Attı twr. Besinşi kün. Qarabulaqtağı keş

Atty tur1

25 mawsım, seysenbi. Älkey Marğulan awılınıñ mektebindegi tañğı astan soñ bügingi 50 şaqırım – Älkey Marğulan-Qarabulaq jolına attandıq.

Attanar aldında awıl äkimi arnayı kelip şığarıp saldı.

WhatsApp Image 2019-07-02 at 11.49.25.jpeg

Bizdiñ qatarımız tıñ jigittermen tolıqtı. Dmïtrïy Rwgïs pen Äbdi Muratov jäne Erlan Qusayınov ta bügingi sapardı bizben birge ötkizbekşi.

Künniñ ıstığı tañğı waqıtta da aytarlıqtay bilinip tur. Jol da awır bolatın türi bar.

Älkey Marğulan awılınan attanğan soñ, birden oñtüstikke qaray bet aldıq. Awıl adamdarı attanardı «Ertis-Nura arnasın bağıttap jüresizder» degen-di. Alayda biz birden Qarabulaq qıstağına tike tarttıq.

Künde qosardağı eki attıñ birin biz jetekke alatınbız. Bügin jetek almay, salt jürdik. Sodan da bolar, Sulwsarığa tınım bolmadı. Äri tawlı ölkede birde örge şığıp, birde eñiske tüsip, swsıldap toqtamadıq.

IMG_1980.jpg

Sulwsarınıñ arğı tübi Qatonqarağay jaqtıñ jılqısı eken. Ör-eñiske, oy-şuñqırğa ayağın ilmey erkin jüretin bul janwar bizdiñ jan serigimizge aynaldı.

WhatsApp Image 2019-07-03 at 08.50.40.jpeg

Kün tawdan arqan boyı köterilgende-aq bügingi künniñ bïdayday qwıratının tüsindik. Jol boyı özen joq, tuzdı, sortañ, aşçı kölder bar.

Tüski astı taw işindegi osınday kölderdiñ biriniñ jağasında iştik.

WhatsApp Image 2019-07-03 at 09.30.43.jpeg

Dwglas Larson bügingi sapardıñ awır bolatının sezgendey astan keyin arı-beri jayaw jürdi. At üstinde uyıp qalğan denesin sergitkisi kelse kerek. Bwglas atta säl eñkeyip otıradı. Oğan ïığıñdı tiktep, bükireymey otır dep tüsindirgemiz. Degenmen qalıptasıp qalğan dene öz degenin isteydi.

WhatsApp Image 2019-07-03 at 09.30.44 (1).jpeg

Jalpı at üstinde tik, erkin, jïnaqı, sergek otırğan jaqsı. Sol kezde uzaq jolda şarşaw bolmaydı. Äytpegende bükireyip otırsañız äweli eki büyiriñiz aşïdı, odan keyin eki jawırınıñız qurısadı, sosın eki ïığıñız salbırap, qoldarıñızdı kötere almay qalasız. Tipti moyınıñız da qunısıp qalwı mümkin.

Şalğındı köldiñ jağasındağı tüski astan keyin atqa qondıq. Bağıt sol – Qarapbulaq qıstağı.

IMG_2049.jpg

Tawsılıp bolmas taw arasınan şığıp, qwañ dalanı qwalay jorttıq. Köşbasşımız Berik Aqılbekov bul öñirde buğan deyin de san ret bolğan eken. Biz mejelegen Qarabulaqtıñ äli biraz jer ekenin ayttı.

«Alğaş jürgen kezde kün keşkirip ketti. Qarabulaqqa jetemiz dep mejelegenimizben – jetkizbeydi. Bir kezde aldımızdan bir maşïna keldi. Kabïnada qazir biz bara jatqan qıstaqta turatın Däwit Awlabaev otır. Ol kezde biz tanıs emes edik. Sol jolı tanıstıq. Sodan beri jaqsı aralasıp kettik. Bügin de Däwkeñ aldımızdan şığatın şığar» – dedi Berik ağamız.

Aytqanınday, aldımızda aq NÏVA körindi. El köşip kelgendey märe-säre boldıq. Endi şe, küniboyğı ıstıq, qanjığadağı swdıñ barlığı tawsılğan, sarı dalada mayğa tüsken sarı bïdayday qwırılıp kele jatqanda, aldıñnan şığıp, eki torsıq sw bergen adam äkeñdey körineri sözsiz.

Qarabulaqqa jettik. «Qarabulaq» degen atı bolğanı bolmasa, sıldırap jatqan bulağı joq, qoldan qazğan bastawı bar, şağın ğana qıstaq eken.

Qıstaq şağın bolsa da, qarsı alğan üy ïesiniñ peyili keñ. Segiz qanat aqboz üydi tigip, qımızın sapırıp, etin bılqıtıp qoyıp kütip otır.

IMG_1985.jpg

Keşki as aldında boy sergitip dalağa şıqqanbız. Keşki alawın barınşa tögip batqan künniñ şuğılası ayqara aspandı eki türli etip tastaptı. Ğajap körinis.

IMG_1997.jpg

Keşki sawın, mal qoralaw, kädimgi jazğı awılda bolatın kündelikti tirlik munda da qaynap jatır.

Qarlığaş jeñgemizdiñ qolınan keşki as işip, Jasulannıñ änin tıñdap biz de bir serpilip qaldıq.

Erteñ Qarabulaq-Qaraşï arasınıñ 45 şaqırımın jürip ötwimiz kerek.

Qurmetti oqırman, 21-29 mawsım aralığında ötken “Kïeli Qazaqstan” ékspedïcïyasınıñ kündelik-barısın atpen jürgen waqıtta ïnternet jelisiniñ jäne baylanıstıñ naşarlığına baylanıstı Nur-Sultan qalasına jetip alğan soñ berip jatqanım üşin jwrnalïst retinde keşirim suraymın. Degenmen, sapar barısın tolıqtay oqïtın bolasızdar (avtor).

Alğaşqı künniñ qorıtındısı men ekinşi künniñ qızıqtarın jäne üşinşi kün men törtinşi künniñ joljazbasın osı jerden oqıñızdar.

Erjan JAWBAY, argymaq.kz

Dobavït’ kommentarïy

Vaş e-mail ne bwdet opwblïkovan. Obyazatel’nıe polya pomeçenı *

Please Do the Math      
 

Mojno ïspol’zovat’ sledwyuşçïe HTML-tegï ï atrïbwtı: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>