Көшпенділер ойындары: Қазақ аударыспақшылары — финалда

Қырғызстанда өтіп жатқан ІІІ Дүниежүзілік көшпенділер ойындарында аударыспақтан (эр эңиш) жартылай финалдық сайыстар өтті. Қазақ спортшылары қатарынан 5 аударыспақшы финалға жолдама алды.

Шолпон-Ата қаласындағы ипподромда жалдауын көтерген байрақты бәсеке 5 қыркүйек күні басталған. Аударыспақшылар бес салмақ бойынша сынға түсуіде. Ақтық сайыс 7 қыркүйек күні мәресіне жетеді.

Ақтық сынға жолдама алған жерлестеріміз Азамат Серғазин (60 кг), Ерназар Байғонов (70 кг), Арман Сағынбаев (80 кг), Сырым Ізбасаров (90 кг), Біржан Қосалиев (90+ кг).

Еске сала кетер болсақ, 2016 жылы өткен ІІ Дүниежүзілік көшпенділер ойындарында аударыспақтан ұлттық құрама 2 алтын және 1 күміс жеңіп алған. Қазақ спортшылары қатарынан Сырым Ізбасаров (90 кг) мен Біржан Қосалиев (90+ кг) көшпенділер ойындарының  атанса, 70 келі салмақта өнер көрсеткен жерлесіміз Ерназар Байғонов күміс жүлде еншілеген.

Дүниежүзілік көшпенділер ойындары 2-8 қыркүйек аралығында өтеді. Жаһандық жарысқа 80-нен астам елдің 3000 жуық спортшысы қатысуда. Олар 37 спорт түрінен бақ сынайды. Дүбірлі додада Қазақстанның намысын 134 спортшы қорғайды.