Көкпар. Ел чемпионаты ерекше жағдайда өтіп жатыр

635

Көкпардан Қазақстан чемпионаты наурыз айында өтуі керек болатын. Алайда, коронавирус індетіне байланысты елдегі барлық спорттық шаралар секілді көкпар да өтпейтін болды.

Дегенмен осындай қиын кезеңде көкпар сүйер қауымға арнап онлайн турнир өткізейік деп шештік. Турнир инстаграмдағы @etnosport.kz парақшасында дауыс беру арқылы өтеді. Жарысқа еліміздің он алты командасы қатысып жатыр. Көрермендер сторизда ұсынылған екі команданың біріне дауыс беріп, жеңімпазды анықтайды – дейді Ұлттық спорт қауымдастығының баспасөз қызметі.

1/8 финал бүгін аяқталды. “Құлагер” командасының ширек финалға өтпей қалғаны жарыстың бірінші күнінің басты сенсациясы деуге болады.

Дауыс беруге қатысқан жанкүйердің 51% Қостанай облысына дауыс берсе, 49% “Құлагер” командасын таңдады. Құлагер командасы бұған дейін 6 рет ел чемпионы атанған болатын.

Жарыс әлі де жалғасады. Онлайн чемпионаттың финалы сәуірдің 20-сы күні өтеді.

karantin

Көкпар карантин турнирінің 1/4 финалы 17 сәуір күні 10:00-де басталады. Дауыс беру кешкі сағат 22:00-де аяқталады.

Ширек финалға жолдама алған жұптар:

Қостанай – Алматы

Әулие ата – Ақмола

Нарын – БҚО

Адай ата – ШҚО

Есретіңізге сала кетейік, өткен жылы Жамбыл облысының «Әулие ата» командасы ел чемпионы атанған болатын. Ел тарихында ХХ рет өтіп отырған көкпар додасы биыл айрықша жағдайда жалауын көтерді. Бұған дейінгі ел чемпионы атанған командларды мына жерден біле аласыздар.

argymaq.kz

ПІКІР ЖАЗУ

Please Do the Math      
 

Этот сайт использует Akismet для борьбы со спамом. Узнайте как обрабатываются ваши данные комментариев.

error: Content is protected !!