Home›Басты ақпарат›«АLAMAN» медиа байқауы жарияланды

«АLAMAN» медиа байқауы жарияланды

29.08.2023

1215

Тұңғыш рет Қазақстан Республикасының Ұлттық спорт қауымдастығы журналистер арасында «АLAMAN» атты халықаралық медиа байқауын жариялады.

Байқау 2023 жылғы 1 қыркүйектен 2024 жылдың 1 наурыз аралығында 6 ай бойы өткізіледі. Оған отандық журналистер, авторлар және шетелдік БАҚ өкілдері қатыса алады.

Байқау номинациялары:

Үздік бағдарлама (телевизия, радио)
Үздік аналитикалық материал (дәстүрлі баспасөз: газет, журнал)
Үздік танымдық материал (интернет, БАҚ)
Үздік сұхбат (YouTube арна)
Үздік фотосурет (БАҚ, әлеуметтік желі)
Шетелдік БАҚ-та жарияланған үздік материал (қазақтың ұлттық спорты туралы)
Әлеуметтік желідегі үздік материал (блогинг, мобилография)

Әр номинация бойынша үш үздік авторға ақшалай сыйлық беріледі:

1 орынға – 1 000 000 теңге;

2 орынға – 700 000 теңге;

3 орынға – 500 000 теңге.

Байқаудың жеңімпаздары 2024 жылдың наурыз айында марапатталады.

Байқаудың мақсаты – ұлттық спорт түрлерінің насихатын күшейту, осы саладағы журналистер, БАҚ өкілдері және авторларды кәсіби тұрғыдан бағалап, ең үздіктерін анықтау.

Басқа да ақпараттарды ұйымдастыру комитеті немесе мына сайт арқылы білуге болады: http://alaman.ultsport.kz/.

Байланыс нөмірі: Бибігүл +7 775 332 08 00.