Көшім жылқысына арналған конференция өтеді

Оралда қазақ жылқыларының қазіргі жағдайына арналған және Көшім тұқымының 50 жылдығына орайластырылған «Тайбурыл» халықаралық ғылыми-тәжірибелік конференциясын өтеді.

Конференция Қазақстан Республикасы Ауыл шаруашылығы министрлігінің қаржыландыруымен «Жылқылардың генетикалық ресурстарын басқаруды оңтайландыру үшін молекулалық-генетикалық әдістерді қолдану және өнімді жылқы шаруашылығына арналған инновациялық технологияларды әзірлеу» ғылыми-техникалық бағдарламасы аясында ұйымдастырылады.

Конференцияға барлық мүдделі тұлғалар – ғалымдар, жылқы иелері, оқытушылар, докторанттар, магистранттар және студенттер қатысуға шақырылады. Жиында: Ауыл шаруашылығы жануарларын өсіру, селекция және генетикасы; Ветеринариялық медицина және мал шаруашылығындағы биологиялық қауіпсіздік мәселелері талқыланады.

Жиын «Жәңгір хан атындағы Батыс Қазақстан аграрлық-техникалық университеті» КеАҚ Батыс Қазақстан облысының әкімдігімен және «Батыс Қазақстан облысының «Бәйге» федерациясы» қоғамдық бірлестігінің ұйымдастыруымен 2026 жылғы 17 қазанда өтеді.

Қазақ жылқысына арналған жиын жайлы толығырақ мына жерден білуге болады.

Argymaq.kz