Qazaqstanğa Xalıqaralıq at sportı federacïyasınıñ (FEI) Prezïdenti keldi

FEI

Ïngmar De Vos öñirde at sportın damıtw mäselelerin talqılaw maqsatında alğaş ret Ortalıq Azïya elderine keldi.

Sapar barısında De Vos Qazaqstan Respwblïkasınıñ At sportı federacïyasınıñ prezïdenti Berik Ïmaşevpen, Respwblïkanıñ Ulttıq Olïmpïada komïtetiniñ basşılığımen, Ulttıq paralïmpïadalıq komïtettiñ basşılığımen kezdeswler ötkizdi.

Sonday-aq, De Vos elimizdiñ at sportı ïnfraqurılımımen tanısıp, Almatı men Almatı oblısınıñ birqatar At-sportı klwbtarın araladı.

Sonımen qatar, Xalıqaralıq at sportı federacïyasınıñ prezïdenti jas jılqılar arasındağı Qazaqstan Respwblïkası Çempïonatınıñ jeñimpazdarı men jüldegerlerin marapattaw räsimine qatıstı.

Ïngmar De Vos saparınıñ bağdarlaması bes jarım mıñ jıl burın alğaş ret jılqını qolğa üyretken Qazaqstannıñ mädenïetimen jaqınıraq tanıswğa mümkindik berdi.

Ol 2014 jılı FEI Prezïdenti bolıp saylandı, 2018 jılı qayta saylandı. Xalıqaralıq Olïmpïada komïtetiniñ müşesi, 2018 jılı Xalıqaralıq sport federacïyaları Bükilälemdik qawımdastığınıñ keñesine tağayındaldı, Dünïejüzilik dopïngke qarsı agenttiktiñ (WADA) Atqarwşı komïtetiniñ quramına kirdi.

Qazaqstannıñ at sportınıñ bay tarïxı bar. 1960 jılı sportşı Sergey Fïlatov at sportı boyınşa birinşi keñestik Olïmpïada çempïonı atandı. Qazaqstanda tuñğış at sportı mektebi 1956 jılı aşıldı. Qazaqstandıq şabandozdar birneşe ret Azïya çempïonattarınıñ, älem kwbogı kezeñderiniñ jäne At sportı boyınşa QR awmağında jäne odan tıs jerlerde xalıqaralıq twrnïrlerdiñ jüldegerleri boldı.

Sonday-aq, FEI delegacïyasınıñ quramında federacïyanıñ prezïdenti Marïna Seçïna bastağan Resey at sportı Federacïyasınıñ delegacïyası boldı. Qazaqstan men Resey at sportı federacïyaları arasında öñirde at sportın damıtw jäne qoldaw maqsatında ıntımaqtastıq twralı Memorandwmğa qol qoyıldı.

argymaq.kz

Dobavït’ kommentarïy

Vaş e-mail ne bwdet opwblïkovan. Obyazatel’nıe polya pomeçenı *

Please Do the Math      
 

Mojno ïspol’zovat’ sledwyuşçïe HTML-tegï ï atrïbwtı: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>