Тай үйрету эстафетасын Атбасар мен Бұланды аудандарына жолдады (ФОТО)

Кеше «Тай – атқа, ат – мұратқа жеткізер» атты жабағы үйретуден өтіп жатқан эстафеталық байқауымыз Біржан сал ауданы Сәуле ауылында өтті.

Ақмола облыстық ішкі саясат басқармасының қолдауымен, «Рухани жаңғыру» бағдарламасының Өңірлік жобалық кеңсесінің бастамасымен өтіп жатқан бұл байқаудың негізгі мақсаты Елбасының «Ұлы Даланың жеті қыры» мақаласында айтылған «Атқа міну мәдениетін» арнайы жобасын жүзеге асыру.

Біржан сал ауданының Сәуле, Бірсуат, Құдықағаш, Кеңащы ауылдарының 5-9-сынып оқушылары қатысты.

Байқауды аудан әкімі Ермек Бекенұлы ашып берді.

Шу асау жабағылармен алысып, тай жалына кенедей жабысып жүлдегер атанған балалар халықтың қошеметіне бөленді.

Жүлдегер атанған оқушылар: Сағымбай Жандос (Сәуле ауылынан), Сакенов Ердос (Кеңащы ауылынан), Кәркен Сағындық (Құдықағаш ауылынан), Төлеш Бақтияр (Бірсуат ауылынан). Оқушылар дипломмен және ақшалай сыйақымен марапатталды.

Аудан әкімі Ермек Бекенұлы оқушыларға ризашылығын білдірді.

Сонымен қатар, «Рухани жаңғыру» бағдарламасының Өңірлік жобалық кеңесінің жетекшісі, ақын Мерген Тоқсанбай және менеджері, ақын Қуаныш Оспан сөз сөйлеп қорытынды жасады. Қуаныш Оспан өзінің жыр-шумақтарын жолдап, аудан әкіміне және Сәуле орта мектебінің ұжымына кітап сыйлады.

Естеріңізге сала кетейік, бұған дейін тай үйрету эстафетасы Зеренді ауданының Сәкен Сейфуллин ауылында өткені туралы жазған болатынбыз.

argymaq.kz