Ат спорты бойынша төрешілер алқасы құрылады

Ертең 13-ақпан күні сағат 10:00-де Астанадағы «Думан» қонақ үйінде Қазақстан Республикасы Ұлттық спорт Қауымдастығының алқа мәжілісі өтеді.
Күн тәртібінде 2019 жылға арналған күнтізбелік жоспардағы іс-шараларды талқылау, ат спортының 4 түрі бойынша төрешілер алқасын құру, тәртіптік кеңестің жұмысы мен құрамын бекіту, көкпардан клубтық ойындардың ережесін таныстыру сынды мәселелер қаралады.
Алқа мәжілісіне еліміздің барлық өңірінен федерация өкілдері, спорт мектептері мен клубтарының мүшелері қатысады деп жоспарланған.