«Expo Milano-2015» көрмесіне “Сарып” қымызы қойылады

Төлеу Құшманова басқаратын «Сағып» шаруа қожалығына «Қазагромаркетинг» АҚ мен облыстық әкімдік тарапынан халықаралық көрмеге қатысуға шақырту келді. Бұл туралы egemen.kz тілшісі хабарлады.
EXPO-2015 дүниежүзілік көрмесі Миланда 2015 жылғы 1 мамыр-31 қазан аралығында өтеді. Көрменің тақырыбы — «Планетаны тамақтандыру, тіршілікке арналған энергия».
Қазір қымыз цехында сауылатын 140 биеден тәулігіне 1400-1500 литрге дейін өнім алынуда. Наурызда Мәскеуге 4 тонна қымыз жіберілген. Шаруа қожалығы тағы да 50 жылқы тұратын кешен тұрғызу жұмыстарын жүргізуді қолға алуда. «Сағыптың» қымызы бұған дейін «Қараөткел жәрменкесі-2012» жәрмеңке-байқауының жеңімпазы атанды. Мәскеуде өткен қазақстандық тауарлар мен өнімдер көрмесінің қорытындысы бойынша Ресей нарығына қымыз сату үшін меморандумға қол қойылды.