Ел чемпионаты. Қарағанды құрамасы «Алтын салым» арқылы жеңді

2208

Қарағанды облысы мен Қостанай облысы құрамалары арасындағы ойын ерекше тартыспен өтті.

Әуелі ерекше тартысты ойын көрсеткен командалардың құрамымен таныстырып өтейік:

Қостанай облысының құрамасы

Асанов Бақдәулет
Жүнекеев Рүстем
Дайыров Қобыланды
Қасқырбай Дархан
Жүрсін Абылайхан
Оралхан Қоныс
Сұлтан Оралхан
Дайыров Қамбаржан
Мустафин Ермек
Данияров Нұрша
Жұмабаев Қуаныш
Байтасов Рыскелді

Қарағанды облысын құрамасы

Көрпебаев Дархан
Сейітжапар Әбдуәлі
Байгазиев Елдос
Меден Медерали
Есмахаев Дидар
Карибаев Алмаз
Исақ Марғұлан
Шалғынбаев Рамазан
Құлымбет Шадияр
Оспанов Ерлан
Одесхан Еламан
Есенгельді Жеңіс

Сонымен, әп деп ойын бастала сала есеп ашқан Қостанай командасы ойынның алғашқы айналымында айтарлықтай мықты ойын көрсете алмады. Тіпті ойын тағдыры шешілді дегендер де болды. Себебі 6:1 есебімен аяқталған болатын алғашқы тайм.

Бірақ, Қостанай құрамасының екінші тынысы екінші айналымда ашылған екен. Ойынның соңғы минутында 6-салымды салып үлгерді. Ойын 6:6 есебімен тең аяқталды.

Мұндай тартысты ойынды бұған дейін ешкім көрмеген еді. Ойын алаңындағы көкпар сүйер қауым арасында тартысты сәт басталды. Осы кезде бас төреші Қуан Құрамаев ойын ережесіне сай «Алтын салым» уақыты – қосымша 10 минут берді. Талап бойынша, кім бірінші салым салса, сол команда жеңіске жетеді.

Бұл мүмкіндікті Қарағанды облысы құрамасы тиімді пайдаланды. Соның нәтижесінде чемпионаттағы үшінші жеңісіне қол жеткізді. Есеп – 7:6, Қарағанды құрамасының пайдасында.

Ал тартысты ойынның салымгерлері кімдер екеніне келер болсақ:

Ойын есебін ашқан Қостанай облысы құрамасының шабандозы Дайыров Қобыланды – 3 салым, Жүнекеев Рүстем – 1 салым және Сұлтан Оралхан екі салым салды.

Ал «Алтын салым» арқылы жеңіске қол жеткізген Қарағанды құрамасының шабандозы Байғазиев Елдос – 4 салым салса, Кәрібаев Алмаз, Шалғынбаев Рамазан, Оспанов Ерлан бір-бір салымға қол жеткізді.

BAQ.KZ

1 comment

ПІКІР ЖАЗУ

Please Do the Math      
 

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Content is protected !!