان. قازاقتا «تەكتىنىڭ ۇرپاعى ەكەن» دەگەن سوز بار. بۇگىنگە دەيىن ۇلتىمىز تالاي تەكتىسىنەن, تەكتىسىنىڭ ۇرپاعىنان ايىرىلىپ قالدى. ال بۇل كىسىنىڭ ۇرپاعى ۇزىلگەن جوق. اتاقتى شاكەن ايمانوۆ, ولجاس سۇلەيمەنوۆ, ت.ب. ايگىلى ادامدار وسى ەدىگەنىڭ ۇرپاقتارى. تاعى بىر ايتا كەتەرلىگى, ايگىلى از-تاۋكەنىڭ «جەتى جارعىسىن» ازىرلەۋگە اتسالىسقان 90 بيدىڭ بىرى وسى ەدىگە تولەبايۇلى» – دەيدى ۇزدىك ولكەتانۋشى ماناپ ادىرەشوۆ.

IMG_1899.jpg

ەلتايدان شىعىپ, بۇيراتاۋدىڭ بىر سىلەمى قاراعايلى سايدى ورلەپ, بۇيراتاۋدىڭ ساعاسىنداعى العاباس اۋىلىنا ات باسىن تىرەدىك. ورمان شارۋاشىلىعىنىڭ اياداي بولمەسىندە انىمەن دە سانىمەن دە, شايىمەن دە, ەتىمەن دە قارسى العان اۋىل تۇرعىندارى بىزدى الىستان ات ارىتىپ اعايىنى كەلگەندەي كۇتتى.

IMG_1881.jpg

نەگىزگى مەجە – بۇيراتاۋ تابيعي قورىعى بولعاندىقتان, العاباستان دا اتتاندىق. ەندى اللا جول بەرسە, قونالقاعا دەيىن 20-25 شاقىرىم عانا جەر بار. سۇلۋسارىنىڭ سىلقىم اياڭىمەن سىدىرتا جۇرىپ قاراعايلى سايدى دا قايقايدىق.

IMG_1896.jpg

جول كورسەتىپ كەلە جاتقان ەلتاي ساي ورتاسىنداعى ورمانعا كەلىپ تىرەلى, جولدى اينالىپ وتۋ كەرەك دەدى. بەرىك اقىلبەكوۆ اعامىز اينالىپ وتۋدىڭ الىس ەكەنىن ايتتى. امالسىز, جەتەگىمىزدەگى اقجال سارىنى قىسقارتا ۇستاپ, اعاش-اعاشتىڭ اراسىمەن سۇلۋسارىعا قامشى باستىق. اللا ابىروي بەرگەندە, قاراعايلى ورماننىڭ كەلەسى شەتىنە امان-ساۋ شىقتىق, بىزدىڭ جولىمىزبەن باسقالار دا وتتى.

وسى جەردە, بۇرىن اسا بيىك تاۋعا شىعىپ كورمەگەن جاسۇلان انشى ازداپ الاڭدادى. بۇل جاعدايدى جازىقتا وسكەن, العاش رەت تاۋعا شىققان ادامدار تۇسىنەدى.

IMG_1909.jpg

سونىمەن, بۇيراتاۋدىڭ ساعاسىنداعى, بۇعان دەيىن كەزدەسكەن وزەندەردىڭ ىشىندەگى ەڭ جىڭىشكەسى, ارى ەڭ تەرەڭىنە جولىقتىق. وسى جەردە ايتا كەتەيىك, وزەننىڭ اتاۋىن ەشقايسىمىز بىلمەيدى ەكەنبىز. بىسسىمىلدا دەپ ات سالدىق. ات باۋىرىنان كەلەر جىڭىشكە ايرىقتىڭ ەكى جاعى جارلاۋىت, باتپاقتى ەكەن. بۇعان دەيىن دە جىرا-جىقپىل كورسە تارتىنىپ, جەتەلەمەسە وتپەي كەلگەن جاسۇلاننىڭ قوڭىرى بۇل جولى دا قىرسىقتى.

IMG_1912.jpg

سەرىك بالۋان شالقاسقامەن تاقىمعا سالىپ, جەتەلەمەك بولعاندا, قوڭىر سۋ ىشىندە جىعىلدى. ارينە, دەنە جاراقاتىن العان ەشكىم جوق, دەگەنمەن, كۇن كەشكىرىپ, ارى جاڭبىردىڭ بۇلتى تورلاعان كەز ەدى, جاسۇلان ازداپ سۋىقتاپ قالدى.

بىز دە بۇيراتاۋدىڭ بوكتەرىندەگى قونالقاعا جەتىپ, ات ەرىن الىپ, اسقا وتىردىق, جاڭبىر دا جاۋىپ كەتتى. سول جاۋعاننان تاڭ اتقانشا سىركىرەگەن جاڭبىر جەردىڭ لايساڭىن شىعاردى.

WhatsApp Image 2019-07-02 at 10.32.20.jpeg

ەرتەڭگى ساپار بۇيراتاۋ – قىزىلتاس – الكەي مارعۇلان اۋىلى بولىپ, 45 شاقىرىمعا سوزىلادى. بۇگىن وسى ەكسپەديتسيياداعى ەڭ ۇزاق 60 شاقىرىمعا سوزىلعان جولدى ارتقا تاستادىق. راسىمەن, جەر دە, جول دا, ۋاقىت تا ۇزاپ كەتكەن سەكىلدى…

قۇرمەتتى وقىرمان, 21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

العاشقى كۇننىڭ قورىتىندىسى مەن ەكىنشى كۇننىڭ قىزىقتارىن وسى جەردەن وقىڭىزدار.

ەرجان جاۋباي

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>