اتتى تۋر. بەسىنشى كۇن. قارابۇلاقتاعى كەش

Atty tur1

25 ماۋسىم, سەيسەنبى. الكەي مارعۇلان اۋىلىنىڭ مەكتەبىندەگى تاڭعى استان سوڭ بۇگىنگى 50 شاقىرىم – الكەي مارعۇلان-قارابۇلاق جولىنا اتتاندىق.

اتتانار الدىندا اۋىل اكىمى ارنايى كەلىپ شىعارىپ سالدى.

WhatsApp Image 2019-07-02 at 11.49.25.jpeg

بىزدىڭ قاتارىمىز تىڭ جىگىتتەرمەن تولىقتى. دميتريي رۋگيس پەن ابدى مۇراتوۆ جانە ەرلان قۇسايىنوۆ تا بۇگىنگى ساپاردى بىزبەن بىرگە وتكىزبەكشى.

كۇننىڭ ىستىعى تاڭعى ۋاقىتتا دا ايتارلىقتاي بىلىنىپ تۇر. جول دا اۋىر بولاتىن تۇرى بار.

الكەي مارعۇلان اۋىلىنان اتتانعان سوڭ, بىردەن وڭتۇستىككە قاراي بەت الدىق. اۋىل ادامدارى اتتاناردى «ەرتىس-نۇرا ارناسىن باعىتتاپ جۇرەسىزدەر» دەگەن-دى. الايدا بىز بىردەن قارابۇلاق قىستاعىنا تىكە تارتتىق.

كۇندە قوسارداعى ەكى اتتىڭ بىرىن بىز جەتەككە الاتىنبىز. بۇگىن جەتەك الماي, سالت جۇردىك. سودان دا بولار, سۇلۋسارىعا تىنىم بولمادى. ارى تاۋلى ولكەدە بىردە ورگە شىعىپ, بىردە ەڭىسكە تۇسىپ, سۋسىلداپ توقتامادىق.

IMG_1980.jpg

سۇلۋسارىنىڭ ارعى تۇبى قاتونقاراعاي جاقتىڭ جىلقىسى ەكەن. ور-ەڭىسكە, وي-شۇڭقىرعا اياعىن ىلمەي ەركىن جۇرەتىن بۇل جانۋار بىزدىڭ جان سەرىگىمىزگە اينالدى.

WhatsApp Image 2019-07-03 at 08.50.40.jpeg

كۇن تاۋدان ارقان بويى كوتەرىلگەندە-اق بۇگىنگى كۇننىڭ بيدايداي قۋىراتىنىن تۇسىندىك. جول بويى وزەن جوق, تۇزدى, سورتاڭ, اششى كولدەر بار.

تۇسكى استى تاۋ ىشىندەگى وسىنداي كولدەردىڭ بىرىنىڭ جاعاسىندا ىشتىك.

WhatsApp Image 2019-07-03 at 09.30.43.jpeg

دۋگلاس لارسون بۇگىنگى ساپاردىڭ اۋىر بولاتىنىن سەزگەندەي استان كەيىن ارى-بەرى جاياۋ جۇردى. ات ۇستىندە ۇيىپ قالعان دەنەسىن سەرگىتكىسى كەلسە كەرەك. بۋگلاس اتتا سال ەڭكەيىپ وتىرادى. وعان يىعىڭدى تىكتەپ, بۇكىرەيمەي وتىر دەپ تۇسىندىرگەمىز. دەگەنمەن قالىپتاسىپ قالعان دەنە وز دەگەنىن ىستەيدى.

WhatsApp Image 2019-07-03 at 09.30.44 (1).jpeg

جالپى ات ۇستىندە تىك, ەركىن, جيناقى, سەرگەك وتىرعان جاقسى. سول كەزدە ۇزاق جولدا شارشاۋ بولمايدى. ايتپەگەندە بۇكىرەيىپ وتىرساڭىز اۋەلى ەكى بۇيىرىڭىز اشيدى, ودان كەيىن ەكى جاۋىرىنىڭىز قۇرىسادى, سوسىن ەكى يىعىڭىز سالبىراپ, قولدارىڭىزدى كوتەرە الماي قالاسىز. تىپتى مويىنىڭىز دا قۇنىسىپ قالۋى مۇمكىن.

