ДКО. Жамбы ату: Жүлдегерге пәтер беріледі

V Дүниежүзілік көшпенділер ойындарында жамбы атудан жүлделі орын алған ұлттық құрама спортшыларына Alageum Electric атынан сыйақы беріледі.

Бұл туралы ҚР Туризм және спорт министрлігі, «Ұлттық және ат спорты түрлері орталығының» баспасөз қызметі хабарлады.

Жамбы атудан спортшылар мажар, азия, түрік және жамбы стилінен сынға түсті. Төрт жарыс күнінің қорытындысы бойынша жүлде алған спортшыларға сыйақы тағайындалды.

1-орын – бір бөлмелі пәтер; 

2-орын – автокөлік; 

3-орын – 5 миллион теңге.

Ал жамбы атудан ұлттық құрама бас бапкеріне автокөлік сыйға тартылады.

Бүгін – жамбы атудан соңғы жарыс күні. Спортшылар жамбы стилінен сынға түсіп, Айтбек Сарыбай алтын алса, Батыр Бексауыт күмісті қанағат тұтты. Осыған дейін азия стилінен Батыр Бексауыт – алтын, Айтбек Сарыбай – күміс, Ералхан Айкөз қола жүлдеге ие болған еді. Ал түрік стилінен Ералхан Айкөз алтын жүлде алса, Айтбек Сарыбай қола жүлдені иеленген болатын.

Айта кетсек, бірнеше жүлде алған спортшылардың алтын, күміс, қоласы есептеледі.

Argymaq.kz