Түсіңізге жылқы кірсе…

***

Ақбоз ат көрсең – ісің оңалады.

***

Арбаға жегілген жылқылар – бақытқа жетер жолдағы қиындықтар мен сынақтарға.

***

Асауға мініп шабу – сəттілікке жетер алдында кезігетін қиындықтарды меңзейді. Бұл түс сенімді достардың көмегін де білдіруі ықтимал.

***

Ат көрсе – құрмет, салтанат болады.

***

Атқа міну – арман-тілегі орындалады, байлығы артады.

***

Атқа мініп, көкпар тартса – тәуір қызметтің тізгінін ұстайды.

***

Атқа мініп, тар соқпақпен биік тауға көтерілсеңіз – қоғамда өте мықты орынға ие боласыз. Егер де, атыңыз шыдамай, таудың шыңына шығу үшін қалған жолды жаяу өтсеңіз, сіздің қоғамдағы беделді орныңыз сізге үлкен күш-жігермен келетін болады.

***

Атты жүгендеп, өз еркіңізге көндірсеңіз – өмірде оңтайлы өзгерістердің болатынына дайын болыңыз.

***

Əйелдердің арасында атпен шауып жүрсеңіз – болашақ тілектеріңізді түсінбеушілік пен тəуелділігіңізді білдіреді.

***

Баран жылқы мініп шапсаңыз – ұзақ уақыт бойы істеріңіз алға басып, бір мезетте олардың пайдасыздығына көз жеткізетін боласыз.

***

Бəйгеге қатысу – дəулетті өмірдің хабаршысы.

***

Бие көрсе – құрметті, ізгі қатынға кездеспек.

***

Дақтары бар (шұбар, теңбіл) жылқыларды көру – жұмыстан алда көретін пайданы меңзейді.

***

Дөң үстінен аттан түсіп жатсаңыз – сəтсіздіктер.

***

Егер де адам түсінде мінген атынан құлап қалса – онда ол жақсы емес, алда қауіп-қатер бар болғаны.

***

Егер де, жылқы малы лас, кір болатын болса, өзіңіз сенетін адамдардың сатқындығына қаласыз.

***

Егер кісі түсінде атқа мініп, одан құламай, өзі түсетін болса, онда бұл – жақсы. Өйткені халық түстегі атты өңдегі арман-тілекке балаған.

***

Егер, жылқы сізді жығып кетсе немесе арқаңыздан қатты тебетін болса – тағдыр сынағы сізге бақталастарыңыздың келбетінде келуі мүмкін немесе сіз науқасқа шалдығасыз.

***

Егер иттің басы, аттың басы, есек басы, осы секілді жануарлардың басын көрсе – біреуге кірісіп, еңбегінің бейнетін көрер.

***

Егер, қыз бала өзін қара аттың үстіндегі шабандоз ретінде көрсе – арманына жетуге кездейсоқ жағдайдың көмектесетінін, сонымен қатар дана адамдармен сөйлесетінін білдіреді.

***

Егер кісі түсінде атқа мініп көкпар шапса – болыс болады.

***

Егер кісі түсінде ерттеулі атқа мінсе – мұратына жетер.

***

Егер кісі түсінде жабайы жылқыға мінсе – онда оның мал-мүлкіне зиян келеді.

***

Егер кісі түсінде қоңды, жарамды атқа мініп жүрсе – онда оның байлығы артады.

***

Жылқы мініп жүрсең – қуаныш.

***

Жылқы сатып алып жүрсең – жаңа хабар аласың.

***

Жылқының арқасында таза көлді жүзіп өту – армандардың орындалуы мен пайда табуға негіз болады.

***

Жылқының қашып, жабайы үйірге қосылуын көру – сізді біреудің сырқаты туралы хабар күтіп тұр.

***

Жылқыны өзіңіз, я біреудің тазалап жатқанын көру – өмірде лайықты орын тауып, құрметке жету үшін көп азап көретініңізді хабарлайды.

