Жылқыға келген жұт. Үкімет өтемақы бере алмайды… (ВИДЕО)

Биылғы жұт әсіресе жұмыртұяқты жануардың жетесіне жетіп барады.

Бұған дейін де Арқадағы алабөтен жұт жайлы бірнеше рет жазғанбыз. Бірақ Үкімет үн қатуға жарамаған. Әлі де жұмған аузын ашпады. Жергілікті әкімшілік “мал иелері алдындағы азғана малды чиптетіп, қаттап-шоттап, салығын төлемеді. Біз оған ештеңе істей алмаймыз” дегенге келтіріп отыр.

Қазысын жеп, қымызын ішкенде ғана жылқы бары еске түсетін атқамінерлер, бүгінгідей қысылтаяң шақта елдің жайын түсінуге жарамай отырғаны қынжылтады.