Елорда күнінен орай бәйге түрлерінен турнир өтеді

Астана қаласы әкімдігінің қолдауымен Астана қаласының Ұлттық және олимпиадалық ат спорты түрлері Федерациясының ұйымдастыруымен елорданың 25 жылдығына орай бәйге түрлерінен республикалық турнир өтеді.

Еңселі елорда төсін дүбірге толтыруға еліміздің барлық облысы мен қалаларынан тұяғымен тасту уатып, аузымен құс тістеген 100-ге тарта таңдаулы жүйрік «Қазанат» атшабарында бақ сынайды.

Ауыздығымен алысқан сәйгүліктер жеті шақырымдық «құнан» бәйге мен «жорға» жарысы, 15 шақырымдық «топ» бәйге және 22 шақырымдық «аламан» бәйге бойынша сынға түседі.

Көпшілік көз тіккен жүйріктер сайысының жалпы жүлде қоры – 30 млн теңге.

Ұлы даланы ат дүбірімен жаңғыртар бәйгеде барлығыңызды жанкүйер болуға шақырамыз!

Дода 6 шілде күні сағат 10:00-де басталады. Кіру тегін! Келіңіздер! Көріңіздер!

Argymaq.kz