Адай жылқысы патенттелді

3075

Әділет министрлігі Адай тұқымды жылқыны ұлттық брендтер қатарына қосып, ресми түрде тіркеді.

Патент алу аталмыш жылқы түрін одан әрі сақтауға, іріктеуге, сондай-ақ отандық туризм мен ұлттық брендті дамытуға ықпал етеді. Бұған дейін

Мемлекет басшысы Маңғыстау облысына сапары кезінде осы асыл тұқымды жануарды ғылыми тұрғыдан дәлелдеуді әрі өсімін молайтуды арнайы тапсырған еді.

Мемлекет басшысы Маңғыстау облысына жасаған сапары барысында Адай жылқысының қасиеттеріне айрықша тоқталып, оны ғылыми тұрғыда асыл тұқымды мал ретінде тану және көбейту үшін тиісті жұмыстарды қолға алуды тапсырған болатын. Осы тапсырманы орындау мақсатымен ғалымдардан, сала мамандарынан құралған арнаулы топ аса ауқымды жұмыстар жүргізіп, кеше ғана елімізде Адай жылқысының 6 түрі жаңа ұлттық бренд ретінде ресми тіркелді. Бұл – Адай жылқысын халқымыздың бірегей бренді ретінде сақтап, санын одан әрі арттыруға мүмкіндік беретін маңызды қадам болмақ – деп жазды Қазақстан Республикасы Президентінің ішкі саясат мәселелер және коммуникациялар жөніндегі көмекшісі Руслан Желдібай.

Ал Парламент мәжілісінің депутаты Еділ Жаңбыршин елден сүйінші сұрады.

Қадірлі жерлестер! Мың жылдық тарихы бар, “Адай” сәйгүлігінің – асыл тұқымды жылқы болуымен шын жүректен құттықтаймын. Енді, “Адай” жылқысы ресми патенттелген асыл мұра қатарында. Бұған дейін мың шабыста “сүрінсе” де, ақыры әділеттіктің жеңісі де, жемісі де орнады. Яғни, осы жағдай бүгінгі әділ қоғамның орнауының нақты көрінісі. Бұл – маңғыстаулық мамандар, атбегілер, ұлт жанашырлары мен ауылдастарымның адал еңбегі, маңдай тері. Ұлттың коды оның мұрасы, ал оны дамытуды қолдап отырған Мемлекет басшысына да жерлестерімнің атынан алғыс білдіремін – деді ол.

Қазақтың тағы бір қазанаты қатарға қосылып, бағасын алғанына біз де қуаныштымыз! Ат сүрініп, азамат жаңылмасын!

Argymaq.kz

error: Сайттан материал көшіруге болмайды. Сайтта жарияланған барлық ақпараттық материалдар Қазақстан Республикасының заңнамасына сәйкес, оның ішінде авторлық және жанама құқық туралы заңдармен қорғауға алынған.
holiganbet7746grandpashabetgrandpashabet girişgrandpashabet girişjojobetgrandpashabet girişgranpashabet güncel girişGrandpashabetgrandpashabetgrandpashabetgrandpashabet güncel girişgrandpashabet facebookgrandpashabetcasino sitelerigrandpashabet facebookgrandpashabet resmi girişkahraman habergrandpashabet girişgiftcardmall/mygiftextrabetjojobet