***

Кәсіпкерлер, шаруалар жəне əдебиетшілер үшін жылқының жалы мен құйрығын өздері безендіріп жатқан түс – оңтайлы болып саналады.

***

Керемет аттарды көру – дəулет пен жетістікке меңзейді.

***

Көкпар шабу – бір нәрсеге таңырқау.

***

Қамшы ұстаса – ұл сүйеді.

***

Қамшы – қиыншылықтардың кетуін, дұшпандардың жеңілуін білдіреді.

***

Қамшы – бала-шағаның да белгісі.

***

Қара ат көрсең – сәтсіздікке ұрынасың.

***

Құлын көрсең – кіріс келеді, бірақ қиналысқа кезігуің мүмкін.

***

Құлагерлердің шабысын көру – кенет нашар жаққа ауысатын оң жағдайлардың болатынын хабарлайды. Бұл түс үстіртін қызығушылықтарды да алдын ала хабарлауы мүмкін.

***

Қыз қууға қатысу – үйлену.

***

Қымызды біреуге берсең – олжаңды бөлісу немесе оқу орнына бару.

***

Өз атыңызды өзіңіз тағаласаңыз –күмәнді жолмен байлыққа жетесіз.

***

Сүйіктісінің өзінің артынан ат үстінде келе жатқанын көру – қыз бала үшін ғашық жігіттердің көп болуын меңзейді

***

Торы айғырдың үстінде шабу – тілектеріңіздің қанағаттандырылуы жəне алға басуы. Бұл түсті көрген əйел тыныштығын қашырған жігіттің бетін қорықпай қайтара беруіне болады, ал өзін алдағы уақытта материалды табыс күтіп тұр.

***

Түсінде ақбозатқа міну – жақсы белгі. Бірінші кезекте бұл түс сізге достық қарым-қатынастардың беріктігін жəне ойы бір таныстарыңызбен кездесудің көп қуаныш əкелетінін жеткізбекші.

***

Түсінде атқа мінген кісі – өңінде арман-тілегіне жетеді.

***

Түсінде атқа мініп намаз оқып көрсе – қатты қорқыныш болмақ, өлтіріс болмақ.

***

Түсінде аспаннан қамшы түскенін көру – Алла тағаланың қаһар, қарғысын білдіреді.

***

Түсінде атын қамшысымен сабағанын көру – жақсылық үшін Алла Тағалаға дұға қылуын білдіреді.

***

Түсінде бір адамды қамшымен ұрғанда, ол кісіден қан шашырағанын көру – жаманшылық пен қиыншылықтың белгісі.

***

Түсінде бір адамды қамшымен ұру – ол кісіге уағыз, насихат айтуды білдіреді.

***

Түсінде біреу мінер ат берсе – жақсы мәртебеге жетер.

***

Түсінде дұшпанын қамшымен ұрғанын көру – абырой, атақ-данқтың белгісі.

***

Түсінде жараланған немесе өлген жылқыны көру – қайғылы жайттардан хабар береді.

***

Түсінде кісі ерттеулі атқа мініп жүрсе – онда ол өңінде тілегіне жетеді.

***

Түсінде қара ат, яки жирен ат көрсе – сүйініштік, рахаттық болады, дәулет ғиззат болар.

***

Түсіңізде ат үстінде мөлдір бұлақты кешіп өтсеңіз – сәттілік серігіңізге айналады. Бірақ, бұлақтың суы қара болса, бақытыңызға сызат түседі.

***

Түсіңізде жақсы тағаланған жылқыға сүйсінсеңіз – жақын арада қиялыңызға кірмеген жетістікке қол жеткізесіз. Əйел адам үшін бұл түс өмір бойына адал досты кезіктіретінін білдіреді.

Құрастырып, дайындаған Ержан Жаубай

Argymaq.kz

Басты фото: Мейрамбек Ташкенұлы