Attı twr. Aqırğı kün

Atty tur4

28 mawsım, juma. Bügin Jañatilek awılınan Jasıbay köline deyingi 45 şaqırımdı jürip ötwimiz kerek. Jäne bügin ékspedïcïyanıñ soñğı küni.

Jañatilekten şıqqanda jol boyındağı Egindibulaq awılın soğıp, sol awıldan Bayanawıl tawlarınıñ jolın jaqsı biletin jolbasşı almaq boldıq. Sebebi biz navïgator arqılı Jañatilek-Jasıbay dep twra bağdar belgilep, sol arqılı jürsek Jasıbay kölin kömkerip jatqan Bayanawıl tawlarınıñ qïyan jartastarına, batpaqtı bulaqtarına tirelip, waqıtımız ben at küşin joğaltatınımız anıq edi.

IMG_2165.jpg

Osı öñirdi jaqsı biletin, Bayanawıl Ulttıq tabïğï parkinde jumıs isteytin Baqıtjan Jünisov Egindibulaqpen xabarlasıp, bizge jolbasşılıqqa bir jigittiñ eretinin ayttı.

IMG_2166.jpg

Jañatilekten at basın soltüstik şığısqa qaray burdıq. Aldımızdan äygili Tuzköl köli körinedi.

«Bul kölden bir kezde xalıq jappay qurt tergen. Ol kezde köldiñ swı aşçı bolğan eken. Qurtın terip, şetelge satıp, payda tapqandar da bolıptı. Qurtınan arılğan kezde köldiñ swı tuşçı bolıp ketken. Qazirgi waqıtta köl swın awızswı retinde paydalanwğa boladı» – degen qawaset bar awıl adamdarınıñ arasında.

Swınan däm tatıp körgen joqpız, degenmen swretke tüsirip aldıq. Bälkim aldağı waqıtta bir maqalağa jük bolar.

IMG_2157.jpg

Köl jağalay şubırğan salt attılar Egindibulaqqa barmaytın boldı. Kerisinşe bizge jol körsetetin Bayanbek esimdi azamattı Bayanawıl tawınıñ bir silemi Ögeleñ eteginde kütip alatın boldıq.

IMG_2178.jpg

Bayanbek bizdi Ögeleñniñ bökterinde qwıp jetkende kün tüske taqap qalğan edi. Bayannıñ köz sürindirer sulw kelbetine tänti bolıp, saparımızdı jalğastıra berdik.

Jolbasşı alğanımız öte jaqsı bolıptı. «Bilmeytin jerdiñ oy-şuñqırı köp» degendey, Ögeleñ ölkesinde ötkel bermes kedergiler köp eken.

IMG_2220.jpg

Aytpaqşı, keşegi ospadarsızdığınan keyin Dwglas rasmen Şalqasqağa mindi. Biraq bul äreketine ol jol soñına taman ökindi.

IMG_2252.jpg

Qazaqta, «Ötkel awzında at awıstırma» degen söz bar. Degenmen, Jasulan änşiniñ Qoñırı Ögeleñniñ örine kelgende sır berdi. Küyi tayıp, uyqı körmey jürgen Qoñır at jüre almay qaldı. Sodan Jasulan jetektegi Aqjal sarını mindi.

IMG_2286.jpg

Jol barğan sayın qïındap, qïındağan sayın Bayannıñ tabïğatı tamsandırwmen keledi. Qamşılar jaq qaptalımızda äygili «Qoñır äwlïe» üñgiri qalıp baradı. Biz ol jaqqa at basın burğan joqpız. Jasıbayğa tike tarttıq.

IMG_2271.jpg

Jartastı jarıp şıqqan şınar, sıldırağan bulaq, ït tumsığı ötpes bitew, qoldan qaşap, qoladan quyğanday qatpar-qatpar jartastar. Osıdan mıñ jıl, bälkim jer jaralğalı osılay turğan bolar. Osındayda “adamdar keledi-ketedi, qara jer mäñgilik” degen sözdiñ şınayılığına köziñiz jetedi.

