Ел чемпионаты. Бүгінгі ойындар кестесі

3056

Қазақстан Республикасы Тәуелсіздігінің 30 жылдығына орай Жамбыл облысы Тараз қаласы маңындағы Бестөбе атшабарында Көкпар мен аударыспақтан ересектер арасындағы ел чемпионаты жалғасып жатыр.

Бүгін жарыс алаңына көкпардан:

Алматы қаласы – Қарағанды облысы

БҚО – Алматы облысы

Нұр-Сұлтан қаласы – Ақтөбе облысы

Шымкент қаласы – Маңғыстау облысы

Атырау облысы – СҚО

Қызылорда облысы – Түркістан облысы құрамалары өзара мықтыны анықтайтын болады.

Естеріңізге сала кетейік, кеше – жарыстың алғашқы күні көкпардан Қарағанды облысы құрамасы БҚО құрамасын 14:0 есебімен жеңсе, Қостанайдың құрамасы 8-5 есебімен Алматы облысының жігіттерінен басым түсті. Сондай-ақ, Ақтөбе облысы мен Павлодар облысының есебі 16:1 болып, ақтөбеліктер айқын басымдықпен ұтқан болатын. Нұр-Сұлтан құрамасы мен Маңғыстау облысы құрамасы арасындағы тартысты сайыс 6-3 есебімен астаналықтардың жеңісімен аяқталған болатын. Түркістан облысы мен СҚО құрамасы арасындағы бәсекеде есеп 12-4 болып, Түркістан құрамасы жеңіске жетті. Ал кешегі ойынды түйіндеген Атырау облысы құрамасы мен Жамбыл облысының жігіттерінің арасындағы тартыста Атырау құрамасы Жамбыл жігіттеріне төтеп бере алмады. Есеп – 11-1, Жамбыл жігіттерінің пайдасында.

Сондай-ақ, аударыспақтан 57, 62, 68 келі салмақ дәрежесінде сынға түскен жігіттер өзара мықтыны анықтаған болатын.

Ал бүгін 74, 82, 91, 100, +100 келі салмақтың үздіктерін анықтау сайыстары өтеді.

BAQ.KZ

ПІКІР ЖАЗУ

Please Do the Math      
 

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Content is protected !!