Attı twr. Jetinşi kün. Arqar qaşqan

Atty tur3

27 mawsım, beysenbi. «Kïeli Qazaqstan» ékspedïcïyası da ayaqtalwğa jaqın. Bügin jetinşi kün. Alla dep atqa qonıp, Jañatilek awılına jol tartpaqpız. Jolda Buqar jıraw babamızdıñ basına quran bağıştaw oyda bar.

Musa Şormanov awılınıñ añqıldağan azamattarı tañnan turıp, atımızdı erttep, asımızdı qamdap qoyğan eken.

Künniñ bulttanğanına da qaramastan Semizbuğı, Qaraşï, Keregetas, Bayantawı bağıtına jolğa şıqtıq.

IMG_2126.jpg

Awıldan 10-12 şaqırım şıqqanda aldımızdan eki qarayğan körindi. Mundayda közi qırağı Dmïtrïy Rwgïs eki balbal tas turğanın ayttı. Jäne özi qaşanğı ädetimen elden burın barıp sıntastardı swretke tüsirip aldı.

«Ulıtaw öñirinde munday balbaldar köp. Balbaldıñ bir erekşeligi barlığı şığısqa qarap ornatıladı. Swretke tañğı waqıtta ne kün bulttı bolıp turğanda tüsirgen jaqsı» – deydi känigi fotograf.

IMG_2132.jpg

Osı orayda balbaltastı fotoğa tüsirwdiñ şeberi, «Balbaltas» attı jïnaqtıñ avtorı Erlan Qarïnniñ Moñğolïyadağı, Qıtaydağı, Qazaqstandağı, tipti Japonïyadağı balbal tastardıñ betine qaşap salğan bederdiñ urğılaw sanı (qaşaw iziniñ) birdey bolatını jaylı aytqanı esimizge tüsti.

IMG_2117.jpg

Buqar babanıñ basına bet tüzegende aldımızdan şıqqan köneniñ közindey balbaldarğa täw etkendey bir aynalıp şıqtıq ta, bağıtımızdı tüzedik.

Osı balbal basında turğanda artımızdan känigi şabandoz, at bapkeri, özi seri, özi tabïğat qorğawşı Baqıtjan Jünisov bir şäkirtimen kelip qosıldı.

IMG_2138.jpg

Sonımen Keregetastı bökterlep, Buqar jırawdıñ kesenesine qaray sıdırta jöneldik. Top aldında Sulwsarınıñ sılqım ayañımen kele jatır edik, at qulağın tigip, aldığa qaray qaldı. Biz de nazar awdardıq. Qozıqasın ertken aqquyrıq arqar Keregetastıñ qayqañına qaray ısqırtıp baradı eken. Moynımızdan apparattı alıp, fotoğa tüsiremin degenşe buyratqa kirip, közden ğayıp boldı. «Uyalğan tek turmas» degendey, qozıqalı arqar ketken bağıttı bir «şırt» etkizdik te qoydıq.

wbDxegTw.jpeg

Jasulan änşi aldımızdan arqar qaşqanın jaqsığa jorıdı.

IMG_2139.jpg

Tüski astıñ waqıtında Buqar jırawdıñ kesenesinde baba arwağına quran bağıştadıq. Iştey qazaqtıñ sol kezdegi jaqsı-jaysañınıñ barlığı Türkistanğa jerlengende, Buqar babamız nege Dalba tawında damıl taptı eken dep oylap qoydıq.

IMG_2255.jpg

Alda eñ qïın aswlardıñ biri qaldı. Ol Buqar babanıñ basınan tike tartıp, Jañatilek alqabına tüsetin Bayanawıl tawınıñ bir silemi. Sulwsarını erkine jiberip, tas-tastıñ arasınan jol tawıp ötwine bar jağdaydı jasap baqtıq.

Kün ıstıq. Osı jerde bir qızıq boldı. Berik Aqılbekov ağamızdan basqamız äjeptäwir külip, jırğadıq, al Berik ağa aşwlandı.

4wkc_lRa.jpeg

Ol oqïğa bılay boldı. Barlığımız tawdan aman-esen tüsip, jazıqqa jetkenbiz. Taw işindegidey emes, jazıqta jel qattı soğıp tur eken. Bir kezde Dwglastıñ bas kïimin jel uşırıp ketti. Al amerïkalıq qonağımız Prïnctiñ üstinde turıp, jerde jatqan baskïimin ilip almaq bolıp eñkeydi. Prïnc, osı jolda minilgen attardıñ işindegi eñ bïigi. Onımen känigi şabandoz atanıp jürgen Baqıtjannıñ özi jerden eşteñe ilip ala almas edi.

Solay jerge umtılıp jatqan Dwglas toqtap turğan attan awıp tüsti de qaldı. Biz dw küldik. Prïnc jele jortıp bizdiñ qasımızğa keldi. Dwglastan keyin kele jatqan Berik ağa at qaşıp ketedi dep alañdap, bizge urıstı. Al jerden «teñge ilmek» bolğan qonağımızdı osı ospadarsızdığı üşin erteñ Şalqasqağa mingizetin boldı.

Osı bir şağın körinis barlığımızdıñ köñilimizdi sergitip jiberdi. Ärïne, biz özge eldiñ azamatınıñ alañğasarlığına jäne onıñ bizge «jezde» ekenin eskerip küldik. (eskerte keteyik, Dwglastıñ jubayı qazaq qızı. Jaqında ğana Tomïrïs degen qızdı bolğan edi).

WhatsApp Image 2019-07-02 at 15.57.32.jpeg

Sonımen Dwglas jezdeydiñ äreketine küle otırıp Jañatilek awılına jettik. Şağın awılğa sw tartw maqsatında awıl işin qorıs-qopa qazıp tastağan eken.

WhatsApp Image 2019-07-03 at 16.42.44.jpeg

Awıl äkimi bir üyde as dayındap, attarğa orın qamdap qoyıptı. Keşki äñgimeniñ qızığımen tüngi 1-ge deyin dwıldasıp otırıp, keş jattıq. Erteñ soñğı sapar. Nebarı 45 şaqırım jürsek äygili Jasıbay köline de at tumsığın tireytin bolamız.

Qurmetti oqırman, 21-29 mawsım aralığında ötken “Kïeli Qazaqstan” ékspedïcïyasınıñ kündelik-barısın atpen jürgen waqıtta ïnternet jelisiniñ jäne baylanıstıñ naşarlığına baylanıstı Nur-Sultan qalasına jetip alğan soñ berip jatqanım üşin jwrnalïst retinde keşirim suraymın. Degenmen, sapar barısın tolıqtay oqïtın bolasızdar (avtor).

Alğaşqı künniñ qorıtındısı men ekinşi künniñ qızıqtarın jäne üşinşi kün men törtinşi künniñbesinşi künniñaltınşı künniñ joljazbasın osı jerden oqıñızdar.

Erjan JAWBAY, argymaq.kz

Dobavït’ kommentarïy

Vaş e-mail ne bwdet opwblïkovan. Obyazatel’nıe polya pomeçenı *

Please Do the Math      
 

Mojno ïspol’zovat’ sledwyuşçïe HTML-tegï ï atrïbwtı: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>