WhatsApp Image 2019-07-04 at 10.17.50.jpeg

Jasıbay köline 3-4 şaqırım qalğanda oraman şetindegi qïrağan qurılıstıñ jurtına tap boldıq. Jolbasşımız Bayanbektiñ aytwına qarağanda bul jerde osıdan onşaqtı jıl burın amerïkalıqtardıñ arnayı zertxanası bolğan eken. Osı jerde Bayanawıldıñ barlıq taw-tas, orman-toğay, özen-köl, qum-topıraq, şöp-şalamın tügel zerttegen. Öz mindetterin orındap bolğan jatjerlikter ketkende artında dayın jumıs ornı da qalıptı. Swı, jarığı, barlığı tartılğan. Osınday dayın dünïeni paydalanwdıñ ornına, bizdiñ xalıq onı jermen-jekseñ etip, qurtıp, qïratıp tastaptı.

WhatsApp Image 2019-07-03 at 08.50.40 (1).jpeg

Jasıbaydıñ jağasına jetkende bizdi Bayanawıl öñiriniñ jastarı änmen, jırmen, dwmandatıp qarsı aldı. Pavlodardıñ gawhar tüymesindey jarqıldağan Jasıbaydıñ jağası demalwşılarğa tolı eken. Biz de barıp solardıñ qatarında at belin bosattıq.

IMG_2291.jpg

8 künge sozılğan Elorda-Jasıbay «Kïeli Qazaqstan» ékspedïcïyası öz soñına jetti. Qazaqstan Respwblïkası Mädenïet jäne sport mïnïstrliginiñ qoldawımen ötken şaranı «Kazakh Tourism» UK» AQ uyımdastırıp, «QazaqGeography» RQB bağdardı belgiledi.

IMG_2265.jpg

Aytpaqşa, söz basında aytqan Dwglastıñ Şalqasqamen bolğan “şälkem-şalısın” ayta keteyin. Şalqasqa beli solqıldağan, jürisi jaysızdaw jılqı. Uzaq jolda keşegi ayıbın jwğısı kelgen Dwkeñ jezdey Şalqasqağa er salğanına eptep renjwli ekenin qabağınan bayqadıq. Öytkeni taw arasındağı jolda at basımen alısıp keldi. Tipti bir ret tizgindi qattı tartıp qalıp, at jelkesi mañdayın soqqan säti de boldı.

Elbasınıñ «Ulı dalanıñ jeti qırı» maqalasında arnayı toqtalğan «atqa minw mädenïetin» damıtıp, rwxanï jañğırw bağdarlamasında atap körsetkendey twğan jerdi däriptep, Qasïetti Qazaqstan kartasın jasawda aytarlıqtay ornı bar bul sapar aldağı jılda da jalğasın tabadı degen senim bar.

Aytpaqşı, osı ékspedïcïyanı basqarıp, uyımdastırwşılıqtı öz qolına alğan Nurjan Alğaşevtiñ aytwınşa 1 şilde küni «Kïeli Qazaqstan» ékspedïcïyasınıñ ekinşi kezeñi Almatı oblısında bastaladı.

Qurmetti oqırman, 21-29 mawsım aralığında ötken “Kïeli Qazaqstan” ékspedïcïyasınıñ kündelik-barısın atpen jürgen waqıtta ïnternet jelisiniñ jäne baylanıstıñ naşarlığına baylanıstı Nur-Sultan qalasına jetip alğan soñ berip jatqanım üşin jwrnalïst retinde keşirim suraymın. Degenmen, sapar barısın tolıqtay oqïtın bolasızdar (avtor).

 Alğaşqı künniñ qorıtındısı men ekinşi künniñ qızıqtarın jäne üşinşi kün men törtinşi künniñbesinşi künniñaltınşı künniñ, sonımen qatar jetinşi künniñ joljazbasın osı jerden oqıñızdar.

Erjan JAWBAY, argymaq.kz

Dobavït’ kommentarïy

Vaş e-mail ne bwdet opwblïkovan. Obyazatel’nıe polya pomeçenı *

Please Do the Math      
 

Mojno ïspol’zovat’ sledwyuşçïe HTML-tegï ï atrïbwtı: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>