شالعىندى كولدىڭ جاعاسىنداعى تۇسكى استان كەيىن اتقا قوندىق. باعىت سول – قاراپبۇلاق قىستاعى.

IMG_2049.jpg

تاۋسىلىپ بولماس تاۋ اراسىنان شىعىپ, قۋاڭ دالانى قۋالاي جورتتىق. كوشباسشىمىز بەرىك اقىلبەكوۆ بۇل وڭىردە بۇعان دەيىن دە سان رەت بولعان ەكەن. بىز مەجەلەگەن قارابۇلاقتىڭ الى بىراز جەر ەكەنىن ايتتى.

«العاش جۇرگەن كەزدە كۇن كەشكىرىپ كەتتى. قارابۇلاققا جەتەمىز دەپ مەجەلەگەنىمىزبەن – جەتكىزبەيدى. بىر كەزدە الدىمىزدان بىر ماشينا كەلدى. كابينادا قازىر بىز بارا جاتقان قىستاقتا تۇراتىن داۋىت اۋلاباەۆ وتىر. ول كەزدە بىز تانىس ەمەس ەدىك. سول جولى تانىستىق. سودان بەرى جاقسى ارالاسىپ كەتتىك. بۇگىن دە داۋكەڭ الدىمىزدان شىعاتىن شىعار» – دەدى بەرىك اعامىز.

ايتقانىنداي, الدىمىزدا اق نيۆا كورىندى. ەل كوشىپ كەلگەندەي مارە-سارە بولدىق. ەندى شە, كۇنىبويعى ىستىق, قانجىعاداعى سۋدىڭ بارلىعى تاۋسىلعان, سارى دالادا مايعا تۇسكەن سارى بيدايداي قۋىرىلىپ كەلە جاتقاندا, الدىڭنان شىعىپ, ەكى تورسىق سۋ بەرگەن ادام اكەڭدەي كورىنەرى سوزسىز.

قارابۇلاققا جەتتىك. «قارابۇلاق» دەگەن اتى بولعانى بولماسا, سىلدىراپ جاتقان بۇلاعى جوق, قولدان قازعان باستاۋى بار, شاعىن عانا قىستاق ەكەن.

قىستاق شاعىن بولسا دا, قارسى العان ۇي يەسىنىڭ پەيىلى كەڭ. سەگىز قانات اقبوز ۇيدى تىگىپ, قىمىزىن ساپىرىپ, ەتىن بىلقىتىپ قويىپ كۇتىپ وتىر.

IMG_1985.jpg

كەشكى اس الدىندا بوي سەرگىتىپ دالاعا شىققانبىز. كەشكى الاۋىن بارىنشا توگىپ باتقان كۇننىڭ شۇعىلاسى ايقارا اسپاندى ەكى تۇرلى ەتىپ تاستاپتى. عاجاپ كورىنىس.

IMG_1997.jpg

كەشكى ساۋىن, مال قورالاۋ, كادىمگى جازعى اۋىلدا بولاتىن كۇندەلىكتى تىرلىك مۇندا دا قايناپ جاتىر.

قارلىعاش جەڭگەمىزدىڭ قولىنان كەشكى اس ىشىپ, جاسۇلاننىڭ انىن تىڭداپ بىز دە بىر سەرپىلىپ قالدىق.

ەرتەڭ قارابۇلاق-قاراشي اراسىنىڭ 45 شاقىرىمىن جۇرىپ وتۋىمىز كەرەك.

قۇرمەتتى وقىرمان, 21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

العاشقى كۇننىڭ قورىتىندىسى مەن ەكىنشى كۇننىڭ قىزىقتارىن جانە ۇشىنشى كۇن مەن تورتىنشى كۇننىڭ جولجازباسىن وسى جەردەن وقىڭىزدار.

ەرجان جاۋباي, argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>