Қостанайдағы Патшалық атқорасын жөндеу басталды (ФОТО/ВИДЕО)

«Байсерке-Агро» компаниясы өз есебінен «Қазақ тұлпары» ЖШС-на қарасты Патшалық ат қорасын жөндеу жұмыстарына кірісті.

Бұл жұмыс 2023 жылы «ҰАҒБО» КеАҚ, Қостанай жылқы зауыты және «Байсерке-Агро» агрохолдингі арасында қол қойылған Қостанай жылқы тұқымын жаңғырту туралы меморандум аясында жүргізілуде.

Патшалық ат қора 1888 жылы Қостанай облысының Заречное ауылында жылқы зауыты ашылған кезде салынды, Бірегей тарихи ғимарат қазіргі кезде апатты жағдайда және күрделі жөндеуді қажет етеді.

Көктемде Қостанай тұқымды жылқыларды құтқару бойынша жұмыстардың бірінші кезеңі аясында «Байсерке Агро» компаниясы асыл тұқымды айғырларды Қостанай жылқы зауытына ұрықтандыру үшін берді.

Айғырлардың көмегімен Қостанай тұқымының 34 биесін ұрықтандыру жоспарланған.

Сонымен бірге Қостанай тұқымының «Рабат» есімді айғыры генетикалық материалды беру үшін Қобыланды жылқы зауытына жіберілді.

Қостанайлық жылқы тұқымы мамандандырылған спорт түрлерінің жалғыз қазақстандық ат спорты тұқымы және ұлттық ат спортын дамыту үшін кеңінен қолданылады.

Бұл тұқымның жылқылары жоғары жұмыс қасиеттерімен – күшімен, төзімділігімен ерекшеленеді және Қазақстан климатына бейімделген.

Argymaq.kz