Qazaqstan kokpar cup: 4 команда жартылай финалға шықты

Шымкент қаласында алғаш рет көкпардан клубтық командалар арасындағы республикалық турнир өтіп жатыр.

17 қараша күні басталған дүбірлі додаға елімізден іріктелген жеті команда қатысты. Екі топқа бөлініп олар топтық ойынның көркін қыздырды.

А тобында Қазығұрт пен Шымкент командалары жоғары ұпай жинап, жартылай финалға жолдама алды.

В тобында Аманат-Шу командасы мен Меркі-Қант командасы өз тобында үздік атанды.

Бүгін аталған командалар финалдық жолдаманы сарапқа салады. Нақтырақ айтсақ, Қазығұрт пен Меркі-Қант командасы кездеседі. Сонымен қатар Аманат-Шу мен Шымкент жолығады.

Жеңіске жеткен командалар финалда кездеседі, ал ұтылғандары қола жүлдеге таласады.

Республикалық турнир Шымкент қаласы, Орталық ипподромда өтіп жатыр.

Кіру тегін

QAZAQSTAN KOKPAR CUP клубтық командалар арасындағы республикалық турнирдің жалпы жүлде қоры: 28,5 млн теңге.

Argymaq.kz