اتتى تۋر. جەتىنشى كۇن. ارقار قاشقان

Atty tur3

27 ماۋسىم, بەيسەنبى. «كيەلى قازاقستان» ەكسپەديتسيياسى دا اياقتالۋعا جاقىن. بۇگىن جەتىنشى كۇن. اللا دەپ اتقا قونىپ, جاڭاتىلەك اۋىلىنا جول تارتپاقپىز. جولدا بۇقار جىراۋ بابامىزدىڭ باسىنا قۇران باعىشتاۋ ويدا بار.

مۇسا شورمانوۆ اۋىلىنىڭ اڭقىلداعان ازاماتتارى تاڭنان تۇرىپ, اتىمىزدى ەرتتەپ, اسىمىزدى قامداپ قويعان ەكەن.

كۇننىڭ بۇلتتانعانىنا دا قاراماستان سەمىزبۇعى, قاراشي, كەرەگەتاس, بايانتاۋى باعىتىنا جولعا شىقتىق.

IMG_2126.jpg

اۋىلدان 10-12 شاقىرىم شىققاندا الدىمىزدان ەكى قارايعان كورىندى. مۇندايدا كوزى قىراعى دميتريي رۋگيس ەكى بالبال تاس تۇرعانىن ايتتى. جانە وزى قاشانعى ادەتىمەن ەلدەن بۇرىن بارىپ سىنتاستاردى سۋرەتكە تۇسىرىپ الدى.

«ۇلىتاۋ وڭىرىندە مۇنداي بالبالدار كوپ. بالبالدىڭ بىر ەرەكشەلىگى بارلىعى شىعىسقا قاراپ ورناتىلادى. سۋرەتكە تاڭعى ۋاقىتتا نە كۇن بۇلتتى بولىپ تۇرعاندا تۇسىرگەن جاقسى» – دەيدى كانىگى فوتوگراف.

IMG_2132.jpg

وسى ورايدا بالبالتاستى فوتوعا تۇسىرۋدىڭ شەبەرى, «بالبالتاس» اتتى جيناقتىڭ اۆتورى ەرلان قاريننىڭ موڭعوليياداعى, قىتايداعى, قازاقستانداعى, تىپتى جاپونيياداعى بالبال تاستاردىڭ بەتىنە قاشاپ سالعان بەدەردىڭ ۇرعىلاۋ سانى (قاشاۋ ىزىنىڭ) بىردەي بولاتىنى جايلى ايتقانى ەسىمىزگە تۇستى.

IMG_2117.jpg

بۇقار بابانىڭ باسىنا بەت تۇزەگەندە الدىمىزدان شىققان كونەنىڭ كوزىندەي بالبالدارعا تاۋ ەتكەندەي بىر اينالىپ شىقتىق تا, باعىتىمىزدى تۇزەدىك.

وسى بالبال باسىندا تۇرعاندا ارتىمىزدان كانىگى شاباندوز, ات باپكەرى, وزى سەرى, وزى تابيعات قورعاۋشى باقىتجان جۇنىسوۆ بىر شاكىرتىمەن كەلىپ قوسىلدى.

IMG_2138.jpg

سونىمەن كەرەگەتاستى بوكتەرلەپ, بۇقار جىراۋدىڭ كەسەنەسىنە قاراي سىدىرتا جونەلدىك. توپ الدىندا سۇلۋسارىنىڭ سىلقىم اياڭىمەن كەلە جاتىر ەدىك, ات قۇلاعىن تىگىپ, الدىعا قاراي قالدى. بىز دە نازار اۋداردىق. قوزىقاسىن ەرتكەن اققۇيرىق ارقار كەرەگەتاستىڭ قايقاڭىنا قاراي ىسقىرتىپ بارادى ەكەن. موينىمىزدان اپپاراتتى الىپ, فوتوعا تۇسىرەمىن دەگەنشە بۇيراتقا كىرىپ, كوزدەن عايىپ بولدى. «ۇيالعان تەك تۇرماس» دەگەندەي, قوزىقالى ارقار كەتكەن باعىتتى بىر «شىرت» ەتكىزدىك تە قويدىق.

wbDxegTw.jpeg

جاسۇلان انشى الدىمىزدان ارقار قاشقانىن جاقسىعا جورىدى.

IMG_2139.jpg

تۇسكى استىڭ ۋاقىتىندا بۇقار جىراۋدىڭ كەسەنەسىندە بابا ارۋاعىنا قۇران باعىشتادىق. ىشتەي قازاقتىڭ سول كەزدەگى جاقسى-جايساڭىنىڭ بارلىعى تۇركىستانعا جەرلەنگەندە, بۇقار بابامىز نەگە دالبا تاۋىندا دامىل تاپتى ەكەن دەپ ويلاپ قويدىق.

