Dubai Racing Carnival: Кабирхан жарысқа қатыспайды
Қазақстанның сәйгүлігі Кабирхан 2 наурыз күні Дубайда өтетін Dubai Racing Carnival: Super Saturday жарысына қатыспайтын болды.
Бапкер Даг Уотсон мен ат иесі Тілек Мұханбетқалиев осындай шешімге келген. Оның орнына 30 наурызда өтетін Әлем кубогында бақ сынамақ.
Кабирхан Дубайдағы ат жарысқа тіркелген болатын. Жүлде қоры 1,7 миллион дирхам (бірінші орынға 1 млн дирхам) болатын бәйгеде 1900 метрде бақ сынауы керек еді. Алайда ат иесі Әлем кубогына дұрыс дайындалу үшін бұл жарысқа қатыспауды ұйғарыпты.
Кабирханның жағдайы жақсы. Бапкер Даг Уотсон мен ат иесі Тілек Мұханбетқалиев сенбі күнгі жарыстан бас тартып, 30 наурызда өтетін Әлем кубогіне дайындалуды жөн көрді, — делінген Dubai Racing Club баспасөз қызметі таратқан хабарламада.
Бұл ақпаратты Кабирханның иесі Тілек Мұханбетқалиев те растады.
Кабирхан қатысатын Әлем кубогының жүлде қоры – 7,5 миллион доллар. Қазақстан сәйгүлігі 3,2 және 2,5 км қашықтықта жарысуға тіркелген.
Айта кетейік, Кабирхан Al Maktoum Challenge жарысының екі кезеңінде де бірінші келіп, Әлем кубогы жарысына қатысуға мүмкіндік алған болатын.
Argymaq.kz
ФОТО: Dubai Racing Club
1 comment
ПІКІР ЖАЗУ
Email: argymaq.kz@mail.ru
Жүлде қоры қате жазылған, бәйге қашықтығы қате жазылған, бұндай жалған мәліметтері бар жаңалықты қалай шығарасыздар?