Көшпенділер ойындары: Қазақстандық көкпаршылар үшінші орын алды

Қырғызстанда өтіп жатқан ІІІ Дүниежүзілік көшпенділер ойындарында қазақстандық көкпаршылар үшінші орын алды.

Жартылай финалда Өзбекстан құрамасына есе жіберген жерлестеріміз үшінші орын үшін тартыста ресейлік Мәскеу құрамасын ойсырата ұтты.

Ойынның алғашқы бөлігінде-ақ 9:0 есебімен мәскеуліктерді есеңгіретіп тастаған біздің жігіттер, екінші бөлім аяқталғанда есепті 17:1-ге бірақ шығарды.

Сонымен жерлестеріміз ІІІ Дүниежүзілік көшпенділер ойынын қола жүлдемен аяқтады.

Ал дәл қазіргі сәтте финалдық кездесу Қырғызстан мен Өзбекстан арасында өтіп жатыр.

Фото: worldnomadgames.com