Ұлттық ат спортынан ел чемпионаты басталды

Чемпионат сәуірдің 10-15-і күндері Бектөбе ауылындағы «Атшабар» ипподромында өтеді.

«Жастар арасындағы жарыстарға 1997-2000 жылдар аралығында туған жасөспірімдер қатысады. Олар спорттың төрт түрінен — көкпар, аударыспақ, жамбы ату және теңге ілуден өзара сайысқа түседі. Чемпионатқа 12 облыстан 240 спортшы қатысады деп күтілуде», — деді Орталық коммуникациялар қызметінің ресми өкілі Мұрат Жұманбай бүгінгі брифингте.

Ал сәуірдің 12-14-інде Шымкент қаласында көркем гимнастикадан ҚР Кубогы мен кезекті жастар ойындары өтеді. Оған барлық өңірлерден 360-жуық спортшы қатысады. Сондай-ақ, сәуірдің 14-і күні Павлодар облысында Қазақ КСР-ның еңбек сіңірген жаттықтырушысы Батырбек Сейсенбаевты еске алуға арналған дзюдодан xалықаралық турнир ашылады.

inform.kz