IMG_2255.jpg

الدا ەڭ قيىن اسۋلاردىڭ بىرى قالدى. ول بۇقار بابانىڭ باسىنان تىكە تارتىپ, جاڭاتىلەك القابىنا تۇسەتىن باياناۋىل تاۋىنىڭ بىر سىلەمى. سۇلۋسارىنى ەركىنە جىبەرىپ, تاس-تاستىڭ اراسىنان جول تاۋىپ وتۋىنە بار جاعدايدى جاساپ باقتىق.

كۇن ىستىق. وسى جەردە بىر قىزىق بولدى. بەرىك اقىلبەكوۆ اعامىزدان باسقامىز اجەپتاۋىر كۇلىپ, جىرعادىق, ال بەرىك اعا اشۋلاندى.

4wkc_lRa.jpeg

ول وقيعا بىلاي بولدى. بارلىعىمىز تاۋدان امان-ەسەن تۇسىپ, جازىققا جەتكەنبىز. تاۋ ىشىندەگىدەي ەمەس, جازىقتا جەل قاتتى سوعىپ تۇر ەكەن. بىر كەزدە دۋگلاستىڭ باس كيىمىن جەل ۇشىرىپ كەتتى. ال امەريكالىق قوناعىمىز پرينتستىڭ ۇستىندە تۇرىپ, جەردە جاتقان باسكيىمىن ىلىپ الماق بولىپ ەڭكەيدى. پرينتس, وسى جولدا مىنىلگەن اتتاردىڭ ىشىندەگى ەڭ بيىگى. ونىمەن كانىگى شاباندوز اتانىپ جۇرگەن باقىتجاننىڭ وزى جەردەن ەشتەڭە ىلىپ الا الماس ەدى.

سولاي جەرگە ۇمتىلىپ جاتقان دۋگلاس توقتاپ تۇرعان اتتان اۋىپ تۇستى دە قالدى. بىز دۋ كۇلدىك. پرينتس جەلە جورتىپ بىزدىڭ قاسىمىزعا كەلدى. دۋگلاستان كەيىن كەلە جاتقان بەرىك اعا ات قاشىپ كەتەدى دەپ الاڭداپ, بىزگە ۇرىستى. ال جەردەن «تەڭگە ىلمەك» بولعان قوناعىمىزدى وسى وسپادارسىزدىعى ۇشىن ەرتەڭ شالقاسقاعا مىنگىزەتىن بولدى.

وسى بىر شاعىن كورىنىس بارلىعىمىزدىڭ كوڭىلىمىزدى سەرگىتىپ جىبەردى. ارينە, بىز وزگە ەلدىڭ ازاماتىنىڭ الاڭعاسارلىعىنا جانە ونىڭ بىزگە «جەزدە» ەكەنىن ەسكەرىپ كۇلدىك. (ەسكەرتە كەتەيىك, دۋگلاستىڭ جۇبايى قازاق قىزى. جاقىندا عانا توميريس دەگەن قىزدى بولعان ەدى).

WhatsApp Image 2019-07-02 at 15.57.32.jpeg

سونىمەن دۋگلاس جەزدەيدىڭ ارەكەتىنە كۇلە وتىرىپ جاڭاتىلەك اۋىلىنا جەتتىك. شاعىن اۋىلعا سۋ تارتۋ ماقساتىندا اۋىل ىشىن قورىس-قوپا قازىپ تاستاعان ەكەن.

WhatsApp Image 2019-07-03 at 16.42.44.jpeg

اۋىل اكىمى بىر ۇيدە اس دايىنداپ, اتتارعا ورىن قامداپ قويىپتى. كەشكى اڭگىمەنىڭ قىزىعىمەن تۇنگى 1-گە دەيىن دۋىلداسىپ وتىرىپ, كەش جاتتىق. ەرتەڭ سوڭعى ساپار. نەبارى 45 شاقىرىم جۇرسەك ايگىلى جاسىباي كولىنە دە ات تۇمسىعىن تىرەيتىن بولامىز.

قۇرمەتتى وقىرمان, 21-29 ماۋسىم ارالىعىندا وتكەن “كيەلى قازاقستان” ەكسپەديتسيياسىنىڭ كۇندەلىك-بارىسىن اتپەن جۇرگەن ۋاقىتتا ينتەرنەت جەلىسىنىڭ جانە بايلانىستىڭ ناشارلىعىنا بايلانىستى نۇر-سۇلتان قالاسىنا جەتىپ العان سوڭ بەرىپ جاتقانىم ۇشىن جۋرناليست رەتىندە كەشىرىم سۇرايمىن. دەگەنمەن, ساپار بارىسىن تولىقتاي وقيتىن بولاسىزدار (اۆتور).

العاشقى كۇننىڭ قورىتىندىسى مەن ەكىنشى كۇننىڭ قىزىقتارىن جانە ۇشىنشى كۇن مەن تورتىنشى كۇننىڭبەسىنشى كۇننىڭالتىنشى كۇننىڭ جولجازباسىن وسى جەردەن وقىڭىزدار.

ەرجان جاۋباي, argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>