«Құлагер» әдеби байқауының жеңімпаздары анықталды

Алматыда «Құлагер» республикалық байқауының жеңімпаздарын марапаттау шарасы өтті.

Ұлттық спорт қауымдастығы ұлы құндылықтарды насихаттау барысында «Құлагер» байқауының тұсауын кескен еді.

Бұл қадам жалпы жұрт үшін әрі қаламгерлер қауымы үшін маңызды болады деп ойластық. Расымен біздің ой ақиқатқа айналды. Проза, Драма, Поэзия, Фантастика, Деректі проза, Балалар әдебиеті, Комикс жанры бойынша жалпы жиыны 200-ден аса материал келіп түсті – деді Ұлттық спорт қауымдастығының президенті Исламбек Салжанов.

Жазушылар одағының төрағасы Мереке Құлкенов бастаған қазылар алқасы барлығын жіті қарап, тиісті шешім шығарды.

Сонымен республикалық «Құлагер» байқауының жеңімпаздары:

Проза – Тұрысбек Сәукетаев «Ай қанатты арғымақ» (хикаят);

Драма – Жолтай Алмашұлы Алмашев «Күш атасы» (пьеса);

Поэзия – Алмас Ахметбекұлы Сақбаев «От шығармас ойын» (дастан);

Фантастика / мифология – Пернебай Дүйсенбин «Ақбоз, көкжал, Жансая апа және төрт ноян» (мифофантастикалық хикаят);

Деректі проза – Мұхтар Анарбек «Дүлдүлдің дүбірі» (повесть);

Балалар әдебиеті – Аут Даутович Масимов «Айқасқа» (Хикаят);

Комикс – Сәлімғали Қасымханұлы Мырзашев «Көксерек» (М.Әуезовтың «Көксерек» әңгімесі желісімен салынған).

Жеңімпаздарға 2 000 000 теңге көлемінде қаржылай сыйақы тағайындалған. Онымен қоса арнайы «ҚҰЛАГЕР» республикалық байқауының мүсіншесі мен дипломдар табысталды.

Өздеріңіз білетіндей, желтоқсан айында Қазақстан Жазушылар одағының 90 жылдық мерей тойы өткен болатын. Бүгінгі шара барысында күтпеген жерден Одақ басшысы Әдебиет және мәдениетке сіңірген еңбегім үшін «Атымтай Жомарт» медалімен марапаттады. «Құлагер» байқауын қолдап, ұйымдастыру ісінде белсенділік танытқаны үшін Жазушылар одағына және басшысы Құлкенов Мереке Әбдешұлына ерекше алғыс айтамын! – деді қауымдастық президенті.

Естеріңізде болса, осыдан тура бір жыл бұрын Үлттық спорт қауымдастығы ақын-жазушылар арасында «Құлагер» әдеби байқауын жариялаған болатын.

Argymaq.kz