ەلوردا ىرگەسىندەگى جاپپاي كوكپار

de-bdefffa

سوڭعى جىلداردا جاپپاي كوكپار ۇيىمداستىرۋ  ەلىمىزدىڭ بارلىق وڭىرىندە بەلەڭ الا باستادى. جۇرشىلىقتى داستۇرلى ويىن مەن ۇلتتىق سپورتقا قىزىقتىرۋ, بۇقارالىق سپورتتى جانداندىرۋ, جاستاردى وتانسۇيگىشتىككە تاربيەلەۋ ماقساتىندا نۇر-سۇلتان قالاسىنىڭ اۋماعىندا ۇلتتىق سپورتتىڭ دوداسى بۇعان دەيىنگى ۋاقىتتا دا از وتكىزىلگەن جوق. سونداي دۇبىرلى باسەكەنىڭ بىرى ەلوردانىڭ ىرگەسىندەگى تالاپكەر اۋىلىندا قاراشانىڭ 3 كۇنى وتتى.

بۇل جاپپاي كوكپاردى حاسەنوۆتەر اۋلەتى ومىردەن وزعان ارداقتى اكەلەرىن ەسكە الۋ قۇرمەتىنە جاساعان جىلدىق اسقا وراي ۇيىمداستىردى. بەلگىلى اتبەگى حاسەنۇلى اماندىق اقساقال كەزىندە اقمولا وڭىرىنىڭ اۋىل شارۋاشىلىعى سالاسىندا ۇزاق جىلدار تابىستى  ەڭبەك ەتىپ, سوتسياليستىك ەڭبەك ەرى وردەنىن يەلەنگەن, وسى ولكەگە تانىمال تۇلعا. زووتەحنيكا سالاسىنىڭ جوعارى بىلىمدى مامانى. جەتى ۇل-قىز تاربيەلەپ وسىرگەن ابزال اكە.

ۇلتتىق سپورت قاۋىمداستىعىنىڭ حابارلاۋىنشا, كوكپارعا ەلىمىزدىڭ ار وڭىرىنەن كەلگەن باعلان شىرىنباەۆ, ۇلان بايتورەەۆ, نۇرداۋلەت مومىنوۆ, قۇرمانبەك تۇرعانبەك, اسلان قابجانوۆ, ەرلان قانافين  سىندى اتاقتى كوكپارشىلارى قاتىسىپ, دودانىڭ دۋمانىن قىزدىردى. تىپتى, ۇلتتىق سپورت تۇرلەرىنىڭ باس باپكەرى  قۋانىشبەك قۇراماەۆتىڭ وزى كوكپاردىڭ دوداسىندا توپ جارىپ, ايگىلى بالۋانداردان ايلا اسىرىپ,  سالىم سالدى.

be-bbb-bec

جاپپاي كوكپاردى تاماشالاۋعا قاتىسقان ۇلتتىق سپورت قاۋىمداستىعىنىڭ پرەزيدەنتى بەكبولات قانايۇلى وزىنىڭ قۇتتىقتاۋ سوزىندە حاسەنوۆتەر اۋلەتى ۇيىمداستىرعان كوكپارعا الىستان ات سابىلتىپ ارنايى كەلگەن اتاقتى كوكپارشىلاردىڭ ۇيىمشىلدىقتارىنا, ارقا توسىندە, ەلوردانىڭ ىرگەسىندە  وسىنداي جاپپاي كوكپاردىڭ وتۋىنە ۇيىتقى بولعان اتبەگى امانجول اماندىقۇلى مەن ونىڭ اعايىن-تۋىستارىنا شىنايى العىسىن جەتكىزدى.

«ەلىمىزدىڭ تاۋەلسىزدىگى, حالقىمىزدىڭ بەيبىتشىلدىگى ارقاسىندا تالاي اسىل دۇنيەمىز جاندانۋدا. سونىڭ ىشىندە ۇلتتىق سپورتىمىز الەمدىك دەڭگەيگە كوتەرىلدى. مىنە, ارقانىڭ توسىندەگى جاپپاي كوكپارعا ەلىمىزدىڭ اتاقتى بالۋاندارى ارنايى قاتىسىپ وتىر. سونىڭ بارلىعى ەڭ الدىمەن داستۇرلى ويىندى وسىلايشا  ۇنەمى قولداپ, قوشامەتتەي بىلگەن قالىڭ جانكۇيەردىڭ, ياعني, سىزدەردىڭ ارقالارىڭىزدا» – دەدى بەكبولات تىلەۋحان.

ەستەرىڭىزگە سالا كەتەيىك, بۇعان دەيىن تالاپكەر اۋىلىندا جاپپاي كوكپار وتەتىنى تۋرالى حابارلاعان بولاتىنبىز.

جاپپاي كوكپاردىڭ سالىم جۇلدەسىنە – 1 ميلليون تەڭگە جانە  2 تانا, 2 جاباعى, 2 تاي, 2 ات, 2 تۇيە تىگىلدى. «وگىز ولدى» سالىمىنا ەكى تۇيە اتالدى.

قوستاناي, سولتۇستىك قازاقستان, تۇركىستان, جامبىل, اقمولا وبلىستارىنان كەلگەن ايتۋلى كوكپارشىلارى اراسىنان دوداشىل اتىنا سەنىپ, وزگەلەردەن ايلاسى مەن شەبەرلىگىن اسىرعان بىرنەشە بالۋاندار سالىم سالىپ, كورەرمەن قوشامەتىنە بولەندى. ال, جاپپاي كوكپاردىڭ اياقتالعانىن بىلدىرەتىن «وگىز ولدى» سالىمىنىڭ بىرىن كوكپاردىڭ جاس بالۋانى قۇرمانبەك تۇرعانبەك سالسا, ەكىنشىسىن ايگىلى كوكپار بالۋانى باعلان شىرىنباەۆ سالدى.

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>