100 км. Алматы облысында халықаралық аламан өтеді

8 қарашада Алматы облысында Халықаралық ат спорты федерациясының қолдауымен аламан бәйгеден 100 км қашықтыққа «FEI CEI 100 km» халықаралық турнир өтеді

Турнирге Қазақстан, Қытай және БАӘ жүйріктерімен қатар еліміздің Қостанай және Адай тұқымдарының жылқылары қатысады. Жарысқа Қазақстанның және алыс-жақын шет елдердің үздік шабандоздарын жиналады. Спортшылар мен жүйріктер бір күнде 100 км-ді жүріп өтіп, төзімділікті, шеберлікті және ақыл-ой күшін көрсетеді.

Іс-шараның мақсаты – елімізде ат спортын насихаттау, қазақы тұқымдарды дамыту. ҚР төрешілер алқасының төрешілік сапасын және кәсіби дағдыларын арттыру, талантты шабандоздар мен жылқыларды анықтау.

Аламанды ҚР Ат спорты федерациясы және «Байсерке Агро» Агрохолдингі мен «Қобыланды» ат зауыты ұйымдастырып отыр.

Іс-шара БАӘ вице-президенті шейх Мансур Аль Нахаян мен оның Emirates International Endura командасының қолдауымен өтеді.

Argymaq.kz