اتتى تۋر. ەڭ جاس قاتىسۋشى 9 جاستا (فوتو)

ARM_9605

قاراشانىڭ 2-سى كۇنى اقمولا وبلىسى, تسەلينوگراد اۋدانىنا قاراستى قوسشى, تايتوبە اۋىلدارىنىڭ بىرقاتار ازاماتى اتتى تۋرعا قاتىستى.

بەرىك اقىلبەكوۆ باستاعان «ات-تراۆەل» كلۋبى مۇشەلەرىنىڭ ۇيىمداستىرۋىمەن وتكەن تۋردىڭ نەگىزگى ماقساتى – قىسقى ساپارلارعا دايىندىق بارىسىن پىسىقتاۋ بولدى.

ARM_9520

اۋداننىڭ ىشكى ساياسات باسقارماسىنىڭ باستاماسىمەن وتكەن ساپارعا 15 ادام قاتىستى. الدى 60-قا جاقىنداعان ەل اعاسى بولسا, قاتىسۋشىلاردىڭ ەڭ كىشىسى – مەيىرجان 9 جاستا.

WhatsApp Image 2019-11-03 at 10.34.11

«وزىم شاباندوزبىن. اكەم كوكپارشى. ۇش جاسىمنان باستاپ اتقا مىندىم. بۇرىن ارنايى تۋرعا قاتىسىپ كورگەم جوق. بىراق جىلقى قايىرۋعا, جاقىن ماڭداعى بايگەلەرگە قاتىسۋ ۇشىن مۇنداي قاشىقتىققا جۇرىپ كورگەمىن. اتقا مىنۋ وز قورقىنىشىڭدى جەڭە بىلۋ. قورىقپاساڭ ات تا سەنىڭ قورىقپاي تۇرعانىڭدى بىلەدى. ارينە, الدىمەن جۋاس اتتارعا مىندىم عوي» – دەيدى مەيىرجان.

ARM_9578

ەلباسىمىزدىڭ «اتقا مىنۋ مادەنيەتىن» دارىپتەۋ ماقساتىندا جانە ەلىمىزدىڭ ىشكى تۋريزمىن ناسيحاتتاۋ ۇشىن اتقا مىنگەن جىگىتتەر بىر كۇندە 50 شاقىرىمدى ەڭسەردى.

تايتوبە ماڭىنداعى نيياز بي كەسەنەسى باسىنان باستاۋ العان ساپار جولاي نۇرا-ەسىل كانالىنان وتىپ, قىزىلجار اۋىلىنىڭ مەشىتىندە قارييالاردان باتا الدى.

ARM_9649

سونان كەيىن اتتى تۋر قاتىسۋشىلارى قازاقتىڭ باس باتىرى اتانعان قابانباي باتىردىڭ مازارىندا بولىپ, باتىر بابا رۋحىنا قۇران باعىشتادى.

بابا كەسەنەسىنىڭ باسىندا كامال ابدىراحمانوۆ (شىراقشى) تۋرعا قاتىسۋشىلارعا قابانباي باتىر جايلى اڭىزداردان, ونىڭ تاريحىنان, ومىر سۇرۋ ورتاسىنان قۇندى مالىمەتتەر بەردى.

كۇندىك ساپاردا تۇسكى استى كامال اقساقالدىڭ ۇيىنەن ىشىپ, كەشكىرمەي اۋىلعا جەتىپ الۋدى كوزدەگەن سالت اتتىلار اتقا قوندى.

ARM_9675

اتتانار الدىندا جاستارمەن جۇزدەسىپ, اتتى تۋرعا قاتىسۋشىلارعا باتا بەرىپ, اق جول تىلەۋ ۇشىن ەلوردادان ايگىلى عالىم زايروللا دۇيسەنبەكوۆ ارنايى كەلدى.

سونىمەن, سەنبى كۇنگى ساپار ساتىمەن اياقتالىپ, الداعى قىسقا اتتاردىڭ, ازاماتتاردىڭ دايىندىعى پىسىقتالدى.

ايتا كەتەيىك, بۇعان دەيىن قىسقى ماۋسىمعا دايىندىق بارىسى تەكسەرىلەتىنى جايلى حابارلاعان بولاتىنبىز.

فوتو: ەرلان قۇسايىنوۆ

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>