Американдық аспаз қымыздан балмұздақ жасамақ

Америкалық аспаз қымыздан балмұздақ жасамақ, деп жазады «Айқын» газеті.
Алматыда өтіп жатқан The Good Life деп аталатын аспаздық фес­ти­вальға әлемнің түкпір-түкпірінен ас әзір­леудің асқан шеберлері, тәтті та­ғам­дар­дың түр-түрін жасайтын кон­ди­тер­лер жиналды. Бұлардың әр­қай­­сысы жаңа тағамдардың алуан түрін ой­лап тапқан өз ісінің мамандары. Со­лар­дың ішіндегі америкалық кон­дитер Дэвид Кэмпбеллдің бұл іспен ай­налысқанына 18 жыл болыпты. Осы уақыттың ішінде ол талай фес­ти­вальдарға қатысып, талай мара­пат­тарға ие болған. Өзі ұзақ жылдар Лос-Анжелестегі Providence рестора­нын­да қызмет еткен. Қазіргі кезде Дэ­вид Кембэлл 450 нөмірі, 8 аутлет­тері мен мейрамханалары бар The Ritz-Carlton қонақүйінде шеф-кон­дитер болып жұмыс істейді екен.

Америкалық аспаздың фестиваль­да қандай жүлдеге ие болатынын кім білсін, бірақ ол қазақстандықтарға қа­зірден бастап ұнап қалды.

Дэвид Кембэлл осы уақытқа дейін еліміздегі бірде-бір аспаз-кондитердің тү­сіне де кірмеген тың ойды айтты. Мұ­хиттың арғы жағынан келген кон­дитер қазақтың қасиетті сусыны – қы­мыздан балмұздақ жасамақшы ойы бар екенін ортаға салды. Бұл бас­тама­ның иесі Қазақстанға келгеніне бір-екі күн ғана болған осы Дэвид Кем­бэлл болып қалатын шығар. Ол қы­­мыз­дың дәмін де бұрын татып көр­ме­ген екен, бірақ оған бірден ұна­ған сияқты. Сөйтіп, осы сусыннан бал­мұздақ жасау керек екен деп ше­шіп­ті.

Дэвид Кембэллдің сүйсініп жейтін асы салат көрінеді, сондықтан ол, не­гізінен, еттен жасалатын қазақтың ұлт­тық тағамдарына аса тәнті бола қой­маған сияқты. Фестивальға басқа ел­дерден келген оның әріптестері Қа­зақстандағы сырдың (ірімшік) чечил деген түрі қатты ұнағанын айтқан екен, бірақ оның ұлттық тағамға қа­ты­сы жоқ екенін естігенде көңілі ор­тайып қалыпты. Бірақ қазақтың ұлт­тық тағамдарының ішінен өзіне ұна­ған кейбір мәзірді кітапшасына жа­зып немесе жадына сақтап Амери­каға жеткізетін ойы бар. Ең бастысы, қымыздан жасалған балмұздақтың рецептімен бөліссе жақсы. Егер бал­мұз­дақтың жаңа түрі «қымыз-бал­мұздақ» патенттеліп, нарыққа шығып жат­са, оны Ritz-Carlton желісі арқылы са­тып алатын шығармыз.

ҚазАқпарат