اتتى تۋر. التىنشى كۇن. تەڭدىكتىڭ تەكتى جۇرتى

Atty tur2

26 ماۋسىم, سارسەنبى. سارسەنبىنىڭ ساتىنە قارابۇلاقتان اتتاندىق. داۋىت اعامىز بەن قارلىعاش جەڭگەمىزدىڭ اقجارما پەيىلى مەن اق داستارقانىنا العىسىمىزدى ايتىپ, تەڭدىك-قاراشي باعىتىنا جولعا شىقتىق.

بۇل ارقاداعى اسەم تابيعاتىمەن تالايدى تامساندىرعان باياناۋىل اۋدانىنىڭ اۋماعىندا ورنالاسقان. نەگىزى تاۋلى, نۋلى القاپ. باياناۋىل تاۋلارى باتىستان شىعىسقا قاراي 40-50 شاقىرىم, سولتۇستىكتەن وڭتۇستىككە قاراي 20-25 شاقىرىم. جاسىباي, سابىندىكول جانە تورايعىر كولدەرىمەن شەكتەسىپ جاتىر.

IMG_2135.jpg

ايتپاقشى, بۇل كيەلى مەكەن جايلى ايگىلى اسان قايعى: «ات ەرىن المايتىن جەر ەكەن. بىر تۇنەي كەتەمىن دەگەن ادام, بىر جۇما اينالار» دەپتى دەيتىن اڭىز دا بار.

اسان بابا ايتسا ايتقانداي, شۇرايلى مەكەن, شىرايلى دالا. قاراشي وڭىرى قارابۇلاقتان نەبارى 45 شاقىرىم عانا جەردە. تىپتى اتپەن تىكە تارتقاندا 40 شاقىرمعا جەتەر-جەتپەس جەر.

بۇگىن بىزدىڭ قاتارىمىزعا «كيەلى قازاقستان» ەكسپەديتسيياسىنىڭ مۇشەسى رۋسلان تولباەۆ پەن الماتىلىق بلوگەر ۇلان الىمبەك قوسىلدى. ەكەۋى دە العاش رەت اتقا مىنىپ وتىر. 45 شاقىرىم جول وڭاي بولماسى انىق, دەگەنمەن جىگىتتەر شىدايتىندارىن ايتتى.

سول كوسىلە جاتىپ, كوز سۇرىندىرەر بۇدىرى جوق ارقانىڭ كەربەز دالاسىندا ات سۋارار سۋات تابۋ قيىن.

IMG_2033.jpg

الايدا تەڭدىك اۋىلىنا 10 شاقىرىم قالعاندا جول بويىندا تاعى بىر قوپالى كولگە تاپ بولدىق. شالعىنىن جاپىرا, سۋىن ساپىرا جۇزگەن بىر ۇيىر جىلقى جۇزگەن كولگە بىز دە ات سۋارۋعا توقتادىق.

WhatsApp Image 2019-07-03 at 15.15.07.jpeg

تەڭدىك اۋىلىنا بەس شاقىرىمداي قالعاندا الدىمىزدان باياناۋىل اۋدانىنىڭ اكىمى ورازكەلدى قايىركەلديەۆ قارسى الدى. اۋدان اۋماعىنا كەلگەن ساپارىمىزعا ساتتىلىك تىلەپ, اۋىلعا قوناق بولۋىمىزدى وتىنگەن اكىم تەڭدىك اۋىلىنا دەيىنگى جولدى بىزبەن بىرگە اتپەن جۇردى.

IMG_2051.jpg

اۋىلعا كىرە بەرىستە جابۋلاعان جۇيرىگىنە مىنىپ, نەمەرەسىن الدىنا العان اۋىل قاريياسى كۇتىپ الدى.

IMG_2071.jpg

ال اۋىل ىشىنە كىرگەنىمىزدە اق وردانى تىگىپ تاستاپ, اق داستارحانىن جايىپ تاستاپ, انى مەن كۇيىن كۇمبىرلەتىپ, اق شاشۋىن شاشقان اق اجەلەردىڭ ورتاسىنان بىراق شىقتىق.

IMG_2096.jpg

تەڭدىك اۋىلى اۋىز-ەكى تىلدە «تەڭدىك» اتالىپ كەتكەنى بولماسا, رەسمي اتاۋى – مۇسا شورمانوۆ اۋىلى. ايگىلى شورماننىڭ مۇستافاسى وسى اۋىلدىڭ اۋماعىندا دۇنيەگە كەلگەن. بەيىتى دە وسىندا.

IMG_2077.jpg

جولسوقتى بولىپ شالدىعىپ كەلگەن ەكسپەديتسييا مۇشەلەرى شاي ىشىپ, جايلانعان سوڭ, اۋىلدىق مادەنيەت ۇيىندە ورنالاسقان مۇسا شورمانوۆ اتىنداعى مۋزەيدى ارالادىق.

IMG_2104.jpg

ودان كەيىن اۋىل شەتىندەگى شورمانوۆتار اۋلەتىنىڭ بەيىتىنە بارىپ قۇران باعىشتاپ قايتتىق.

وسىلاي اۋىلداعى مادەني وشاقتاردى ارالاپ, بەيىت باسىنا بارىپ جۇرگەندە كۇن اۋىپ كەتىپ, جوسپارداعى قاراشي اۋىلىنا جۇرۋ ەرتەڭگە قالدى. تەڭدىكتىڭ دامى جىبەرمەدى بىزدى.

vo3ojKEz.jpeg

ەرتەڭگى ساپار – تەڭدىكتەن شىعىپ بۇقار جىراۋ قالقامانۇلىنىڭ باسىنا بارىپ, ودان كەيىن جاڭاتىلەك اۋىلىنا جول تارتۋ بولماق.

قۇرمەتتى وقىرمان, 21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

العاشقى كۇننىڭ قورىتىندىسى مەن ەكىنشى كۇننىڭ قىزىقتارىن جانە ۇشىنشى كۇن مەن تورتىنشى كۇننىڭبەسىنشى كۇننىڭ جولجازباسىن وسى جەردەن وقىڭىزدار.

ەرجان جاۋباي, argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>